完整藏文原文 · 德格版页 当前仅加载第 65 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པར་འདོད་པའམ། བསོད་ནམས་བྱ་བར་འདོད་པའམ། དྲོ་བར་འདོད་པའམ། བསིལ་བར་འདོད་པའམ། ཡིད་གཞུངས་པར་འདོད་པའམ། དེ་མ་ཡིན་པ་འཇིག་རྟེན་དང་འཇིག་རྟེན་ལས་འདས་པའི་དོན་གྱི་དངོས་པོ་རྣམ་པ་སྣ་ཚོགས་འདོད་པའི་ཕྱིར་ཉོན་མོངས་
D239.065.0112a01.01ཤིང་སྡུག་བསྔལ་གྱིས་གདུངས་པར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན། རིགས་ཀྱི་བུ་དེའི་ཏིང་ངེ་འཛིན་དམ་པའི་ཡོན་ཏན་དང་། མཐུ་དང་གཟི་བརྗིད་
D239.065.0112a02.01ཀྱི་ཤུགས་ཀྱིས་དེ་དག་ཐམས་ཅད་སྡུག་བསྔལ་གྱིས་གདུངས་པ་དང་བྲལ་ཏེ། རེ་བ་ཐམས་ཅད་ཡོངས་སུ་རྫོགས་ནས་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་དག་ཞིང་གཤིན་པའམ།
D239.065.0112a03.01ཞིང་མི་གཤིན་པ་ལ་ས་བོན་བཏབ་ནས། གལ་ཏེ་ནན་ཏན་བྱས་ཀྱང་རུང་། ནན་ཏན་མ་བྱས་ཀྱང་རུང་སྟེ། སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན། རིགས་ཀྱི་བུ་
D239.065.0112a04.01དེའི་ཏིང་ངེ་འཛིན་དམ་པའི་ཡོན་ཏན་དང་། མཐུ་དང་། གཟི་བརྗིད་ཀྱི་ཤུགས་ཀྱིས་དེ་དག་གི་ལོ་ཐོག་ཐམས་ཅད་ལེགས་ཤིང་འབྲས་བུ་སྨིན་ཅིང་ལེགས་པར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་འདི་ནི་སྔོན་བསྐལ་པ་ཆེན་པོ་ཚད་མེད་གྲངས་མེད་པའི་བར་དུ་སངས་རྒྱས་
D239.065.0112a05.01བཅོམ་ལྡན་འདས་ཚད་མེད་གྲངས་མེད་པ་དག་ལ་བརྩོན་འགྲུས་ཆེན་པོའི་སྦྱོར་བ་དང་། བརྟན་པའི་ཡི་དམ་བཅས་པའི་སྨོན་ལམ་གྱི་དབང་གིས་སེམས་ཅན་ཡོངས་སུ་སྨིན་པར་བྱ་བའི་ཕྱིར་རྟག་ཏུ་ས་ཆེན་པོ་ཐམས་ཅད་ཡོངས་སུ་འཛིན་པ་དང་། རྟག་ཏུ་ས་བོན་གྱི་ཚོགས་ཐམས་ཅད་
D239.065.0112a06.01ཡོངས་སུ་འཛིན་ཅིང་རྟག་ཏུ་སེམས་ཅན་ཐམས་ཅད་ཀྱིས་ཡིད་བཞིན་དུ་སྤྱོད་པར་བྱེད་དོ། །རིགས་ཀྱི་བུ་དེའི་རྫུ་འཕྲུལ་གྱི་མཐུས་ས་ཆེན་པོ་འདི་ལས་སྐྱེ་བའི་རྩྭ་དང་། ཤིང་གི་རྩ་བ་དང་། ཡལ་ག་དང་། མྱུ་གུ་དང་། ལོ་མ་དང་། སྡོང་པོ་དང་། འདབ་མ་དང་། མེ་ཏོག་དང་། འབྲས་
D239.065.0112a07.01