完整藏文原文 · 德格版页 当前仅加载第 65 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བསྔོས་མེད། །དེ་བས་སེམས་ཅན་ཐམས་ཅད་ལ། །ཕ་རོལ་ཕྱིན་པ་དྲུག་མི་གཏོང་། །རྟག་ཏུ་དུས་ངན་ཐ་མའི་ཚེ། །བླ་མེད་བྱང་ཆུབ་བསྒྲུབས་པས་ན། །ད་ཡང་དུས་ངན་ཐ་མའི་ཚེ། །བླ་མེད་བྱང་ཆུབ་མངོན་སངས་རྒྱས། །ངན་པར་ལྟ་བའི་ལྷ་ཀླུ་མི། །གནོད་
D239.065.0104b01.01སྦྱིན་དག་ནི་ཀུན་བཏུལ་ཏེ། །ཐེ་ཙོམ་གཅོད་ཅིང་བདེར་བཀོད་པ། །རྡོ་རྗེ་ལྟ་བུའི་ལམ་ལའོ། །ཚད་མེད་པ་ཡི་སྐྱེ་བོ་དག །བྱང་ཆུབ་མཆོག་ཏུ་ལུང་ཡང་སྟོན། །མཆོད་འོས་འདྲེན་པའི་གཙོར་གྱུར་ཏེ། །མཆོག་གི་བསོད་ནམས་ཞིང་དུ་གྱུར། །དཔེ་ཟླ་མེད་པའི་
D239.065.0104b02.01བཅོམ་ལྡན་འདས། །བྱམས་པས་འགྲོ་བ་ཀུན་ལ་སྐྱོབ། །ཚད་མེད་གྲགས་པ་ཆེན་པོ་ཡིས། །ཕྱོགས་བཅུའི་འཇིག་རྟེན་ཡོངས་སུ་ཁྱབ། །དེ་བས་བྱང་ཆུབ་སེམས་དཔའ་རྣམས། །བདག་གི་དོན་དུ་བསྒྲུབ་པའི་ཕྱིར། །ཀུན་ནས་ལྷན་ཅིག་འདིར་འདུས་ནས། །ཐུབ་
D239.065.0104b03.01པ་ཆེན་པོ་སྤྱན་སྔར་ལྷགས། །དམ་པའི་ཆོས་རྣམས་ཐོས་ནས་ནི། །རབ་ཏུ་དགའ་བའི་སེམས་སྐྱེས་ཏེ། །ལྷག་པར་ཡང་དག་བརྩོན་བསྐྱེད་ནས། །བྱང་ཆུབ་སྤྱོད་ལ་ནན་ཏན་བགྱིད། །རྣམ་པར་འདྲེན་པའི་ཆོས་ཀྱི་མཐུས། །ཐམས་ཅད་མངོན་པར་འཚང་རྒྱ་བས། །
D239.065.0104b04.01དེ་བས་དེང་འདིར་འདྲེན་ཁྱོད་ཀྱིས། །བསྡུས་པའི་འཁོར་ནི་སྔོན་མ་བྱུང་། །གནོད་སྦྱིན་ཁྲི་ཕྲག་བཅུ་གསུམ་སྙེད། །རྟག་ཏུ་ཤ་ཟ་ཁྲག་འཐུང་བ། །ཐམས་ཅད་སྡིག་པའི་ལས་བཏང་ནས། །བྱང་ཆུབ་ཆེན་པོར་འབབ་ཅིང་གཞོལ། །ཁ་ཅིག་ཁྱད་པར་གཟུགས་མཆོག་
D239.065.0104b05.01དང་། །བཟོད་པ་ཏིང་ངེ་འཛིན་ཡང་ཐོབ། །ཁ་ཅིག་ཟག་པ་ཀུན་ཟད་ནས། །འཇིག་རྟེན་མཆོག་གི་དགྲ་བཅོམ་གྱུར། །ཁ་ཅིག་ཚད་མེད་བཞི་བསྒོམས་ཤིང་། །ཁ་ཅིག་བསྡུ་བ་བཞི་ལ་གནས། །ཁ་ཅིག་ཡང་དག་རིག་བཞི་ཐོབ། །ཁ་ཅིག་འཐུན་པའི་བཟོད་ལ་གནས། །ཁ་ཅིག་
D239.065.0104b06.01དཔའ་འགྲོའི་ཏིང་འཛིན་ཐོབ། །ཁ་ཅིག་ཤེས་རབ་མིག་དང་ལྡན། །ཁ་ཅིག་མི་སྐྱེ་བཟོད་ལ་གནས། །དེ་ཀུན་འདྲེན་པས་བྱིན་གྱིས་བརླབས། །བཅོམ་ལྡན་གཟི་བརྗིད་ཆེན་པོའི་མཐུས། །བདུད་ཀྱི་འཁོར་རྣམས་བཅོམ་ནས་སུ། །རྣམ་པ་དགུ་བཅུ་རྩ་ལྔ་ཡི། །མུ་སྟེགས་
D239.065.0104b07.01