完整藏文原文 · 德格版页 当前仅加载第 65 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལྷག་མ་མ་ལུས་པར་བྱང་བར་འདོད་ན་ངས་བསྟན་པའི་དམ་པའི་ཆོས་ཀྱི་རྣམ་གྲངས་འདི་ལ་ནན་ཏན་དུ་བསླབ་ཅིང་གཟུངས་སུ་གཟུང་བར་བྱའོ། །གང་གིས་དེ་ལྟར་དགེ་འདུན་གྱི་མངོན་སུམ་དུ་གྱུར་པ་ལ་ཤིན་ཏུ་འཛེམ་པ་དང་། ངོ་ཚ་བའི་སེམས་
D239.065.0202a01.01ཀྱིས་སྡིག་པའི་ལས་སོ་སོར་བཤགས་ན་སྔོན་གྱི་དུས་ན་བྱས་པའི་སྡིག་པའི་ལས་ཐམས་ཅད་ལྷག་མ་མ་ལུས་པར་ཡོངས་སུ་བྱང་བར་འགྱུར་རོ།། །།བམ་པོ་བརྒྱད་པ། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོས་ཡང་བཅོམ་ལྡན་
D239.065.0202a02.01འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ན་ཉན་ཐོས་ཀྱི་ཐེག་པ་ལ་འཁྲུལ་པ་མ་མཆིས་པ་ལགས། ཇི་ལྟར་ན་ཉན་ཐོས་ཀྱི་ཐེག་པའི་གང་ཟག་ལ་འཁྲུལ་པ་མ་མཆིས་པ་ལགས། ཇི་ལྟར་ན་རང་
D239.065.0202a03.01སངས་རྒྱས་ཀྱི་ཐེག་པ་ལ་འཁྲུལ་པ་མ་མཆིས་པ་ལགས། ཇི་ལྟར་ན་རང་སངས་རྒྱས་ཀྱི་ཐེག་པའི་གང་ཟག་ལ་འཁྲུལ་པ་མ་མཆིས་པ་ལགས། ཇི་ལྟར་ན་ཐེག་པ་ཆེན་པོ་ལ་འཁྲུལ་པ་མ་མཆིས་པ་ལགས། ཇི་ལྟར་ན་ཐེག་པ་ཆེན་པོའི་གང་ཟག་ལ་འཁྲུལ་པ་མ་མཆིས་
D239.065.0202a04.01པ་ལགས། ཇི་ལྟར་ན་དཀོན་མཆོག་གསུམ་གྱི་གདུང་རྟག་པར་ཡོངས་སུ་འཕེལ་བར་བགྱིད་པ་ལགས། ཇི་ལྟར་ན་དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་བ་ཆོས་ཀྱི་སྣོད་དམ། ཆོས་ཀྱི་སྣོད་མ་ལགས་པ་ཡང་རུང་། ཆུང་ངུ་ན་ཆོས་གོས་ཀྱི་ཚལ་བུ་འཚལ་ཞིང་སྐྲ་དང་ཁ་
D239.065.0202a05.01སྤུ་བྲེགས་པ་ཐམས་ཅད་ལ་འཁྲུལ་པ་མ་མཆིས་པ་ལགས། ཇི་ལྟར་ན་ཐེག་པ་ཆེན་པོའི་ཆོས་ལ་གོང་ནས་གོང་དུ་འཕར་ཞིང་ཕྱིར་མི་ལྡོག་པར་འགྱུར་བ་ལགས། ཇི་ལྟར་ན་རྣོ་བའི་ཤེས་རབ་དང་། བསོད་ནམས་ཀྱི་ཁྱད་པར་རྟག་ཏུ་སྐྱེ་ཞིང་འཕེལ་བར་འགྱུར་བ་ལགས། ཇི་
D239.065.0202a06.01ལྟར་ན་ཏིང་ངེ་འཛིན་དང་། གཟུངས་དང་། བཟོད་པ་དང་། ས་རྣམས་ལ་དབང་དུ་འགྱུར་ཞིང་ཕྱིར་མི་ལྡོག་པར་འགྱུར་བ་ལགས། ཇི་ལྟར་ན་རྟག་ཏུ་དགེ་བའི་བཤེས་གཉེན་དང་མཇལ་ཞིང་རྗེས་སུ་འཐུན་པར་འགྱུར་བ་ལགས། ཇི་ལྟར་ན་རྟག་ཏུ་སངས་རྒྱས་ཐམས་ཅད་མཐོང་བ་
D239.065.0202a07.01