完整藏文原文 · 德格版页 当前仅加载第 65 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པས་ཁྱིམ་པའི་ཆོས་ཉིད་དང་སྦྱོར་དུ་ཡང་མ་གནང་ན། ལྕག་དང་དབྱིག་པ་ལ་སོགས་པས་གཞུ་བ་དང་། འཚོག་པ་དང་། བཙོན་རར་གཞུག་པ་དང་། གཤེ་ཞིང་སྤྱོ་བ་དང་། ལུས་ཀྱི་ཡན་ལག་དང་ཉིང་ལག་གཅོད་ཅིང་གཏུབ་པ་དང་། འཚོ་བའི་དབང་པོ་དང་ཕྲལ་བ་ལ་
D239.065.0140b01.01སོགས་པ་ཆོས་མ་ཡིན་པ་གཞན་ལྟ་ཅི་སྨོས། ཚངས་པ་ཆེན་པོ་དེ་ལྟར་ཚུལ་ཁྲིམས་ཉམས་ཤིང་སྡིག་པ་སྤྱོད་པའི་དགེ་སློང་དེ་ངས་བསྟན་པའི་འདུལ་བ་ལས་མི་རོ་ལྟ་བུའོ་ཞེས་གསུངས་མོད་ཀྱི་རབ་ཏུ་བྱུང་བ་དང་། ཚུལ་ཁྲིམས་དང་། ཡོན་ཏན་ལྷག་མའི་མཐུ་ཡོད་དོ། །དཔེར་ན་ཁྱུ་
D239.065.0140b02.01མཆོག་གམ། གླ་བ་ལྟ་བུ་ཤི་སྟེ་རྣམ་པར་ཤེས་པ་དང་བྲལ་ནས་བྱོལ་སོང་གི་ནང་ན་རོ་ཡིན་མོད་ཀྱི། ཁྱུ་མཆོག་ལ་གིའུ་ཝང་ཡོད་པ་དང་། གླ་བ་ལ་གླ་རྩི་ཡོད་པས་སེམས་ཅན་ཚད་མེད་དཔག་ཏུ་མེད་པའི་ཕན་པ་དང་བདེ་བའི་དོན་ཆེན་པོར་འགྱུར་བ་བཞིན་དུ་ཚུལ་ཁྲིམས་ཉམས་པའི་
D239.065.0140b03.01དགེ་སློང་དེ་ཡང་ངས་བསྟན་པའི་འདུལ་བ་ལས་མི་རོ་ལྟ་བུའོ་ཞེས་བྱ་མོད་ཀྱི། རབ་ཏུ་བྱུང་བ་དང་། ཚུལ་ཁྲིམས་དང་། ཡོན་ཏན་ལྷག་མའི་མཐུས་ཀྱང་སེམས་ཅན་ཚད་མེད་དཔག་ཏུ་མེད་པ་ལ་ཕན་པ་དང་བདེ་བའི་དོན་ཆེན་པོར་འགྱུར་རོ། །ཚངས་པ་ཆེན་པོ་འདི་ལྟ་སྟེ། ཚོང་པ་
D239.065.0140b04.01དག་ཀྱང་རྒྱ་མཚོ་ཆེན་པོར་ཞུགས་ནས་རིགས་གཅིག་པའི་སེམས་ཅན་ཚད་མེད་པ་དག་བསད་དེ་མིག་ཕྱུང་ནས་མིག་གི་འབྲས་བུ་དེ་དང་། བརྟན་ཞེས་བྱ་བའི་འབྲས་བུ་དང་ལྷན་ཅིག་སྦྱར་ན་མིག་སྨན་རིན་པོ་ཆེར་འགྱུར་རོ། །སེམས་ཅན་གང་ལོང་བ་མིག་མེད་པ་མངལ་ནས་ཕྱུང་ནས་
D239.065.0140b05.01དམུས་ལོང་དུ་གྱུར་པ་དག་གི་མིག་ཏུ་རིན་པོ་ཆེའི་མིག་སྨན་དེས་བྱུགས་ན་མིག་ནད་ཐམས་ཅད་དང་བྲལ་ཏེ། མིག་རྣོ་ཞིང་གསལ་བར་འགྱུར་རོ། །དེ་བཞིན་དུ་ཚུལ་ཁྲིམས་ཉམས་པའི་དགེ་སློང་ཡང་ངས་བསྟན་པའི་འདུལ་བ་ལས་མི་རོ་ལྟ་བུའོ་ཞེས་བྱ་མོད་ཀྱི་རབ་ཏུ་བྱུང་བའི་
D239.065.0140b06.01སྤྱོད་ལམ་དང་། ཆ་ལུགས་ཡོད་པས་སེམས་ཅན་ཚད་མེད་པ་དག་གིས་སྐད་ཅིག་མཐོང་བ་ཙམ་གྱིས་ཀྱང་རྣམ་པར་དག་པའི་ཤེས་རབ་ཀྱི་མིག་ཐོབ་པར་འགྱུར་ན་ཕ་རོལ་པོ་གཞན་ལ་དམ་པའི་ཆོས་སྟོན་ནུས་པ་ལྟ་ཅི་སྨོས། ཚངས་པ་ཆེན་པོ་འདི་ལྟ་སྟེ། བདུག་སྤོས་བསྲེགས་
D239.065.0140b07.01