完整藏文原文 · 德格版页 当前仅加载第 65 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་སྲིན་མོ་དེས་བུ་རྣམས་ལ་འདི་སྐད་ཅེས་སྨྲས་སོ། །ཇི་སྟེ་སྐྲ་དང་ཁ་སྤུ་བྲེགས་པ་ཡི། །ཆོས་གོས་གྱོན་པ་འདི་ལ་གནོད་བྱས་ན། །ངེས་པར་མཚམས་མེད་སེམས་ཅན་དམྱལ་བར་ལྟུང་། །ཡུན་རིང་སྡུག་བསྔལ་ཆེན་པོའི་སྣོད་དུ་འགྱུར། །དེ་ནས་སྲིན་མོ་བུ་རྣམས་དང་འཁོར་
D239.065.0155b01.01དུ་བཅས་པས་བསྐོར་ནས་བསྟི་སྟང་དང་བཅས་པས་ཕྱག་འཚལ་ཏེ། ཐལ་མོ་སྦྱར་ནས་ཚིགས་སུ་བཅད་པ་འདི་དག་སྨྲས་སོ། །བདག་ཅག་སེམས་ཅན་དམྱལ་བས་རབ་འཇིགས་ཏེ། །དེ་བས་ཁྱོད་ཀྱི་སྲོག་ལ་གནོད་མི་བགྱིད། །བཅིངས་པ་འདི་ཡང་བཀྲོལ་ཏེ་ཁྱོད་གཏང་གིས། །
D239.065.0155b02.01དམྱལ་བའི་སྡུག་བསྔལ་ཀུན་ལས་ཐར་བར་ཤོག །དེའི་ཚེ་སྲིན་མོ་བུ་སྨད་འཁོར་དང་བཅས་པ་སྙིང་རྗེའི་སེམས་བསྐྱེད་ནས་མི་དེའི་བཅིངས་པ་བཀྲོལ་ཏེ་བཤགས་པ་དང་། སྤྲོ་བ་བསྐྱེད་པ་བྱས་ནས་ཕྱིར་བཏང་ངོ་། །མི་དེ་ཕྱིས་ཉིན་སྔ་རབ་ཏུ་རྒྱལ་པོའི་དྲུང་དུ་འོངས་ནས་དངོས་པོ་དེ་དག་
D239.065.0155b03.01རྒྱུས་ཀྱིས་ཞིབ་ཏུ་གསོལ་ཏོ། །དེའི་ཚེ་རྒྱལ་པོ་དགྲ་ལས་རྒྱལ་བ་འཁོར་དང་བཅས་པས་དེ་སྐད་ཐོས་ནས་དང་ངས་ཏེ་ངོ་མཚར་རྨད་དུ་གྱུར་ནས་ཁྲིམས་སུ་བཅས་ཏེ་ཡུལ་གྱི་མི་རྣམས་ལ་བཀས་བཏགས་པ། དེང་ཕྱིན་ཆད་ངའི་ཡུལ་ན་གནས་པ་སངས་རྒྱས་ཀྱི་སློབ་མ་ཚུལ་ཁྲིམས་སྲུང་ངམ།
D239.065.0155b04.01ཚུལ་ཁྲིམས་ཉམས་སམ། ཆུང་ངུ་ན་ཚུལ་ཁྲིམས་མེད་པར་སྐྲ་དང་ཁ་སྤུ་བྲེགས་ཏེ་ངུར་སྨྲིག་གྱོན་པ་ལ་སུ་ཞིག་ཀྱལ་ཀའམ་གནོད་པ་བྱས་ན་ཐམས་ཅད་གསད་དོ་ཞེས་ཁྲིམས་སུ་བྱས་སོ། །དེའི་རྒྱུ་དེའི་རྐྱེན་གྱིས་མི་མང་པོ་ཡང་བསོད་ནམས་ལ་དགའ་བས་ཐམས་ཅད་བགས་ཀྱིས་བསྟན་
D239.065.0155b05.01པ་ལ་ཕྱོགས་ནས་འཛམ་བུའི་གླིང་ན་རྒྱལ་པོ་དེ་དབང་བའི་མི་ཐམས་ཅད་བསམ་པ་དེས་པས་དཀོན་མཆོག་གསུམ་ལ་སྐྱབས་སུ་གསོལ་ཏོ། །རིགས་ཀྱི་བུ་དེ་ལྟར་འདས་པའི་དུས་ན་སྲིན་མོ་{ཡི་དགས་,ཡི་དྭགས་}ཀྱི་རྒྱུད་དུ་སྐྱེས་པ། མདངས་འཕྲོག་པ་ཤ་དང་ཁྲག་ཟ་བ། སྡིག་པ་ལ་བརྐམ་པ།
D239.065.0155b06.01སྙིང་རྗེ་མེད་པ་ཡང་དེ་ལྟ་བུའི་ཚུལ་ཁྲིམས་མེད་པ་སྐྲ་དང་ཁ་སྤུ་བྲེགས་པ་ཆོས་གོས་ཀྱི་ཚལ་བུ་མགུལ་དུ་བཏགས་པ་དེ་ལ་བསྐོར་བ་དང་། བསྟི་སྟང་དང་། རིམ་གྲོ་དང་། ཕྱག་བྱ་བ་དང་། མཆོད་པ་དང་། ཚིགས་སུ་བཅད་པས་བསྟོད་དེ། གནོད་པ་བྱེད་པའི་སེམས་མེད་ན། ཕྱི་མ་
D239.065.0155b07.01