完整藏文原文 · 德格版页 当前仅加载第 65 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ནོ། །རིགས་ཀྱི་བུ་གཞན་ཡང་འདི་ལྟ་སྟེ། གང་ཟག་མཐུ་ཆེན་པོ་དང་ལྡན་པ་གཅིག་འཇིག་རྟེན་དུ་མངོན་པར་བྱུང་སྟེ། སངས་རྒྱས་ཀྱི་རིང་བསྲེལ་གྱི་ཕྱིར་མཆོད་རྟེན་ཤིན་ཏུ་མཛེས་པ། མཐོ་ཞིང་ཡངས་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
D239.065.0162a01.01དང་མཉམ་པ་བརྩིགས་ལ་སྔར་བཤད་པ་བཞིན་ཕྱོགས་བཞིའི་དགེ་འདུན་གྱི་ཕྱིར་གཙུག་ལག་ཁང་དང་། གནས་ཁང་བརྩིགས་པའི་བསོད་ནམས་ཀྱི་ཕུང་པོ་བས་སངས་རྒྱས་ཀྱི་རིང་བསྲེལ་གྱི་ཕྱིར་མཆོད་རྟེན་བརྩིགས་པའི་བསོད་ནམས་ཀྱི་ཕུང་པོ་ཆེ་སྟེ། བརྒྱའི་ཆར་ཡང་ཉེ་བར་མི་འགྲོ་བ་
D239.065.0162a02.01ནས་སྟོང་གི་ཆར་ཡང་ཉེ་བར་མི་འགྲོའོ། །བརྒྱ་སྟོང་གི་ཆར་ཡང་ཉེ་བར་མི་འགྲོའོ། །བྱེ་བའི་ཆར་ཡང་ཉེ་བར་མི་འགྲོའོ། །ཁྲག་ཁྲིག་གི་ཆར་ཡང་ཉེ་བར་མི་འགྲོའོ། །གྲངས་ཀྱི་ཆར་རམ། རྩིས་ཀྱི་ཆར་རམ། དཔག་པའི་ཆར་རམ། དཔེའི་ཆར་རམ། རྒྱུའི་ཆར་ཡང་ཉེ་བར་མི་འགྲོའོ། །
D239.065.0162a03.01རིགས་ཀྱི་བུ་གཞན་ཡང་འདི་ལྟ་སྟེ། གལ་ཏེ་ཕ་རོལ་ཏུ་ཕྱིན་པ་ཐོབ་པ། རྣམ་པར་གྲོལ་བ་བརྒྱད་དང་ལྡན་པ་བསམ་གཏན་ལ་སྙོམས་པར་ཞུགས་པའི་དགྲ་བཅོམ་པ་ཆེན་པོ་ཤ་སྟག་གིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་ཡོངས་སུ་གང་བ་ནི་འདི་ལྟ་སྟེ། འབྲས་ཀྱི་ལྗང་
D239.065.0162a04.01བུའམ། ཏིལ་ལམ། འོད་མའམ། འདམ་བུའམ། བུ་རམ་ཤིང་གི་ཚལ་ལྟ་བུར་གྱུར་ལ། དེ་དག་ཐམས་ཅད་བཅིང་བ་ལྔས་བཅིངས་ནས་ལོ་བྱེ་བ་བརྒྱ་སྟོང་སྙེད་ལོན་པ་ལས་མཐུ་ཆེན་པོ་དང་ལྡན་པའི་གང་ཟག་གཅིག་འཇིག་རྟེན་དུ་མངོན་པར་བྱུང་སྟེ། བསོད་ནམས་འདོད་པའི་ཕྱིར་དེ་དག་
D239.065.0162a05.01གི་བཅིངས་པ་ཐམས་ཅད་བཀྲོལ་ནས་དགྲ་བཅོམ་པ་དེ་དག་ཐམས་ཅད་སྤོས་ཆུས་བཀྲུས་ཏེ། ཆོས་གོས་དང་། ལྷུང་བཟེད་ལོ་བརྒྱ་སྟོང་གི་བར་དུ་ཕུལ་ནས། གནས་ཁང་དང་། ཁྲི་སྟན་དང་། གོས་དང་། བསོད་སྙོམས་དང་། ནད་ཀྱི་གསོས་སྨན་དང་། འཚོ་བའི་ཡོ་བྱད་རྣམ་
D239.065.0162a06.01པ་སྣ་ཚོགས་ཀྱང་ཡིད་བཞིན་དུ་བྱིན་ལ། དགྲ་བཅོམ་པ་དེ་དག་མྱ་ངན་ལས་འདས་ནས་ཀྱང་མཆོད་པ་བྱས་ཏེ། བསྲེགས་ནས་དེ་དག་གི་རིང་བསྲེལ་བསྡུས་ནས་རིན་པོ་ཆེ་སྣ་བདུན་གྱི་མཆོད་རྟེན་གྱི་ནང་དུ་བཅུག་གོ། །གཞན་ཡང་རིན་པོ་ཆེའི་རྒྱལ་མཚན་དང་། བ་དན་དང་། གདུགས་དང་།
D239.065.0162a07.01