完整藏文原文 · 德格版页 当前仅加载第 65 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་གིས་དེ་བཞིན་གཤེགས་པ་བསམ་གཏན་དང་། ཏིང་ངེ་འཛིན་དང་། རྣམ་པར་གྲོལ་བ་དང་། སྙོམས་པར་འཇུག་པ་དང་། མཉམ་པར་བཞག་པ་ཚད་མེད་པ་བརྒྱ་སྟོང་སྙེད་ལ་རྣམ་པར་དག་པའི་ཡེ་ཤེས་ཀྱིས་འཇུག་ཅིང་། སེམས་ཅན་གྱི་ཉོན་མོངས་པ་ཚད་མེད་པ་སྙེད་
D239.065.0129b01.01བསལ་ནས་ཅི་དང་ཅིས་འདུལ་བ་བཞིན་དུ་ཕན་པ་དང་བདེ་བའི་དོན་གྱིས་འཇིགས་པ་མེད་པ་ལ་བདེ་བར་འགོད་དོ། །འཇིགས་པ་མེད་པས་ང་ནི་དྲང་སྲོང་ཆེན་པོའི་གནས་སུ་དམ་བཅའ་ཞིང་སངས་རྒྱས་ཀྱི་འཁོར་ལོ་བསྐོར་ནས། ལྷ་དང་བདུད་དུ་བཅས་པའི་མུ་སྟེགས་ཅན་ལོག་པར་
D239.065.0129b02.01སྨྲ་བ་ཐམས་ཅད་བཏུལ་ཏེ་འཁོར་མང་པོའི་དཀྱིལ་འཁོར་དུ་སེང་གེའི་སྒྲ་བསྒྲགས་སོ་ཞེས་གསུང་ངོ་། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ནི་བློན་པོ་དང་། དམག་རྣམ་བཞི་དང་བཅས་ཏེ་བདག་གི་རིས་སུ་དབང་བའི་
D239.065.0129b03.01གྲོང་ཁྱེར་དང་། གྲོང་རྡལ་དང་། གྲོང་འདབ་དང་། རི་དང་། ལྗོངས་དང་། ལུང་པ་དང་། ལུང་ཕྲན་དང་། སྐྱེད་མོས་ཚལ་དང་། ཞིང་དང་། འབྲོག་དང་། འབབ་ཆུ་དང་། རྫིང་དང་། མཚེའུ་དང་། ཆུ་མིག་དང་། འབྲོག་དགོན་པ་དང་། ནགས་ཚལ་ལ་སོགས་པར་ཀུན་
D239.065.0129b04.01དུ་བྱུལ་ཞིང་བརྟགས་ནས། ཡུལ་དེ་ཕྱོགས་ཀྱི་འཇིགས་པ་དང་ཐེ་ཙོམ་དུ་བཅས་པའི་གནས་སམ། གཡང་ཟ་བ་བསྡུར་མི་རུང་བའི་གནས་སམ། ཕ་རོལ་གྱི་དགྲ་འཁྲས་ཤིང་འཚེ་བའི་གནས་རྣམས་སུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོས་
D239.065.0129b05.01རང་གི་ཉམས་ཀྱིས་དཔགས་ཤིང་རྣམ་པ་ཐམས་ཅད་དུ་སྦྱངས་ཏེ། བདེ་བར་འཇོག་པ་ལ་སྦྱོར་བ་དང་། ལེགས་པར་བསྲུང་ཞིང་བརྟན་པར་བྱས་པས་གནས་པའི་ཕྱོགས་དེ་དག་མཉམ་པ་ལས་བྱར་རུང་བ་ཕས་ཀྱི་དགྲ་དང་། གྲོགས་པོ་ངན་པ་གླགས་ལྟ་ཞིང་འཁྲས་པའི་གནས་མེད་
D239.065.0129b06.01པར་བྱས་ཏེ། འཇིགས་པ་དང་བག་ཚ་བ་བསལ་བའི་ཕྱིར་ཡུལ་དེ་ན་གནས་པའི་སེམས་ཅན་ཐམས་ཅད་མི་བདེ་བའི་སྡུག་བསྔལ་དང་བྲལ་ཞིང་རབ་ཏུ་བདེ་ཞིང་སྐྱིད་པར་སྐྱབས་སོ། །རིགས་ཀྱི་བུ་དེ་ལྟར་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་རྒྱལ་པོའི་
D239.065.0129b07.01