完整藏文原文 · 德格版页 当前仅加载第 65 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་བྱས་ན། གང་ཟག་དེ་ནི་ཆོས་ཀྱི་མིག་དང་དཀོན་མཆོག་གསུམ་གྱི་གདུང་འཚོབ་པ་ཐམས་ཅད་ལ་མ་གུས་པ་སྟེ། དེའི་རྒྱུ་དང་དེའི་རྐྱེན་གྱིས་ཡུལ་དེ་སྲུང་བའི་ལྷ་དང་། ཀླུ་དང་། གནོད་སྦྱིན་དང་། ལྷ་ལ་སོགས་པ་དཀོན་མཆོག་གསུམ་ལ་བསམ་པ་དག་ཅིང་དད་པ་མི་ཕྱེད་པ་དག་
D239.065.0151a01.01རྒྱལ་རིགས་གདོལ་པ་ཅན་ནས་བྲམ་ཟེ་གདོལ་པ་ཅན་གྱི་བར་དུ་གདོལ་པ་ཅན་དེ་དག་ཐམས་ཅད་ལ་ཁྲོ་ཞིང་ཞེ་སྡང་བའི་སེམས་སྐྱེ་བ་ནས་གཞུང་དེ་བཞིན་དུ་རྒྱས་པར་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་ལ་སོགས་པ་གདོལ་པ་ཅན་
D239.065.0151a02.01ཐམས་ཅད་རིང་པོ་མི་ཐོགས་པར་ལུས་ཀྱི་ཡན་ལག་ཉམས་ཤིང་ཉིན་མཚན་དུ་མར་ལྕེ་ལྐུགས་པར་འགྱུར་བ་དང་། ཤིན་ཏུ་མི་བཟད་པའི་ན་བ་དང་། ཚ་བའི་སྡུག་བསྔལ་ཆེན་པོ་མྱོང་བ་དང་། འཆི་འཕོས་ནས་ཀྱང་གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་ངོ་། །རིགས་
D239.065.0151a03.01ཀྱི་བུ་གཞན་ཡང་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་ལ་སོགས་པའི་གདོལ་པ་ཅན་རྣམས་ཚུལ་ཁྲིམས་ཉམས་པ་སྡིག་པ་སྤྱོད་པའི་དགེ་སློང་གི་རྗེས་སུ་ཞུགས་པ་ནས། གཞུང་དེ་དེ་བཞིན་དུ་རྒྱས་པར་ཡུལ་དེ་ན་ཆོས་ཀྱི་
D239.065.0151a04.01སྣོད་དུ་གྱུར་པ་ཡང་དག་པའི་བསོད་ནམས་ཀྱི་ཞིང་དུ་གྱུར་པ་ཐམས་ཅད་རྒྱལ་རིགས་གདོལ་པ་ཅན་ལ་སོགས་པ་ལ་སྤོང་བའི་སེམས་སྐྱེད་དེ་བསྐྱབ་པའམ་སྲུང་བ་མི་བྱེད་དོ། །བརྒྱ་ལ་ཡུལ་དེ་ན་གནས་སུ་ཟིན་ཀྱང་ཆོས་ལ་རྟེན་གྱི་ཁྱིམ་པ་ལ་དགའ་ཞིང་གནས་པར་མི་བྱེད་པ་དང་། སྦྱིན་
D239.065.0151a05.01བདག་གི་ཁྱིམ་དུ་ཡང་དང་ཡང་དུ་འགྲོ་བར་མི་བྱེད་པ་དང་། གལ་ཏེ་སྐད་ཅིག་ཙམ་ཕྱིན་ན་ཡང་ཚིག་སྲུང་ཞིང་མི་སྨྲ་བ་དང་། ཇི་སྟེ་སྨྲ་ན་ཡང་{བརྫུན་,རྫུན་}གྱི་བག་མེད་དེ། ཁྱིམ་པའི་མདུན་དུ་ཚུལ་ཁྲིམས་ཉམས་པ་དག་ལ་འཕྱ་བའམ་བརྙས་པར་མི་བྱེད་པ་དང་། ཚུལ་ཁྲིམས་ཉམས་པ་སྡིག་པ་
D239.065.0151a06.01སྤྱོད་པའི་དགེ་སློང་དེ་དག་གི་ཉེས་པ་མི་རྗོད་ཅིང་མི་གླེང་བ་དང་། རྟག་ཏུ་བསོད་ནམས་ཀྱི་ཞིང་ལ་སྟེན་གྱི་ཚུལ་ཁྲིམས་ཉམས་པ་ཡོངས་སུ་སྤོང་ངོ་། །ཚུལ་ཁྲིམས་ཉམས་པ་སྡིག་པ་སྤྱོད་པའི་དགེ་སློང་དེ་དག་ནི་ཕྱིར་ཚུལ་ཁྲིམས་སྲུང་བ་དགེ་བའི་ཡོན་ཏན་དང་ལྡན་པ་དག་ལ་ཁྲོ་བ་དང་།
D239.065.0151a07.01