完整藏文原文 · 德格版页 当前仅加载第 65 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གནོད་པ་དང་། གཞུ་བ་དང་། འཚོག་པ་དང་། ཆད་པས་གཅོད་པ་དང་། ཆོས་གོས་དང་། ལྷུང་བཟེད་དང་། འཚོ་བའི་ཡོ་བྱད་ཕྲོགས་པ་དང་། ཆོས་གོས་ཕྲོགས་ཏེ་ཁྱིམ་པར་ཕབ་ནས་ལས་བྱེད་དུ་བཅུག་པ་དང་། བཙོན་རར་བཅུག་པ་ནས་འཚོ་བའི་
D239.065.0201b01.01དབང་པོ་དང་ཕྲལ་བའི་བར་དུ་མི་བྱེད་ལ། མཆོད་རྟེན་དང་། དགེ་འདུན་གྱི་ནོར་མི་འཕྲོག་པ་དང་། ངན་པ་སྡིག་པ་ཅན་དག་རབ་ཏུ་བྱུང་བ་ལ་འཚེ་བ་དང་། གནོད་པ་བྱེད་དུ་མི་འཛུད་པ་དང་། དཀོན་མཆོག་གསུམ་གྱི་ནོར་ལ་འཕྲོག་ཅིང་སྤྱོད་དུ་མི་འཛུད་པ་དང་། སངས་རྒྱས་
D239.065.0201b02.01ཀྱི་བསྟན་པ་ཐེག་པ་གསུམ་དང་ལྡན་པའི་དམ་པའི་ཆོས་ལ་བསྟི་སྟང་དང་བཅས་པས་མཉན་ཅིང་གཟུངས་སུ་འཛིན་པ་དང་། མཉན་ཏེ་གཟུངས་སུ་བཟུང་ནས་ཀྱང་ཇི་ལྟར་བཤད་པ་བཞིན་དུ་ཆོས་ཀྱི་རྗེས་སུ་བརྩོན་འགྲུས་དང་། ནན་ཏན་བྱེད་པ་དང་། ངས་བསྟན་པའི་
D239.065.0201b03.01ཐེག་པ་གསུམ་གྱིས་འཕགས་པའི་ཉེ་གནས་དག་ལ་མཆོད་པ་དང་། བསྙེན་བཀུར་དང་། བསྟི་སྟང་དང་བཅས་པས་གཡོག་བྱེད་པ་དང་། ཐེག་པ་ཆེན་པོ་ལ་ཤིན་ཏུ་བརྟན་པའི་ཡི་དམ་བཅས་ཏེ་ཐེ་ཙོམ་དང་ཕྱིར་ལྡོག་པའི་སེམས་མི་སྐྱེད་པ་དང་། གཞན་ཡང་སེམས་
D239.065.0201b04.01ཅན་དག་ཐེག་པ་ཆེན་པོ་ལ་དད་ཅིང་ཡིད་ཆེས་པ་དང་། གཟུངས་སུ་འཛིན་པ་དང་། སློབ་པ་ལ་ནན་ཏན་བྱེད་དུ་འཇུག་ན། རྒྱལ་རིགས་གདོལ་པ་ཅན་འདི་དང་། གཞན་ཡང་བདག་ཉིད་ཆེ་བའི་གདོལ་པ་ཅན་དག་ནི་སྔ་མ་འདས་པའི་སངས་རྒྱས་ཀྱིས་ཀྱང་རྒྱལ་ཐབས་ཀྱི་
D239.065.0201b05.01དབང་བསྐུར་ཞིང་ལོངས་སྤྱོད་རྣམ་པ་སྣ་ཚོགས་ལ་སྤྱོད་དུ་གནང་ངོ་། །གཞན་ཡང་གྲོང་དང་། གྲོང་ཁྱེར་དང་། ནོར་དབྱིག་ཐམས་ཅད་ལ་སྤྱོད་ཀྱང་མཚམས་མེད་པའི་སེམས་ཅན་དམྱལ་བར་མི་ལྟུང་བ་ནས། ངན་སོང་གཞན་གྱི་བར་དུ་ཡང་ལྟུང་བར་མི་འགྱུར་རོ། །དེ་ནི་
D239.065.0201b06.01ངས་རྒྱལ་ཐབས་ཀྱི་དབང་བསྐུར་ཞིང་ལོངས་སྤྱོད་རྣམ་པ་སྣ་ཚོགས་ལ་སྤྱོད་དུ་གནང་ངོ་། །དེ་ལྟར་ན་དེ་དག་ནི་གྲོང་དང་གྲོང་ཁྱེར་ན་སྤྱོད་ཀྱང་མཚམས་མེད་པའི་སེམས་ཅན་དམྱལ་བར་མི་ལྟུང་བ་ནས་ངན་སོང་གཞན་དུ་ཡང་མི་ལྟུང་ངོ་། །སེམས་ཅན་གང་སྡིག་པའི་ལས་ཀྱི་སྒྲིབ་པ་
D239.065.0201b07.01