完整藏文原文 · 德格版页 当前仅加载第 65 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཕྲད་པ་དང་། ཤིན་ཏུ་མི་བཟད་པའི་སྡུག་བསྔལ་ཆེན་པོ་མྱོང་ནས་གདོད་ཚེ་འདི་ལ་མིའི་ལུས་ཐོབ་ཀྱིས་ཀྱང་ལྐུགས་པ་དང་། དིག་པ་དང་། ལྕེ་ནད་ཅན་དུ་གྱུར་པ་དང་། བརྡ་མི་འཕྲོད་པ་ལས་བཅོམ་ལྡན་འདས་ཀྱི་བྱིན་གྱི་རླབས་ཀྱིས་གདོད་སྨྲ་ནུས་པ་དང་། སྔོན་འདས་
D239.065.0194a01.01པའི་དུས་ན་མི་དགེ་བའི་ལས་ཀྱི་སྒྲིབ་པ་ཅི་བགྱིས་པ་ཐམས་ཅད་དྲན་པར་གྱུར་ཅིང་། བདག་ཅག་བཅོམ་ལྡན་འདས་ཀྱི་སྤྱན་སྔར་མདོ་སྡེ་བཤད་པ་འདི་ཐོས་ནས་སླར་ཡང་ཡང་དག་པའི་ལྟ་བ་རྙེད་དེ་ཤིན་ཏུ་ངོ་ཚ་བ་དང་། འཛེམ་པ་དང་། མི་འཆབ་པའི་སེམས་ཀྱིས་སོ་སོར་འཆགས་སོ། །དེང་
D239.065.0194a02.01སླན་ཆད་ཇི་སྙེད་སྒྲིབ་པར་འགྱུར་བའི་ལས་རྣམས་མི་བགྱིད་པར་ཡོངས་སུ་བསྲུང་བར་འཚལ་ལོ། །བཅོམ་ལྡན་འདས་ཐུགས་བརྩེ་བ་ཅན་གྱིས་བདག་ཅག་གི་སྡིག་པ་དེ་དག་ཡོངས་སུ་བྱང་བ་དང་། སླན་ཆད་མི་བགྱིད་པར་རྗེས་སུ་གཟུང་དུ་གསོལ། མ་འོངས་པ་ན་ཡང་ངན་སོང་གི་སྡུག་བསྔལ་
D239.065.0194a03.01ཡོངས་སུ་མྱོང་བར་འགྱུར་བ་ལས་བཅོམ་ལྡན་འདས་ཀྱི་ཐུགས་རྗེས་བསྐྱབ་པ་དང་། དམ་པའི་ཆོས་བསྟན་དུ་གསོལ། བཅོམ་ལྡན་འདས་ཀྱིས་ལེགས་སོ་ཞེས་བཀའ་སྩལ་ཏེ། ལེགས་སོ་ལེགས་སོ། །ཁྱེད་འདི་ལྟར་འཛེམ་པ་དང་། ངོ་ཚ་བས་སོ་སོར་བཤགས་པ་ལེགས་སོ། །ངའི་བསྟན་
D239.065.0194a04.01པ་ལ་སྐྱེས་བུ་དམ་པ་མ་ཉམས་པ་ཞེས་བྱ་བ་གཉིས་ཡོད་དེ། གཅིག་ནི་རང་བཞིན་གྱིས་ཡོངས་སུ་དག་ཅིང་ཐོག་མ་ནས་ཉེས་པ་མི་བྱེད་པའོ། །གཅིག་ནི་ཉེས་པ་བྱས་སུ་ཟིན་ཀྱང་འཛེམ་པ་དང་། ངོ་ཚ་བས་སོ་སོར་འཆགས་པ་སྟེ། སྐྱེས་བུ་དམ་པ་འདི་གཉིས་ནི་ངའི་བསྟན་པའི་ཆོས་ལ་ཤིན་
D239.065.0194a05.01ཏུ་འདུན་པ་རྣམ་པར་དག་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་དེ་དག་མོས་པ་ཇི་ལྟ་བ་བཞིན་དུ་དམ་པའི་ཆོས་རྣམ་པ་སྣ་ཚོགས་བསྟན་ཅིང་བཤད་དེ་སོ་སོར་ཅི་དགའ་བའི་བདེ་བ་ཐོབ་པར་བྱས་སོ། །དེ་དག་དགའ་བཞིན་དུ་བཅོམ་ལྡན་འདས་ལ་ཕྱག་འཚལ་ནས་སོ་སོའི་སྟན་ལ་འཁོད་དོ། །
D239.065.0194a06.01དེའི་ཚེ་འཁོར་གྱི་དཀྱིལ་འཁོར་དེའི་ནང་ན་ཉན་ཐོས་ཚད་མེད་པ་བརྒྱ་སྟོང་སྙེད་དང་། བྱང་ཆུབ་སེམས་དཔའ་ཚད་མེད་པ་བྱེ་བ་བརྒྱ་སྟོང་སྙེད་ཀྱིས་མདོ་སྡེ་འདི་བཤད་པ་ཐོས་ནས་མི་དགེ་བའི་ལས་ཀྱི་སྒྲིབ་པ་སྔོན་ཅི་བྱས་པ་དྲན་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་
D239.065.0194a07.01