完整藏文原文 · 德格版页 当前仅加载第 65 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལ་ནི་ཕྱག་འཚལ་ལྷགས། །སེམས་ཅན་ཀུན་ལ་བདེ་བ་རབ་ཏུ་བྱིན། །སྲིད་པ་གསུམ་གྱི་སྡུག་བསྔལ་ཀུན་ལ་སྒྲོལ། །ཚད་མེད་རྣམ་པ་སྣ་ཚོགས་ཆར་ཕབ་ནས། །སྟོན་པ་ཆེན་པོ་ལ་ནི་མཆོད་པ་བྱེད། །བརྒྱ་བྱིན་དྲི་མ་མེད་པར་སྐྱེས་པ་དེས། །ཕྱོགས་བཞི་ཀུན་
D239.065.0117a01.01དུ་བལྟས་ཤིང་བརྟགས་ནས་སུ། །ཐལ་མོ་སྦྱར་ནས་བསྟི་སྟང་རབ་བཅས་ཏེ། །སྟོན་པ་ཆེན་པོ་ལ་ནི་བསྔགས་ཤིང་བསྟོད། །བདག་གིས་བཅོམ་ལྡན་འདས་ཀྱི་འཁོར་མཐོང་བ། །ནོར་བུ་རིན་པོ་ཆེ་ཡི་འོད་ཟེར་ལྟར། །སངས་རྒྱས་མང་པོའི་ཞིང་ཀུན་སྣང་བྱས་ཏེ། །ཐམས་ཅད་གསལ་
D239.065.0117a02.01བར་མ་གྱུར་གང་ཡང་མེད། །མངོན་ཤེས་དྲུག་གིས་འཇིག་རྟེན་སྣང་བར་བྱེད། །དེང་འདིར་འདུས་ཤིང་ལྷགས་པར་འགྱུར་བ་ནི། །ཤིན་ཏུ་དཔའ་བ་ས་ཡི་སྙིང་པོ་སྟེ། །རབ་ཏུ་བྱུང་བའི་སྤྱོད་ལམ་མངོན་པར་སྟོན། །འཕགས་པའི་ནོར་བདུན་འབྱུང་བའི་གཏེར་ཡིན་ཏེ། །འཇིགས་
D239.065.0117a03.01པ་མེད་པའི་སངས་རྒྱས་ང་རོ་དབྱངས། །བྱང་ཆུབ་སེམས་དཔའ་མང་པོའི་རྒྱལ་མཚན་ཏེ། །སེམས་ཅན་མང་པོ་འདྲེན་པའི་གཙོ་བོའོ། །རྣམ་པར་གྲོལ་བའི་རིན་ཆེན་འབྱུང་ཁུང་སྟེ། །བརྩོན་འགྲུས་བརྟན་པའི་བསོད་ནམས་རྒྱ་མཚོ་ཡིན། །བྱམས་པའི་བློ་གྲོས་སྙིང་རྗེ་བརྩེ་ལ་མོས། །
D239.065.0117a04.01སྡུག་བསྔལ་བ་ཡི་སེམས་ཅན་མང་པོ་སྒྲོལ། །འཇིགས་པ་སྲུང་བའི་འོབས་དང་མཁར་ཡིན་ཏེ། །ནམ་མཁའ་དང་བའི་ཟླ་བཞིན་ལམ་ཡང་སྟོན། །ས་ལྟར་དགེ་བའི་རྩ་བ་ཐམས་ཅད་སྐྱེད། །རྡོ་རྗེ་ལྟར་ནི་ཐེ་ཙོམ་ཡོངས་སུ་གཅོད། །རྣམ་པར་གྲོལ་བའི་རིན་ཆེན་ཀུན་ལ་གཏོར། །
D239.065.0117a05.01ཆུ་ལྟར་སྒྲིབ་པ་ཐམས་ཅད་འདག་པར་བྱེད། །ཉོན་མོངས་ཚ་བས་གདུངས་པའི་གདུགས་སུ་འགྱུར། །སྨན་པ་ལྟར་ནི་ནད་ཀུན་འཚོ་བར་བྱེད། །ཞག་གཅིག་ས་ཡི་སྙིང་པོའི་མིང་བརྗོད་པའི། །གྲགས་པ་ཆེན་པོའི་བསོད་ནམས་ཐོབ་པ་ནི། །བསྐལ་པ་བྱེ་བ་ཁྲག་ཁྲིག་བར་དུ་ཡང་། །བློ་
D239.065.0117a06.01ཅན་གཞན་གྱི་མིང་ནས་བརྗོད་པས་ལྷག །སོ་སོའི་སྐྱེ་བོ་གྲོལ་བར་བྱེད་པ་ནི། །ཉོན་མོངས་ཐམས་ཅད་རྣམ་པར་འཆིང་བྱེད་པའོ། །དཔའ་བར་འགྲོ་བའི་ཏིང་འཛིན་མཐར་ཕྱིན་ཅིང་། །ཏིང་འཛིན་གཞན་དག་གི་ཡང་ཕ་རོལ་ཕྱིན། །རྐྱེན་མང་བཅུ་གསུམ་པོ་ཡང་རྣམ་དག་པས། །
D239.065.0117a07.01