完整藏文原文 · 德格版页 当前仅加载第 65 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་གཞན་ཡང་དགེ་སློང་རྣམ་པ་བཞི་ཡོད་དོ། །བཞི་གང་ཞེ་ན། དོན་དམ་པའི་དགེ་སློང་དང་། ཀུན་རྫོབ་ཀྱི་དགེ་སློང་དང་། ལུག་ལྐུགས་པ་ལྟ་བུའི་དགེ་སློང་དང་། ཁྲེལ་བ་དང་ངོ་ཚ་བ་མེད་པའི་དགེ་སློང་ངོ་། །དེ་ལ་ཇི་ལྟར་ན་དོན་དམ་པའི་དགེ་སློང་གང་ཞེ་ན། འདི་ལྟ་སྟེ། སངས་རྒྱས་བཅོམ་ལྡན་འདས་
D239.065.0170b01.01སམ། བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་སློང་ཡོན་ཏན་ཆེན་པོ་དང་ལྡན་པ་ཆོས་ཐམས་ཅད་ལ་དབང་དུ་གྱུར་པའམ། རང་སངས་རྒྱས་ཀྱི་བྱང་ཆུབ་བམ། དགྲ་བཅོམ་པའམ། ཕྱིར་མི་འོང་བའམ། ལན་ཅིག་ཕྱིར་འོང་བའམ། རྒྱུན་ཏུ་ཞུགས་པ་སྟེ། གང་ཟག་རྣམ་པ་བདུན་པོ་འདི་
D239.065.0170b02.01དག་ནི་དོན་དམ་པའི་དགེ་སློང་དུ་བསྡུ་བ་དང་། སྐྱེ་བོ་གང་ཁྱིམ་ན་གནས་ཤིང་སྐྲ་དང་ཁ་སྤུ་ཡང་མ་བྲེགས། ཆོས་གོས་ཀྱང་མི་གྱོན། རབ་ཏུ་བྱུང་བ་སོ་སོར་ཐར་པའི་ཚུལ་ཁྲིམས་ཐམས་ཅད་ཀྱང་མ་མནོས་གསོལ་བ་དང་། ཞུ་བའི་ལས་དང་། གསོ་སྦྱིན་དང་། ཚུལ་གྱི་ལས་ཐམས་ཅད་ཀྱི་ནང་དུ་མི་
D239.065.0170b03.01ཆུད་མོད་ཀྱི། འཕགས་པའི་ཆོས་དང་ལྡན་ལ་འཕགས་པའི་འབྲས་བུ་ཐོབ་པས་ན་དེ་ཡང་དོན་དམ་པའི་དགེ་སློང་དུ་བསྡུས་ཏེ། དེ་དག་ནི་དོན་དམ་པའི་དགེ་སློང་ཞེས་བྱའོ། །དེ་ལ་ཇི་ལྟར་ན་ཀུན་རྫོབ་ཀྱི་དགེ་སློང་ཞེ་ན། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་གྱོན་ཅིང་རབ་ཏུ་བྱུང་ལ་སོ་སོར་ཐར་པའི་ཚུལ་
D239.065.0170b04.01ཁྲིམས་དང་ལྡན་ན་དེ་ནི་ཀུན་རྫོབ་ཀྱི་དགེ་སློང་ཞེས་བྱའོ། །དེ་ལ་ཇི་ལྟར་ན་ལུག་ལྐུགས་པ་ལྟ་བུའི་དགེ་སློང་ཞེ་ན། རྩ་བའི་སྡིག་ལ་སོགས་པ་ཉམས་སམ་མ་ཉམས་པ་ཡང་མི་ཤེས། ལྕི་བའམ་ཡང་བ་ཡང་མི་ཤེས་ཉེས་པ་ཕྲ་མོ་རྣམ་པ་སྣ་ཚོགས་བྱས་ཀྱང་འགྱོད་ཅིང་འཐོལ་མི་ཤེས། ཉེས་པ་བྱས་
D239.065.0170b05.01པ་ལ་སླ་གྱད་བྱེད་ཅིང་སྡིག་པ་ཕྲ་མོ་ལ་མི་ལྟ། མི་འཇིགས། མཁས་པའི་སྐྱེས་བུ་ལ་ནི་མི་སྟེན། སྐབས་སྐབས་སུ་མང་དུ་ཐོས་པ་ཤེས་རབ་དང་ལྡན་པ་ལ་བསྙེན་བཀུར་དང་། གཡོག་ཀྱང་མི་བྱེད། བསྟི་སྟང་དང་བཅས་ཏེ་ཞུ་ཞིང་འདྲི་བ་ཡང་མི་ཤེས། དགེ་བ་ནི་གང་། མི་དགེ་བ་ནི་གང་། སྡིག་པ་
D239.065.0170b06.01ནི་གང་། སྡིག་པ་མེད་པ་ནི་གང་། གང་བྱས་ན་ལེགས། གང་བྱས་ན་མ་ལེགས་པ་ཡང་ཞུ་བ་དང་འདྲི་བ་མི་བྱེད་པའི་གང་ཟག་དེ་དག་ནི་ལུག་ལྐུགས་པ་ལྟ་བུའི་དགེ་སློང་དུ་བསྡུས་ཏེ། ལུག་ལྐུགས་པ་ལྟ་བུའི་དགེ་སློང་ཞེས་བྱའོ། །དེ་ལ་ཇི་ལྟར་ན་ཁྲེལ་བ་དང་། ངོ་ཚ་བ་མེད་པའི་དགེ་སློང་གང་ཞེ་
D239.065.0170b07.01