完整藏文原文 · 德格版页 当前仅加载第 65 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
མ་འོངས་པའི་དུས་སུ་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་སོགས་པ་གདུག་པའི་སེམས་འཆང་ཞིང་སྙིང་རྗེ་མེད་པ། གནོད་སྦྱིན་དང་། སྲིན་པོ་བས་ཐུ་བར་སྡིག་པ་བྱེད་
D239.065.0156a01.01དོ། །གླེན་ཞིང་གཏི་མུག་ཅན་དགེ་བའི་རྩ་བ་ཡོངས་སུ་གཅོད་པ་དེ་ངའི་བསྟན་པ་ལ་རབ་ཏུ་བྱུང་བའི་ཆོས་ཀྱི་སྣོད་དུ་གྱུར་པ་དང་། ཆོས་ཀྱི་སྣོད་དུ་མ་གྱུར་པ་ཡང་རུང་། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་གྱོན་པའི་སློབ་མ་ལ་དད་པ་དང་བཀུར་སྟི་མི་བྱེད་དེ། དེ་ལ་གནོད་པ་དང་། གཤེ་ཞིང་
D239.065.0156a02.01རྡེག་པ་དང་། ནན་ལ་འདར་ཞིང་བཙོན་རར་གཞུག་པ་དང་། འཚོ་བའི་དབང་པོ་དང་ཕྲལ་བའི་བར་དུ་བྱེད་པ་དེ་ནི་འདས་པ་དང་། མ་འོངས་པ་དང་། ད་ལྟར་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བསྟན་པའི་ཁ་ན་མ་ཐོ་བ་ཆེན་པོ་དང་འགལ་བར་བྱེད་པ་སྟེ། དགེ་བའི་རྩ་བ་
D239.065.0156a03.01ཡོངས་སུ་བསྲེགས་ནས་རྒྱུན་བཅད་པས་གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་བར་འགྱུར་བས་མཁས་པ་རྣམས་ཀྱིས་ཡོངས་སུ་སྤང་བར་བྱའོ། །ཡང་རིགས་ཀྱི་བུ་སྔོན་རྒྱལ་པོ་བསོད་ནམས་ཆེན་པོ་ཞེས་བྱ་བ་ཞིག་ཡོད་དེ། རྒྱལ་པོ་དེ་སྙིང་རྗེ་ཆེ་བས་ཉེས་
D239.065.0156a04.01པ་བྱས་པས་གསད་པ་ལ་ཐུག་པ་དག་ཀྱང་གསོད་དུ་མི་དགའོ། །དེའི་ཚེ་བློན་པོ་བློ་དང་ལྡན་པ་གཅིག་གིས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་པོ་ཐུགས་ངན་མ་མཛད་ཅིག །རྒྱལ་པོས་ཀྱང་སྲོག་གཅོད་པའི་སྡིག་པ་མི་འཐོབ་ལ། གཤེད་མས་ཀྱང་འགུམ་མི་འཚལ་བར་
D239.065.0156a05.01མི་དེ་འགུམ་པའི་ཐབས་མཆིས་སོ་ཞེས་གསོལ་ནས་བློན་པོ་ཆེན་པོ་དེས་གསད་པ་ལ་ཐུག་པའི་མི་དེ་བལ་གླང་རྨིས་པ་མ་རུངས་པའི་མདུན་དུ་བཞག་གོ །དེ་ནས་བལ་གླང་རྨིས་པ་དེས་མི་དེ་སྣས་བཟུང་སྟེ་ཡར་བཏེག་ནས་ས་ལ་བརྡབས་པ་ལས། མི་དེ་གོས་དམར་པོ་གྱོན་པ་མཐོང་ནས་
D239.065.0156a06.01ཆོས་གོས་ཡིན་ནོ་སྙམ་སྟེ། བསམ་པ་དག་པའི་དད་པ་སྐྱེས་ནས་དལ་གྱིས་ས་ལ་བཞག་ཅིང་དེ་ལ་འགྱོད་ནས་ས་ལ་བཏུད་དེ། མི་དེའི་རྐང་པ་ལ་སྣས་འཕྱི་ཞིང་བསྟི་སྟང་དང་བཅས་པས་མིག་མི་འཛུམས་པར་མི་དེ་ལ་ལྟའོ། །བློན་པོ་ཆེན་པོ་དེས་དེ་ལྟ་བུར་གྱུར་པ་མཐོང་ནས་བརྒྱུགས་
D239.065.0156a07.01