完整藏文原文 · 德格版页 当前仅加载第 65 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་རིས་ཀུན་བཏུལ། །སེམས་ཅན་དམྱལ་བ་བྱོལ་སོང་དང་། །{ཡི་དགས་,ཡི་དྭགས་}ལྷ་མིན་རྒྱུད་ཀུན་བཅོམ། །བདེ་བས་སེམས་ཅན་བདེན་པ་རྣམས། །ཐམས་ཅད་རྒྱལ་བའི་སྤྱན་སྔར་ལྷགས། །ནད་དང་མཚོན་གྱིས་འཇིགས་པ་དང་། །མུ་གེས་འཇིགས་པའང་དེང་
D239.065.0105a01.01འདིར་བཅིལ། །སེམས་ཅན་མདོངས་ཤིང་འཐོམ་པ་དང་། །ཡང་དག་ལམ་ནི་སྟོར་བ་བསྒྲལ། །ཉོན་མོངས་མྱོས་ཤིང་འཁྲུགས་པ་དག །ཐམས་ཅད་ཞི་བའི་ལམ་ལ་བཀོད། །བདག་གིས་བྱ་བ་ཀུན་སྤངས་ཏེ། །ལྷགས་ནས་བཅོམ་ལྡན་ཞབས་ལ་ཐུག །དཔག་ཏུ་མེད་
D239.065.0105a02.01པའི་ཞིང་རྣམས་ན། །བཅོམ་ལྡན་ད་ལྟར་བཞུགས་པའི་རྣམས། །ཐམས་ཅད་ཁྱོད་ལ་ཀུན་བསྔགས་པས། །ཐོས་ནས་ཐམས་ཅད་འདི་རུ་ལྷགས། །ཐམས་ཅད་མཁྱེན་པ་རྒྱ་མཚོ་ཡི། །ཡང་དག་ཡོན་ཏན་ཚད་མ་མཆིས། །སེམས་ཅན་མང་པོའི་དོན་མཛད་པ། །མོས་
D239.065.0105a03.01པའི་སེམས་ཀྱིས་ཕྱག་འཚལ་ལོ། །ཚད་མེད་བསོད་ནམས་རྫོགས་བགྱིས་པས། །བཅོམ་ལྡན་ཞབས་ལ་ཕྱག་འཚལ་གྱུར། །ཚད་མེད་བསྐལ་པའི་བར་དུ་ཡང་། །མཆོད་པ་མང་པོས་མཆོད་པར་ཤོག །བདག་ཀྱང་བཅོམ་ལྡན་ཇི་བཞིན་དུ། །དེ་ལྟ་བུ་ཡི་དམ་བཅས། །
D239.065.0105a04.01རྙོག་པ་ཅན་གྱི་འཇིག་རྟེན་འདིར། །བླ་མེད་བྱང་ཆུབ་ཐོབ་པར་ཤོག །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་ཚིགས་སུ་བཅད་པ་དམ་པ་འདི་དག་གིས། བཅོམ་ལྡན་འདས་ལ་མངོན་པར་བསྟོད་ནས་འཁོར་དང་བཅས་ཏེ་གཞན་ཡང་ལྷ་རྫས་ཀྱི་བསུང་
D239.065.0105a05.01དང་མེ་ཏོག་རྣམ་པ་སྣ་ཚོགས་ཀྱི་རིན་པོ་ཆེའི་རྒྱན་ཚད་མེད་པ་སྙེད་ཀྱིས། བཅོམ་ལྡན་འདས་ལ་མངོན་པར་གཏོར་ནས་སྟེང་གི་བར་སྣང་ལ་རིན་པོ་ཆེའི་གདུགས་སུ་གྱུར་ཏེ། དམ་པའི་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་ཅི་ཡང་མི་སྨྲ་བར་འདུག་གོ། །དེའི་ཚེ་འཁོར་
D239.065.0105a06.01གྱི་དཀྱིལ་འཁོར་དེར་འདུས་པའི་འཁོར་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་མཐོང་ནས་ངོ་མཚར་རྨད་དུ་གྱུར་ཏེ། སོ་སོ་ནས་རྣམ་པ་སྣ་ཚོགས་ཀྱི་ལྷ་རྫས་ཀྱི་སྤོས་དང་། མེ་ཏོག་རིན་པོ་ཆེའི་རྒྱན་དང་། ན་བཟའ་དང་། རྒྱལ་མཚན་དང་། བ་དན་
D239.065.0105a07.01