完整藏文原文 · 德格版页 当前仅加载第 65 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་འདོད་པའི་ཁམས་ལ་མི་གནས་པ་སྟེ། ཆོས་བརྒྱད་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་
D239.065.0200a01.01འཐོབ་པར་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གཟུགས་ཡོད་པའི་ཁམས་ལ་མི་གནས་པ་སྟེ། ཆོས་དགུ་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་
D239.065.0200a02.01འཐོབ་པར་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གཟུགས་མེད་པའི་ཁམས་ལ་མི་གནས་པ་སྟེ། ཆོས་བཅུ་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་
D239.065.0200a03.01འཐོབ་པར་འགྱུར་རོ། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པའི་ཚེ་འཁོར་གྱི་དཀྱིལ་འཁོར་དེའི་ནང་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་བརྒྱ་སྟོང་བདུན་ཅུ་རྩ་གཉིས་སྙེད་ཀྱིས་མི་སྐྱེ་བའི་ཆོས་ཀྱི་བཟོད་པ་འཐོབ་བོ། །བྱང་ཆུབ་སེམས་དཔའ་བྱེ་བ་
D239.065.0200a04.01ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་སྙེད་ཀྱིས་ཆོས་ཀྱི་རྗེས་སུ་འཐུན་པའི་བཟོད་པ་འཐོབ་བོ། །ཉན་ཐོས་ཚད་མེད་པ་བརྒྱ་སྟོང་སྙེད་ཀྱིས་ཉོན་མོངས་པ་ཐམས་ཅད་ཡོངས་སུ་བཅད་པ་ནས་དགྲ་བཅོམ་པའི་བར་དུ་ཐོབ་པར་གྱུར་ཏོ། །སེམས་ཅན་ཁྲག་ཁྲིག་བརྒྱ་སྟོང་སྙེད་
D239.065.0200a05.01ཀྱིས་སྔོན་མ་བསྐྱེད་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་དེ་བཞིན་གཤེགས་པའི་ཡེ་ཤེས་ལ་ཕྱིར་མི་ལྡོག་པའི་ས་ལ་གནས་པར་གྱུར་ཏོ། །སེམས་ཅན་གྲངས་མེད་ཚད་མེད་པ་སྙེད་ཀྱིས་སྔོན་རང་སངས་རྒྱས་ཀྱི་སེམས་མ་བསྐྱེད་པ་དེ་སེམས་
D239.065.0200a06.01བསྐྱེད་པར་གྱུར་ཏོ། །གཞན་ཡང་སེམས་ཅན་གྲངས་མེད་ཚད་མེད་པ་སྙེད་ཀྱིས་སྔོན་ཉན་ཐོས་ཀྱི་སེམས་མ་བསྐྱེད་པ་དེ་བསྐྱེད་པར་གྱུར་ཏོ། །ཡང་དེའི་ཚེ་བཅོམ་ལྡན་འདས་ཀྱིས་འཁོར་མང་པོ་ལ་བཀའ་སྩལ་པ། སེམས་ཅན་གང་ཆོས་ཀྱི་བཟོད་པ་ཐོབ་པས་ནི་རྒྱལ་རིགས་རྒྱལ་
D239.065.0200a07.01