完整藏文原文 · 德格版页 当前仅加载第 65 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རིག་པ་བཞི་དང་ལྡན་པར་གྱུར་པ་དང་། ཉན་ཐོས་རྣམས་ལ་ཡང་ཆོས་ཀྱི་མདོ་རྣམ་པར་ཐར་པའི་སྒོ་གསུམ་ཡོངས་སུ་དག་པ་རྣམ་པར་གཞག་པ་བསྟན་ཏོ། །ངས་ད་ལྟར་འཇིག་རྟེན་དང་། འཇིག་རྟེན་ལས་འདས་པའི་རང་བཞིན་ཀུན་ཡང་དག་པ་ཇི་ལྟ་བ་བཞིན་དུ་མཁྱེན་
D239.065.0128b01.01ཏོ། །དེ་ལྟར་སེམས་ཅན་གྱི་རང་བཞིན་ཐ་དད་པ་རྣམ་པ་སྣ་ཚོགས་ཀུན་མཁྱེན་ནས། དེ་དག་ཅི་དང་ཅིས་འདུལ་བ་བཞིན་དུ་ཕན་པ་དང་བདེ་བའི་དོན་མཛད་དོ། །རིགས་ཀྱི་བུ་ངས་དེ་ལྟར་སངས་རྒྱས་ཀྱི་འཁོར་ལོ་ལྔ་པ་འདི་དང་ལྡན་ཏེ། འཁོར་ལོ་དེའི་དབང་གིས་འཇིག་རྟེན་པ་དང་
D239.065.0128b02.01འཇིག་རྟེན་ལས་འདས་པའི་རང་བཞིན་མཁྱེན་པའི་ཡེ་ཤེས་ཀྱིས་སེམས་ཅན་གྱི་རང་བཞིན་ཚད་མེད་པ་རྣམ་པ་སྣ་ཚོགས་ཀུན་སོ་སོར་མཁྱེན་པས་ཅི་དང་ཅིས་འདུལ་བ་བཞིན་དུ་ཕན་པ་དང་བདེ་བའི་དོན་གྱིས་འཇིགས་པ་མེད་པ་ལ་བདེ་བར་བཀོད་དོ། །འཇིགས་པ་མེད་པས་ང་ནི་དྲང་
D239.065.0128b03.01སྲོང་ཆེན་པོའི་གནས་སུ་བཞུགས་ཤིང་སངས་རྒྱས་ཀྱི་འཁོར་ལོ་བསྐོར་ནས་ལྷ་དང་བདུད་དུ་བཅས་པའི་མུ་སྟེགས་ཅན་ལོག་པར་སྨྲ་བ་ཐམས་ཅད་བཏུལ་ཏེ། འཁོར་མང་པོའི་དཀྱིལ་འཁོར་དུ་སེང་གེའི་སྒྲ་རབ་ཏུ་སྒྲོགས་སོ། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་ཐབས་
D239.065.0128b04.01སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ཇི་ལྟར་གྲོང་ཁྱེར་དང་། གྲོང་རྡལ་དང་། གྲོང་འདབ་དང་། རྒྱལ་པོའི་ཕོ་བྲང་བརྟན་པར་བསྲུང་བའི་ཕྱིར་འོབས་ཀྱིས་བསྐོར་བ་ནས་གཞུང་དེ་བཞིན་དུ་རྒྱས་པར་ཤ་རི་དང་ནེ་ཙོའི་བར་དུ་སྲུང་མ་བཙུད་དོ། །ཕོ་བྲང་ན་འཁོར་དང་། བཙུན་མོ་
D239.065.0128b05.01དང་བུ་མོར་བཅས་པས་ཡོངས་སུ་བསྐོར་ཅིང་འདོད་པ་ལྔ་ལ་རྩེ་ཞིང་ལོངས་སྤྱོད་རྣམ་པ་སྣ་ཚོགས་ལ་བག་མེད་པར་དབང་པོ་དྲུག་ཉམ་རངས་སུ་སྤྱོད་དོ། །རིགས་ཀྱི་བུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དེ་དེ་ལྟར་རྒྱལ་པོའི་འཁོར་ལོ་དྲུག་པ་འདི་
D239.065.0128b06.01དང་ལྡན་ཏེ། འཁོར་ལོ་དེའི་དབང་གིས་བདག་གི་ཡུལ་རབ་ཏུ་བདེ་ཞིང་སྐྱིད་པ་དང་། ཕས་རྒོལ་བའི་དགྲ་དང་། གྲོགས་པོ་ངན་པ་ཐམས་ཅད་བཏུལ་ཏེ་ལུས་སྲུང་བའི་ནན་ཏན་ལ་མཁས་པས་ཚེ་ཡང་རིང་བར་འགྱུར་རོ། །རིགས་ཀྱི་བུ་དེ་ལྟར་དེ་བཞིན་དུ་དེ་བཞིན་
D239.065.0128b07.01