完整藏文原文 · 德格版页 当前仅加载第 65 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ནུས་པར་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་འདི་བཅུ་དང་ལྡན་པའི་ཆོས་ཀྱི་སྒྲ་ཐང་ཅིག་བསྒྲགས་པས་མུ་སྟེགས་ཅན་དང་། ལོག་པར་སྟོན་པའི་སྡིག་པའི་གྲོགས་སུ་གྱུར་པ་ཐམས་ཅད་འཇིགས་
D239.065.0204a01.01སྐྲག་ནས་སྨྲ་བའི་ཚིག་འཁྲུལ་ཞིང་འདྲི་བ་དང་རྒོལ་མི་ནུས་པར་འགྱུར་རོ། །རིགས་ཀྱི་བུ་འདི་ལྟ་སྟེ། བརྒྱ་བྱིན་ལྷའི་དབང་པོ་ལྷ་མ་ཡིན་དང་འཐབ་པའི་ཚེ་ལྷའི་དམག་གིས་བསྐོར་ཅིང་ལག་ན་རྡོ་རྗེ་ཐོགས་ཏེ་གཡུལ་དུ་ཞུགས་ན་ལྷ་མ་ཡིན་ཐམས་ཅད་སྐྲག་པས་ལྡོག་པར་འགྱུར་
D239.065.0204a02.01རོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་འདི་བཅུ་དང་ལྡན་ན་ལོག་པར་ལྟ་བའི་མུ་སྟེགས་ཅན་ཐམས་ཅད་དང་། ལོག་པར་སྟོན་པའི་སྡིག་པའི་གྲོགས་པོ་ཐམས་ཅད་སྐྲག་ནས་འབྲོས་པར་འགྱུར་རོ། །རིགས་ཀྱི་བུ་འདི་ལྟ་སྟེ། ཡིད་
D239.065.0204a03.01བཞིན་གྱི་ནོར་བུ་རིན་པོ་ཆེ་རྒྱལ་མཚན་གྱི་རྩེ་མོ་ལ་བཏགས་ན་རིན་པོ་ཆེ་རྣམ་པ་སྣ་ཚོགས་ཆར་བཞིན་དུ་འབབ་སྟེ། དབུལ་ཕོངས་པའི་སེམས་ཅན་ཐམས་ཅད་ལ་སྦྱིན་པ་བྱེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་འདི་བཅུ་དང་ལྡན་
D239.065.0204a04.01ཏེ། རྣམ་པར་དག་པའི་ཚུལ་ཁྲིམས་ཀྱི་རྒྱལ་མཚན་ལ་གནས་ན་ཆོས་ཆེན་པོའི་ཆར་རབ་ཏུ་འབེབས་པས་སེམས་ཅན་ཚད་མེད་པ་སྙེད་ཐམས་ཅད་ལ་སྦྱིན་པ་བྱེད་པར་འགྱུར་རོ། །རིགས་ཀྱི་བུ་འདི་ལྟ་སྟེ། མཚན་མོའི་དུས་སུ་འཇིག་རྟེན་ཀུན་མུན་པར་གྱུར་ནས་འཐོམས་ཤིང་འབྲོག་
D239.065.0204a05.01བསླད་པ་ན་ཟླ་བ་ཉ་བ་ཤར་བས་མུན་པ་ཐམས་ཅད་བསལ་ཏེ། འབྲོག་བསླད་པ་རྣམས་ཀྱི་ལམ་མཚོན་པར་འགྱུར་བ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་འདི་བཅུ་དང་ལྡན་ན་སེམས་ཅན་གང་མ་རིག་པའི་མུན་པས་ལྡོངས་ཏེ་འཕགས་
D239.065.0204a06.01པའི་ལམ་ཡན་ལག་བརྒྱད་སྟོར་བ་རྣམས་ལ་བྱང་ཆུབ་སེམས་དཔའ་དམ་པའི་ཆོས་བཤད་དེ། མ་རིག་པའི་མུན་པ་ཐམས་ཅད་བསལ་ནས། ཆོས་ཀྱི་སྣང་བ་སྐྱེས་པའི་ཕྱིར་འཕགས་པའི་ལམ་ཡན་ལག་བརྒྱད་པ་མངོན་དུ་གྱུར་ཏེ། ཟག་པ་ཐམས་ཅད་བཅད་ནས་སྡུག་
D239.065.0204a07.01