完整藏文原文 · 德格版页 当前仅加载第 65 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ནུས་ན། །ཐེག་པ་ཆེན་པོ་ག་ལ་སློབ་ནུས། །ཐེག་པ་གཉིས་ཀྱི་ཆོས་ལ་དད་ནས། །ཐེག་པ་ཆེན་པོ་ལ་ནི་དད་འགྱུར། །ཐེག་ཆེན་ཆོས་ལ་དད་པ་མེད་པར། །ཚིག་ཏུ་སྨྲ་བས་དོན་དུ་མི་འགྱུར། །ནང་ནི་ཡང་དག་ཆད་པར་ལྟ་ཞིང་། །
D239.065.0180a01.01ཐེག་པ་ཆེན་པོ་ཅན་ཞེས་ཁས་འཆེ། །མི་དགེ་གསུམ་གྱི་ལས་ནི་མི་སྲུང་། །ང་ཡི་དམ་ཆོས་མ་རུང་འཇིག་བྱེད། །གང་ཟག་དེ་ནི་ཚེ་འཕོས་གྱུར་ནས། །མཚམས་མེད་སེམས་ཅན་དམྱལ་བར་ལྟུང་ངེས། །དེ་བས་དབང་པོ་བརྟན་ཅིང་བཤད་བྱའི། །སྣོད་
D239.065.0180a02.01དུ་མ་གྱུར་པ་ལ་མ་ཡིན། །བྱམས་པའི་སེམས་མེད་ང་རྒྱལ་དྲེགས་ཤིང་། །གཏུམ་ཞིང་བརླང་བ་དབང་པོ་ཞན་པ། །དེ་ནི་ཆད་པར་ལྟ་བ་ཡིན་པར། །མཁས་པ་རྣམས་ཀྱིས་དེ་དག་ཤེས་བྱ། །ཉན་ཐོས་དང་ནི་རང་རྒྱལ་བ་དང་། །ཐེག་པ་ཆེན་པོའི་སྣོད་
D239.065.0180a03.01མ་ཡིན་ནོ། །སངས་རྒྱས་ཀུན་ལ་སྨད་ཅིང་སྐུར་པས། །ངེས་པར་མཚམས་མེད་དམྱལ་བར་ལྟུང་འགྱུར། །འདུ་འཛི་ལ་དགའ་ཚུལ་ཁྲིམས་སྲུང་ཞིང་། །སློབ་དཔོན་འཆབ་ཅིང་སྡུག་བསྔལ་འཇིགས་པ། །མཁས་པ་དག་གིས་ཤེས་པར་གྱིས་ཤིག །
D239.065.0180a04.01དེ་ནི་ཉན་ཐོས་ཐེག་པ་ཡིན་ནོ། །སྦྱིན་ལ་དགའ་ཞིང་སྐྱེ་འགོག་རྟོག་པ། །བས་མཐའི་གནས་ལ་དགའ་བ་དག་ནི། །རང་རྒྱལ་པ་ཡི་ཐེག་པ་ཡིན་པར། །མཁས་པ་དག་གིས་ཤེས་པར་གྱིས་ཤིག །དགེ་བའི་རྩ་བ་ཀུན་དང་ལྡན་ཞིང་། །བྱམས་པ་དང་
D239.065.0180a05.01ནི་སྙིང་རྗེའི་སེམས་ཀྱིས། །རྟག་ཏུ་ཕན་པའི་དོན་ལ་དགའ་བ། །དེ་ནི་ཐེག་པ་ཆེན་པོ་ཡིན་ནོ། །ཚུལ་ཁྲིམས་བསྲུང་ཕྱིར་ལུས་སྲོག་སྤོང་ཞིང་། །སེམས་ཅན་དག་ལ་མི་འཚེ་མི་གནོད། །སྟོང་པ་ཉིད་ཀྱི་ཆོས་ལ་བརྩོན་པ། །ཐེག་པ་ཆེན་པོ་ཡིན་པར་
D239.065.0180a06.01ཤེས་བྱ། །ཐམས་ཅད་ཆོས་ལ་སེམས་ཀྱིས་བཟོད་ཅིང་། །སྨྲ་བའི་ཚིག་འཇམ་འཇུངས་པ་མེད་པ། །ཆོས་ལ་རྟག་ཏུ་དགའ་ཞིང་སྤྲོ་བ། །དེ་ཡང་ཐེག་པ་ཆེན་པོ་ཡིན་ནོ། །ཆོས་ཀྱི་སྣོད་དང་སྣོད་མིན་ཀུན་ལ། །བསམ་པ་མཉམ་པས་ཕན་པའི་དོན་
D239.065.0180a07.01