完整藏文原文 · 德格版页 当前仅加载第 65 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་ཐམས་ཅད་རིང་པོ་མི་ཐོགས་པར་ལུས་ཀྱི་ཡན་ལག་དུམ་བུར་ཆད་པ་དང་། ཞག་མང་དུ་ལྕེ་ལྡིབས་པ་དང་། ཤིན་ཏུ་མི་བཟད་པའི་ན་བ་དང་ཚ་བའི་སྡུག་བསྔལ་ཆེན་པོ་མྱོང་བ་དང་། འཆི་འཕོས་ནས་ཀྱང་གདོན་མི་ཟ་བར་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་བར་
D239.065.0158b01.01འགྱུར་རོ། །རིགས་ཀྱི་བུ་གཞན་ཡང་མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་སོགས་པ་སྡིག་པའི་བཤེས་གཉེན་ལ་སྟེན་པ་དགེ་བའི་རྩ་བ་ཆུང་ཞིང་
D239.065.0158b02.01ཞན་པ་བསམ་པ་མ་དག་པ་གཡོ་དང་སྒྱུས་འཚོ་བ། གླེན་པ་གཏི་མུག་ཅན་ཅུང་ཟད་ཀྱི་ཤེས་པ་ཙམ་བསྙེམས་པ། །ཚིག་ལ་བདེན་པ་མེད་པ། དགེ་བའི་བཤེས་གཉེན་སྤོང་བ། སྡིག་པའི་གྲོགས་པོ་ལ་སྟེན་ཅིང་མི་དགེ་བ་སྤྱོད་པ། འཕགས་པའི་ཆོས་ལ་ཐེ་ཙོམ་ཟ་བ། འཇིག་རྟེན་
D239.065.0158b03.01ཕྱི་མའི་སྡུག་བསྔལ་གྱི་འབྲས་བུ་ལ་འཇིགས་པར་མི་ལྟ་བ་དག་སྡིག་པའི་སྡོམ་པ་སྲུང་བར་དགའ་བ། སྲོག་གཅོད་པ་ནས་ངན་པར་ལྟ་བའི་བར་དུ་མོས་པ། ང་རྒྱལ་གྱིས་མངོན་པར་ཟིན་པ། འཇིག་རྟེན་པ་དག་སླུ་བ། བདག་ནི་ཚུལ་ཁྲིམས་ཀྱི་སྡོམ་པ་ལ་གནས་པའོ་ཞེས་ཁས་འཆེ་བའི་
D239.065.0158b04.01རྒྱལ་རིགས་གདོལ་པ་ཅན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་སོགས་པ་དག །ཐབས་རྣམ་པ་སྣ་ཚོགས་ཀྱིས་ངའི་བསྟན་པ་འཇིག་པར་བྱེད་ཅིང་ངའི་བསྟན་པ་ལ་རབ་ཏུ་བྱུང་བ་དག་ལ་ཡང་དང་ཡང་དུ་ཁྲོ་ཞིང་གཤེ་བ་དང་། སྤྱོ་ཞིང་སྨོད་པ་དང་། ནན་ལ་བོར་བ་དང་། བཙོན་རར་གཞུག་
D239.065.0158b05.01པ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བའི་བར་དུ་བྱེད་དེ། ངས་བསྟན་པའི་ཆོས་ལ་ཡིད་མི་ཆེས་པ། མཆོད་རྟེན་འཇིག་པ། གཙུག་ལག་ཁང་འཇིག་པ། དགེ་སློང་དག་ཁྱིམ་པར་འབེབས་པ། སྐྲ་དང་ཁ་སྤུ་འབྲེག་ཅིང་གོས་ངུར་སྨྲིག་གྱོན་པའི་བར་ཆད་བྱེད་པ་
D239.065.0158b06.01ལས་རྣམ་པ་སྣ་ཚོགས་བྱེད་དུ་འཇུག་ཅིང་འཁོལ་བ་སྟེ། དེའི་རྒྱུ་དེའི་རྐྱེན་གྱིས་ཡུལ་སྲུང་བའི་ལྷ་དང་། ཀླུ་དང་། གནོད་སྦྱིན་ལ་སོགས་པ་དཀོན་མཆོག་གསུམ་ལ་བསམ་པ་དག་ཅིང་དད་པ་མི་ཕྱེད་པ་དག་རྒྱལ་རིགས་གདོལ་པ་ཅན་དང་། དགེ་སྦྱོང་དང་། བྲམ་ཟེ་གདོལ་པ་ཅན་ལ་ཁྲོས་ཏེ་ཞེ་
D239.065.0158b07.01