完整藏文原文 · 德格版页 当前仅加载第 65 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན། བྱམས་སྡུག་པ་དང་ཕྲད་ཅིང་དགྲ་སྡང་བ་དང་བྲལ་ཏེ། སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་དག་ལུས་དང་
D239.065.0110a01.01སེམས་ནད་དང་སྡུག་བསྔལ་མང་པོས་གཟིར་བར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན་དེ་ཀུན་ལུས་དང་སེམས་བདེ་ཞིང་ནད་ཐམས་ཅད་དང་བྲལ་ཏེ་སྐལ་
D239.065.0110a02.01བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་འཐབ་ཅིང་རྩོད་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་
D239.065.0110a03.01བསྟི་སྟང་དང་བཅས་པས་མཆོད་པ་བྱས་ན་ཞེ་འགྲས་པའི་སེམས་དང་བྲལ་ཏེ་གཅིག་ལ་གཅིག་དགའ་བ་དང་། བཟོད་པ་དང་། གཅིག་ལ་གཅིག་བྱམས་པའི་སེམས་ཀྱིས་འགྱོད་ཅིང་ཆགས་པར་འགྱུར་ཏེ་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་
D239.065.0110a04.01པར་འགྱུར་རོ། །གནས་གང་དག་ན་སེམས་ཅན་གང་བཙོན་དུ་བཟུང་སྟེ། བཙོན་རར་བཅུག་གམ། ལྕགས་དང་། ཁོང་སྒྲིལ་དང་། ཤིང་གི་གདོས་ཀྱིས་བཅིངས་སམ། ཡན་ལག་བཅིངས་ཏེ་སྡུག་བསྔལ་བར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་
D239.065.0110a05.01ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན། དེ་ཀུན་བཙོན་ར་དང་། ལྕགས་དང་། ཁོང་སྒྲིལ་དང་། ལྕགས་སྒྲོག་ལས་ཐར་ཏེ་བག་ཡངས་སུ་གྱུར་ནས་དགའ་བ་དང་། སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་
D239.065.0110a06.01ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་དག་བཙོན་དུ་བཟུང་ནས་གཞུ་བའམ། འཚོག་པའམ། ནན་ལ་བོར་བ་དང་། གསོད་པ་ལ་ཐུག་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་
D239.065.0110a07.01