完整藏文原文 · 德格版页 当前仅加载第 65 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཟག་དེ་ནི་ལམ་སྟོན་པའི་དགེ་སྦྱོང་ཐ་མ་སྟེ། ལམ་སྟོན་པའི་དགེ་སྦྱོང་ཞེས་བྱའོ། །རྒྱུན་དུ་ཞུགས་པའི་འབྲས་བུ་ཐོབ་པའི་གང་ཟག་ནི་གཉིས་པ་ཞེས་བྱའོ། །ལན་ཅིག་ཕྱིར་འོང་བའི་འབྲས་བུ་ཐོབ་པའི་གང་ཟག་ནི་གསུམ་པ་ཞེས་བྱའོ། །ཕྱིར་མི་འོང་བའི་འབྲས་བུ་ཐོབ་པའི་གང་ཟག་དེ་ནི་བཞི་པ་
D239.065.0171b01.01ཞེས་བྱའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་འདུན་ནི་ལྔ་པ་ཞེས་བྱའོ། །ས་དང་པོ་ལ་གནས་པ་ནས་ས་བཅུ་དང་སྲིད་པ་ཐ་མའི་ལུས་ལ་གནས་པ་དེ་ཡང་ལམ་སྟོན་པའི་དགེ་སྦྱོང་གི་ནང་དུ་བསྡུའོ། །གང་སོ་སོར་ཐར་པའི་ཚུལ་ཁྲིམས་དང་ལྡན་ཞིང་སྤྱོད་ལམ་རྣམ་པར་དག་
D239.065.0171b02.01པ་དང་ལྡན་པ་དག་ནི་ལམ་གྱིས་འཚོ་བའི་དགེ་སྦྱོང་གི་ནང་དུ་བསྡུས་ཏེ། ལམ་གྱིས་སྲོག་འཛིན་པའི་ཕྱིར་ལམ་གྱིས་འཚོ་བའི་དགེ་སྦྱོང་ཞེས་བྱའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དུ་སྡུད་ཅིང་ཕ་རོལ་དུ་ཕྱིན་པ་དྲུག་ལ་ནན་ཏན་
D239.065.0171b03.01བྱེད་པ་དང་ལྡན་པ་དེ་ཡང་ལམ་གྱིས་འཚོ་བ་ཞེས་བྱའོ། །དེ་ལྟར་ལམ་ལས་རྒྱལ་བ་དང་། ལམ་སྟོན་པ་དང་། ལམ་གྱིས་འཚོ་བའི་དགེ་སྦྱོང་རྣམ་པ་གསུམ་པོ་འདི་ནི་འཇིག་རྟེན་པའི་བསོད་ནམས་ཀྱི་ཞིང་ཡང་དག་པ་ཞེས་བྱའོ། །དེ་ལས་གཞན་པའི་དགེ་སྦྱོང་དག་ནི་ལམ་སུན་འབྱིན་པ་ཞེས་བྱ་བ་སྟེ།
D239.065.0171b04.01ཡང་དག་པ་མ་ཡིན་མོད་ཀྱི་དེ་ཡང་བསོད་ནམས་ཀྱི་ཞིང་གི་གྲངས་སུ་འགྲོའོ། །གང་འཛེམ་པ་དང་ངོ་ཚ་བ་མེད་པའི་དགེ་འདུན་ལ་གནས་ཤིང་བརྟེན་པའི་གང་ཟག་དེ་ནི་ངས་ཡང་དག་པར་བསྟན་པའི་འདུལ་བའི་ཆོས་ལས་མི་རོ་ལྟ་བུའོ་ཞེས་གསུངས་སོ། །ཡོངས་སུ་དག་པའི་དགེ་འདུན་གྱི་རྒྱ་མཚོ་ལས་དབྱུང་
D239.065.0171b05.01བར་བྱ་བ་ཆོས་ཀྱི་སྣོད་མ་ཡིན་པས་ན་གང་ཟག་དེ་ལ་ང་ནི་སྟོན་པ་ཡིན་ནོ་ཞེས་མི་གསུངས་ལ། གང་ཟག་དེ་ཡང་ངའི་ཉན་ཐོས་མ་ཡིན་ནོ། །ངོ་ཚ་མེད་པའི་དགེ་སློང་ཆོས་ཀྱི་སྣོད་དུ་མ་གྱུར་པ་དག་ང་ལ་སྟོན་པར་འཛིན་ཅིང་། ངའི་རིང་བསྲེལ་དང་། ངའི་སྐུ་གཟུགས་བརྙན་ལ་ཤིན་ཏུ་དད་པ་དང་། ངའི་ཆོས་
D239.065.0171b06.01དང་དགེ་འདུན་དང་། འཕགས་པའི་ཚུལ་ཁྲིམས་ལ་ཡང་ཤིན་ཏུ་དད་པས་བདག་ཀྱང་ལྟ་བ་ངན་པར་མི་འཛིན་ལ་ཕ་རོལ་པོ་གཞན་ཡང་ལྟ་བ་ངན་པ་ལ་ཆགས་པར་མི་བྱེད་པ་དང་། ངས་བསྟན་པའི་ཆོས་རྒྱས་པར་སྟོན་ཏེ། ཤིན་ཏུ་བསྔགས་ཤིང་སྟོད་པ་བྱེད་ཀྱི། དེ་ལ་འཕྱ་བའམ། སྐུར་པ་མི་འདེབས་
D239.065.0171b07.01