完整藏文原文 · 德格版页 当前仅加载第 65 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་མི་ཡི་ལུས། །ལྷག་པར་ས་ཡི་ཁམས་ལྕི་བས། །རང་གིས་མི་ཐེག་གྱུར་པ་འདི། །ཅི་ཡི་རྐྱེན་གྱིས་ལྟས་འདི་བྱུང་། །ལག་མཐིལ་གཉིས་ན་ནོར་བུའི་ལས། །རིན་ཆེན་ཆར་འབབ་འོད་ཀྱང་འགྱེད། །ཕྱོགས་བཅུར་སྣང་བྱས་སྡིག་པ་བསལ། །
D239.065.0102a01.01སྡུག་བསྔལ་ཞི་ནས་བདེ་བ་ཐོབ། །འདྲེན་པས་གསུངས་ཤིག་ཅི་ཡི་རྐྱེན། །འཁོར་གྱི་དཀྱིལ་འཁོར་ཐམས་ཅད་ལ། །སྤོས་དང་ཕྲེང་བ་སྣ་ཚོགས་ཀྱིས། །སོ་སོའི་ལུས་ལ་བརྒྱན་པ་གདའ། །ལྷ་དང་མི་ཀུན་ཐེ་ཙོམ་སྐྱེས། །ཅི་ཡི་རྒྱུ་དང་ཅི་ཡི་རྐྱེན། །སུ་ཞིག་
D239.065.0102a02.01གང་ནས་འདིར་མཆི་ན། །རྫུ་འཕྲུལ་མཐུ་འདི་སྟོན་པར་གྱུར། །སངས་རྒྱས་བྱང་ཆུབ་སེམས་དཔའ་འམ། །འོན་ཏེ་ཚངས་པའམ་བདུད་ལགས་སམ། །བརྒྱ་བྱིན་ལགས་སམ་སུ་མཆི་བ། །འདྲེན་པ་ཆེན་པོས་བཤད་དུ་གསོལ། །དེའི་ཚེ་བཅོམ་ལྡན་འདས་
D239.065.0102a03.01ཀྱིས་བརྒྱ་བྱིན་དྲི་མ་མེད་པར་སྐྱེས་པ་ལ་འདི་སྐད་ཅེས་བཀའ་སྩལ་ཏོ། །ཁྱེད་ཀྱིས་འདི་ལྟར་ཤེས་པར་བྱོས་ཤིག །བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ཞེས་བྱ་བ་ཡོད་དེ། སྔོན་བསྐལ་པ་ཆེན་པོ་ཚད་མེད་གྲངས་མེད་པའི་བར་དུ་རྙོག་པ་ལྔའི་ཚེ།
D239.065.0102a04.01སངས་རྒྱས་མི་བཞུགས་པའི་འཇིག་རྟེན་གྱི་ཁམས་སུ་སེམས་ཅན་ཡོངས་སུ་སྨིན་པར་བྱེད་པ་དེ། ད་ལྟར་འཁོར་བྱང་ཆུབ་སེམས་དཔའ་བྱེ་བ་ཁྲག་ཁྲིག་སྟོང་ཕྲག་བརྒྱད་ཅུ་དང་བཅས་ཏེ་འཇིག་རྟེན་གྱི་ཁམས་འདིར་ང་ལ་ཕྱག་འཚལ་བ་དང་། བསྙེན་བཀུར་དང་མཆོད་
D239.065.0102a05.01པ་བྱ་བ་དང་། གཞན་ཡང་འཁོར་གྱི་དཀྱིལ་འཁོར་རྣམས་ལ་བལྟ་བ་དང་། རྗེས་སུ་ཡི་རང་བ་བསྐྱེད་པའི་ཕྱིར་འཁོར་དང་བཅས་ཏེ་དགེ་སྦྱོང་གི་གཟུགས་ཀྱིས་འདིར་འོང་བས་མངོན་པར་ཤེས་པའི་མཐུས་ཆོ་འཕྲུལ་འདི་དག་བསྟན་ཏོ། །བྱང་ཆུབ་སེམས་དཔའ་སེམས་
D239.065.0102a06.01དཔའ་ཆེན་པོ་སའི་སྙིང་པོ་ཞེས་བྱ་བ་དེ་ཚད་མེད་གྲངས་མེད་བསམ་གྱིས་མི་ཁྱབ་པའི་ཡོན་ཏན་གྱི་ཁྱད་པར་གྱིས་ཡོངས་སུ་བརྒྱན་པས་ཉན་ཐོས་དང་། རང་སངས་རྒྱས་དང་། འཇིག་རྟེན་དུ་བཅས་པ་ཐམས་ཅད་ཀྱིས་དཔོག་ནུས་པ་མེད་དོ། །བྱང་ཆུབ་སེམས་དཔའ་
D239.065.0102a07.01