完整藏文原文 · 德格版页 当前仅加载第 65 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་དེ་ལྟར་རབ་ཏུ་བྱུང་བ་ལ་འཚེ་ཞིང་གནོད་པ་བྱས་པས་མ་རབས་ཐ་མའི་ལུས་ཀྱང་མི་ཐོབ་ན་ཐེག་པ་རྣམ་གཉིས་ཀྱི་བྱང་ཆུབ་པའམ། བླ་ན་མེད་པའི་ཐེག་པ་ཐོབ་པ་ལྟ་ཅི་སྨོས་ཏེ་སྐལ་བ་ཆད་པ་ཡིན་ནོ། །རིགས་ཀྱི་བུ་གཞན་ཡང་སྔོན་འདས་པའི་དུས་ན། ཡུལ་པན་ཙ་ལ་ཞེས་
D239.065.0154a01.01བྱ་བ་ན་རྒྱལ་པོ་དགྲ་ལས་རྒྱལ་ཞེས་བྱ་བ་ཡོད་དེ། ཡུལ་དེའི་སྲིད་འཛིན་ཅིང་དབང་བྱེད་དོ། །དེ་ན་དུར་ས་ཆེན་པོ་ཁ་ལམ་པ་ཞེས་བྱ་བ་ཤིན་ཏུ་འཇིགས་པའི་གནས་ཤིག་ཡོད་དེ། གནོད་སྦྱིན་དང་། སྲིན་པོ་ཡང་དེ་ན་མང་དུ་གནས་སོ། །དེ་དག་ཏུ་ཕྱིན་ན་འཇིགས་ཤིང་བ་སྤུ་ལྡང་ངོ་། །དེ་ཡུལ་
D239.065.0154a02.01དེ་ན་ཉེས་པ་བྱས་པ་གསད་པ་ཞིག་ཡོད་ན་རྒྱལ་པོའི་ཁྲིམས་ཀྱིས་གསད་པ་དེ། བཅིང་བ་ལྔས་བཅིངས་ནས་ཁ་ལམ་པ་ཞེས་བྱ་བའི་དུར་ས་ཆེན་པོ་དེར་སྐྱེལ་ཏེ། སྲིན་པོ་དང་། འབྱུང་པོ་རྣམས་ཟར་འཇུག་གོ། །གསད་པ་གཅིག་གིས་སྲོག་གི་ཕྱིར་སྐྲ་དང་ཁ་སྤུ་བྲེགས་ཏེ་ཆོས་གོས་ཀྱི་ཚལ་བུ་
D239.065.0154a03.01ཞིག་རྙེད་པ་མགུལ་དུ་བཏགས་སོ། །བཙོན་རྫིས་ཁྲིད་དེ་རྒྱལ་པོའི་ཁྲིམས་བཞིན་དུ་བཅིང་བ་ལྔས་བཅིངས་ནས་དུར་ས་ཆེན་པོ་དེར་བསྐྱལ་ཏོ། །སྐྱེལ་མ་ཕྱིར་ལོག་ནས་དེའི་ནུབ་མོ་སྲིན་མོ་ཆེན་མོ་མཚོན་ཆའི་མིག་ཅེས་བྱ་བ་འཁོར་ལྔ་སྟོང་དང་བཅས་ཏེ་དུར་ཁྲོད་དེར་ལྷགས་སོ། །མི་དེས་རྒྱང་
D239.065.0154a04.01ནས་མཐོང་ནས་རབ་ཏུ་འཇིགས་ཤིང་སྐྲག་གོ། །དེའི་ཚེ་སྲིན་མོ་དེས་མི་དེ་བཅིང་བ་ལྔས་བཅིངས་པ་སྐྲ་དང་ཁ་སྤུ་བྲེགས་པ་ཆོས་གོས་ཀྱི་ཚལ་བུ་མགུལ་དུ་བཏགས་པ་མཐོང་ནས་གཡས་ནས་བསྐོར་ཏེ་བསྟི་སྟང་དང་བཅས་པས་ཕྱག་བྱས་ཏེ་ཐལ་མོ་སྦྱར་ནས་ཚིགས་སུ་བཅད་པས་འདི་སྐད་སྨྲས་སོ། །
D239.065.0154a05.01སྐྱེས་བུ་ཁྱོད་ནི་མ་བསྙེངས་བདེ་བར་བཞུགས། །ཁྱོད་ལ་བདག་ཅག་གནོད་པ་མི་བགྱིད་དོ། །སྐྲ་བྲེགས་ཆོས་གོས་གྱོན་པ་ཁྱོད་མཐོང་ནས། །བདག་ཅག་སངས་རྒྱས་རྗེས་སུ་དྲན་པར་གྱུར། །དེའི་ཚེ་སྲིན་མོའི་བུ་རྣམས་ཀྱིས་མ་ལ་འདི་སྐད་ཅེས་སྨྲས་སོ། །བདག་ཅག་ཤིན་ཏུ་བཀྲེས་སྐོམ་
D239.065.0154a06.01པས། །ལུས་དང་སེམས་ནི་རྣམ་པར་གཟིར། །ལུས་དང་སེམས་ནི་བདེ་བའི་ཕྱིར། །ཡུམ་གྱིས་མི་དེ་འཚལ་དུ་གནོང་། །དེ་ནས་སྲིན་མོས་བུ་རྣམས་ལ་འདི་སྐད་ཅེས་སྨྲས་སོ། །སངས་རྒྱས་གང་གཱའི་ཀླུང་གི་བྱེ་སྙེད་ཀྱི། །རྣམ་པར་གྲོལ་བའི་རྒྱལ་མཚན་གོས་གྱོན་པ། །འདི་ལ་མི་དགེ་
D239.065.0154a07.01