完整藏文原文 · 德格版页 当前仅加载第 65 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
མོད་ཀྱི་ལོག་པར་མི་ལྟ་ལ། མོས་པ་དང་། ལྷག་པའི་སྤྱོད་པ་དང་ལྟ་བར་ལྡན་པས་ན་དེ་དང་དེ་གང་ན་བར་སོང་སྟེ་ཉན་ཐོས་ཀྱི་ཐེག་པའི་ཆོས་དང་། རང་སངས་རྒྱས་ཀྱི་ཐེག་པའི་ཆོས་དང་། ཐེག་པ་ཆེན་པོའི་ཆོས་ཞུ་ཞིང་མ་ཉན་པར་བྱའི་བརྙས་ཤིང་སྨད་པར་
D239.065.0174b01.01མི་བྱའོ། །ཐེག་པ་གསུམ་ལས་གང་ཡང་རུང་བ་ཅིག་ལ་དད་དེ་སྨོན་ལམ་འདེབས་ཤིང་བརྩོན་འགྲུས་རྩོམ་ཞིང་རྗེས་སུ་སློབ་ཀྱང་ཐེག་པ་གཞན་ལ་ཡང་བརྙས་པ་དང་སྨད་པར་མི་བྱའོ། །གང་གིས་ཐེག་པ་གསུམ་ལས་ཐེག་པ་གང་ཡང་རུང་སྟེ། གཅིག་གི་ཚིགས་
D239.065.0174b02.01སུ་བཅད་པ་གཅིག་ཙམ་ལ་བརྙས་སྨོད་ན། དེ་ལ་ནི་བསྙེན་བཀུར་མི་བྱ་མི་བསྙེན་མི་འགྲོགས་ལྷན་ཅིག་ཏུ་མི་གནས་ལས་འཐུན་པར་མི་བྱའོ། །གང་གིས་དེ་ལ་བསྙེན་བཀུར་བྱེད་ཅིང་བསྟེན་ཏམ་འགྲོགས་སམ་ལྷན་ཅིག་ཏུ་གནས་སམ། ལས་ལྷན་ཅིག་བྱེད་ན་
D239.065.0174b03.01གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །རིགས་ཀྱི་བུ་དེ་བས་ན་ཐེག་པ་གསུམ་ལས་གང་ཡང་རུང་བ་གཅིག་ལ་གནས་ཏེ། འཁོར་བ་ལས་འདའ་ཞིང་རབ་ཏུ་བདེ་བ་ལ་མོས་ཏེ། སྡུག་བསྔལ་གྱི་སྐྱོ་བ་དག་དེ་བཞིན་
D239.065.0174b04.01གཤེགས་པས་གསུངས་པའི་དམ་པའི་ཆོས་ཉན་ཐོས་ཀྱི་ཐེག་པ་ལ་བརྟེན་ཏེ་གསུངས་པ་དང་། རང་སངས་རྒྱས་ཀྱི་ཐེག་པ་ལ་བརྟེན་ཏེ་གསུངས་པ་དང་། ཐེག་པ་ཆེན་པོ་ལ་བརྟེན་ཏེ་གསུངས་པ་ཀུན་ལ་དད་ཅིང་ཤིན་ཏུ་བཀུར་སྟི་བྱའི། དེ་ལ་འཕྱ་ཞིང་སྐུར་པ་
D239.065.0174b05.01འདེབས་པ་དང་། བར་ཆད་དང་། བགེགས་དང་ཆུང་ངུ་ན་ཚིགས་སུ་བཅད་པ་གཅིག་ཙམ་གྱི་བགེགས་ཀྱང་མ་བྱེད་ཅིག །རྟག་ཏུ་བསྟི་སྟང་དང་བཅས་ཏེ་ཀློག་པ་དང་འདོན་པ་དང་ཉན་པ་ལ་ཤིན་ཏུ་བརྟེན་པའི་ཡི་དམ་བཅས་ཏེ་རྟོགས་པར་བྱའོ། །ཐེག་པ་
D239.065.0174b06.01གསུམ་ལས་གང་ཡང་རུང་བའི་ཆོས་གཅིག་ལ་འཕྱ་ཞིང་སྐུར་ན་དེ་དང་ལྷན་ཅིག་ཏུ་མི་གནས་ཆུང་ངུ་ན་ཞག་གཅིག་ཙམ་ཡང་བསྙེན་བཀུར་དང་ཆོས་མཉན་པར་མི་བྱའོ། །སེམས་ཅན་གང་ཞིག་ཐེག་པ་གསུམ་ལས་ཐེག་པ་གཅིག་ཙམ་ལ་འཕྱ་ཞིང་སྐུར་ཏམ། ཐེག་པ་
D239.065.0174b07.01