完整藏文原文 · 德格版页 当前仅加载第 65 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ་ཐལ་མོ་སྦྱར་ནས་བསྟི་སྟང་དང་བཅས་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ངོ་མཚར་ཆེའོ། །བཅོམ་ལྡན་འདས་ངོ་མཚར་ཆེའོ། །བདེ་བར་གཤེགས་པ་བདག་གིས་འབྱུང་བ་ཆེན་པོ་བཞི་དག་ལ་དབང་སྒྱུར་མོད་ཀྱི་
D239.065.0116a01.01འབྱུང་བ་ཆེན་པོ་བཞིའི་ཐོག་མ་དང་། བར་མ་དང་། ཐ་མའི་སྐྱེ་བ་དང་། འགག་པ་དང་། འཐུན་པ་དང་། མི་འཐུན་པའི་ཕྱོགས་མི་འཚལ་ཏེ། སྐྱེས་བུ་ཆེན་པོ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཕྲ་བ་ཤིན་ཏུ་ཟབ་མོ་ཐོབ་ནས་འབྱུང་བ་ཆེན་པོ་བཞིའི་ཐོག་མ་དང་། བར་མ་དང་། ཐ་མའི་མཚན་ཉིད་
D239.065.0116a02.01དང་། སྐྱེ་བ་དང་། འགག་པ་དང་། འཐུན་པ་དང་། མི་འཐུན་པའི་ཕྱོགས་ལ་ཤིན་ཏུ་མཁས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །དེ་དེ་བཞིན་ཏེ། རིགས་ཀྱི་བུ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཕྲ་བ་ཤིན་ཏུ་ཟབ་མོ་ཐོབ་པས་འབྱུང་བ་ཆེན་པོ་བཞིའི་ཐོག་མ་དང་། བར་
D239.065.0116a03.01མ་དང་། ཐ་མའི་མཚན་ཉིད་སྐྱེ་བ་དང་། འགག་པ་དང་། འཐུན་པ་དང་། མི་འཐུན་པའི་ཕྱོགས་ལ་ཤིན་ཏུ་མཁས་སོ། །ལྷ་མོ་འདི་ལྟར་ཤེས་པར་བྱའོ། །འདི་ལྟ་སྟེ། ཡིད་བཞིན་གྱི་ནོར་བུ་རིན་པོ་ཆེ་ནི་ཡོན་ཏན་མང་པོ་དང་ལྡན་པས་རིན་པོ་ཆེ་རྣམ་པ་སྣ་ཚོགས་ཆར་
D239.065.0116a04.01བཞིན་དུ་འབབ་སྟེ། སེམས་ཅན་མང་པོ་ལ་སྦྱིན་པ་བྱེད་དོ། །རིགས་ཀྱི་བུ་འདི་ཡང་དེ་བཞིན་དུ་བྱང་ཆུབ་ཀྱི་ཡན་ལག་གི་རིན་པོ་ཆེ་རྣམ་པ་སྣ་ཚོགས་ཆར་བཞིན་དུ་འབེབས་ཏེ་སེམས་ཅན་ལ་སྦྱིན་པ་བྱེད་དོ། །འདི་ལྟ་སྟེ། རིན་པོ་ཆེའི་གླིང་ལྟར་རིན་པོ་ཆེ་རྣམ་པ་སྣ་ཚོགས་ཀྱིས་ཡོངས་སུ་
D239.065.0116a05.01གང་བ་བཞིན་དུ་རིགས་ཀྱི་བུ་འདི་ཡང་བྱང་ཆུབ་ཀྱི་ཡན་ལག་གི་རིན་པོ་ཆེ་རྣམ་པ་སྣ་ཚོགས་དང་ལྡན་ནོ། །འདི་ལྟ་སྟེ། ལྷ་རྫས་ཀྱི་ཤིང་པ་རི་ཙི་ཏྲ་ལ་བསུང་དང་མེ་ཏོག་གིས་མཛེས་པ་བཞིན་དུ་རིགས་ཀྱི་བུ་འདི་ཡང་སངས་རྒྱས་ཀྱི་ཆོས་རིན་པོ་ཆེ་རྣམ་པ་སྣ་ཚོགས་ཀྱིས་རབ་ཏུ་མཛེས་སོ། །
D239.065.0116a06.01འདི་ལྟ་སྟེ། སེང་གེའི་རྒྱལ་པོ་ནི་{རི་དགས་,རི་དྭགས་}ཐམས་ཅད་ཀྱི་ཟིལ་གྱིས་མི་ནོན་ཅིང་མི་སྐྲག་པ་བཞིན་དུ་རིགས་ཀྱི་བུ་འདི་ཡང་སེམས་ཅན་ཐམས་ཅད་ཀྱིས་བག་ཚ་བའམ་ཟིལ་གྱིས་ནོན་པ་མེད་དོ། །འདི་ལྟ་སྟེ། ཇི་ལྟར་ཉི་མ་གསལ་བས་འཇིག་རྟེན་གྱི་མུན་པ་ཐམས་ཅད་ཡོངས་སུ་སེལ་བ་
D239.065.0116a07.01