完整藏文原文 · 德格版页 当前仅加载第 65 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་བའི་ལས་རྣམས་མི་བགྱིད་པར་ཡོངས་སུ་བསྲུང་བར་འཚལ་ལོ། །བདག་ཅག་གི་སྡིག་པ་དེ་དག་ཡོངས་སུ་སྦྱང་བ་དང་། སླན་ཆད་མི་བགྱིད་པར་བཅོམ་ལྡན་འདས་ཐུགས་བརྩེ་བས་རྗེས་སུ་གཟུང་དུ་གསོལ། བདག་ཅག་མ་འོངས་པ་ན་ངན་སོང་གི་སྡུག་
D239.065.0192a01.01བསྔལ་མྱོང་བར་འགྱུར་བ་ལས་ཐུགས་བརྩེ་བས་བསྐྱབ་ཏུ་གསོལ། བདག་ཅག་སླར་ཡང་སྔོན་སྤྱད་པའི་ཉན་ཐོས་ཀྱི་ཐེག་པ་ལ་སྤྱོད་ཅིང་ནན་ཏན་བགྱིད་ཀྱིས། བཅོམ་ལྡན་འདས་ཐུགས་བརྩེ་བའི་སླད་དུ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་
D239.065.0192a02.01སོ། །ཁྱེད་འདི་ལྟར་འཛེམ་པ་དང་། ངོ་ཚ་བས་སོ་སོར་བཤགས་པ་ལེགས་སོ། །ངའི་བསྟན་པ་ལ་མ་ཉམས་པའི་སྐྱེས་བུ་དམ་པ་གཉིས་ཡོད་དེ། གཅིག་ནི་རང་བཞིན་གྱིས་ཡོངས་སུ་དག་ཅིང་ཐོག་མ་ནས་ཉེས་པ་མི་བྱེད་པའོ། །གཅིག་ནི་ཉེས་པ་བྱས་སུ་ཟིན་ཀྱང་འཛེམ་པ་དང་།
D239.065.0192a03.01ངོ་ཚ་བས་སོ་སོར་འཆགས་པ་སྟེ། སྐྱེས་བུ་དམ་པ་འདི་གཉིས་ནི་ངའི་ཆོས་ལ་ཤིན་ཏུ་འདུན་པ་རྣམ་པར་དག་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་དེ་དག་གི་མོས་པ་བཞིན་དུ་འཕགས་པའི་བདེན་པ་བཞིའི་ཆོས་བསྟན་ཏེ། འཁོར་དེའི་ནང་ན་ལ་ལས་ནི་བཟོད་པ་ཐ་མ་ཐོབ།
D239.065.0192a04.01ལ་ལས་ནི་བཟོད་པ་བར་མ་ཐོབ། ལ་ལས་ནི་བཟོད་པ་མཆོག་ཐོབ། ལ་ལས་ནི་འཇིག་རྟེན་གྱི་མཆོག་གི་ཆོས་ཐོབ། ལ་ལས་ནི་རྒྱུན་དུ་ཞུགས་པའི་འབྲས་བུ་ཐོབ། ལ་ལས་ནི་ལན་ཅིག་ཕྱིར་འོང་བའི་འབྲས་བུ་ཐོབ། ལ་ལས་ནི་ཕྱིར་མི་འོང་བའི་འབྲས་བུ་ཐོབ་བོ། །གཞན་
D239.065.0192a05.01ཡང་དགེ་སློང་བརྒྱད་ཁྲི་བཞི་སྟོང་ཟག་པ་ཐམས་ཅད་ཟད་པ། སེམས་རྣམ་པར་གྲོལ་བ། བློ་ཤིན་ཏུ་རྣམ་པར་དག་པའི་དགྲ་བཅོམ་པར་གྱུར་ནས་དགའ་བཞིན་དུ་སངས་རྒྱས་ལ་ཕྱག་འཚལ་ཏེ། ཕྱིར་ཡང་སོ་སོར་སྟན་ལ་འཁོད་དོ། །ཡང་འཁོར་གྱི་དཀྱིལ་འཁོར་དེའི་ནང་ན་སེམས་
D239.065.0192a06.01ཅན་བྱེ་བ་ཁྲག་ཁྲིག་བརྒྱ་སྟོང་ཕྲག་ལྔ་བཅུ་རྩ་བདུན་གྱིས་སྔོན་ཐོས་པའི་ཆོས་སྟོང་པ་ཡིན་པར་འཁྲུལ་ནས་རྒྱུ་དང་འབྲས་བུ་མེད་པར་ལྟ་ཞིང་། དགེ་བའི་རྩ་བ་ཡོངས་སུ་བཅད་ནས་ངན་སོང་དུ་ལྟུང་བར་འགྱུར་བ་ནས་མདོ་སྡེ་འདི་བཤད་པ་ཐོས་ནས་ཕྱིར་ཡང་ཡང་དག་པའི་ལྟ་བ་རྙེད་དེ་འདུག་པ་
D239.065.0192a07.01