完整藏文原文 · 德格版页 当前仅加载第 65 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
དཀོན་མཆོག་གསུམ་གྱི་གདུང་བསབ་པའི་རྒྱུ་དང་། འབྲས་བུ་དང་། ཕ་རོལ་ཏུ་ཕྱིན་པ་དྲུག་དང་། རྣལ་འབྱོར་པའི་རྒྱུ་དང་། སྡོམ་པ་གསུམ་ལ་སོགས་པའི་རྒྱུ་དང་འབྲས་བུའི་ཆོས་རྒྱས་པར་ཕྱེ་སྟེ་མངོན་པར་བསྟན་ནས་འཁོར་མང་པོ་རྣམས་རྣམ་པར་གྲོལ་བར་བྱེད་དོ། །ཕྱིན་ཅི་
D239.065.0127b01.01ལོག་ཏུ་ལྟ་བ་རྣམས་ཡང་དག་པའི་ལྟ་བ་དང་། དགེ་བ་བཅུའི་ཡང་དག་པའི་ལས་ཀྱི་ལམ་ལ་རྣམ་པར་འཇུག་གོ། །སེམས་ཅན་རྣམས་ནི་རྟག་ཏུ་འཐུན་པར་ཆོས་ལ་འཇུག །ཆོས་ལ་སྤྱོད་པར་ཐབས་ཀྱིས་དྲང་ཞིང་སྒོམ་དུ་འཛུད་པས་རྒྱུ་དང་འབྲས་བུ་རྒྱུན་མི་འཆད་པར་
D239.065.0127b02.01བྱེད་དོ། །སེམས་ཅན་རྣམས་འཁོར་རྣམ་བཞི་དང་འཐུན་པར་དགེ་བ་སྤྱོད་པའི་ཁྱད་པར་ལ་ནན་ཏན་བྱེད་དུ་བཅུག་ནས་དྲན་པ་ཉེ་བར་གཞག་པ་བཞི་དང་། ཏིང་ངེ་འཛིན་དང་། རྣམ་པར་གྲོལ་བའི་ཡེ་ཤེས་སྟོན་པ་དང་། ལམ་གྱི་ཡན་ལག་ལ་སྤྲོ་བཞིན་དུ་རྩེའོ། །འཕགས་
D239.065.0127b03.01པའི་བསྟན་པ་ཡུན་དུ་གནས་པར་བྱ་བ་དང་། དཀོན་མཆོག་གསུམ་གྱི་གདུང་རྒྱུན་མི་འཆད་པར་བྱ་བའི་ཕྱིར་ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་
D239.065.0127b04.01ལག་བརྒྱད་པ་དང་། དེ་མ་ཡིན་པ་ཏིང་ངེ་འཛིན་དང་། རྣམ་པར་གྲོལ་བའི་ཡེ་ཤེས་སྟོན་པ་དང་། བྱང་ཆུབ་ཀྱི་ཕྱོགས་ཀྱི་ཁྱད་པར་རྣམ་པ་སྣ་ཚོགས་ལ་ཅི་ད་གར་རྩེར་བཅུག་གོ། །རིགས་ཀྱི་བུ་ང་ནི་དེ་ལྟར་སངས་རྒྱས་ཀྱི་འཁོར་ལོ་བཞི་པ་འདི་དང་ལྡན་ཏེ། འཁོར་ལོ་དེའི་
D239.065.0127b05.01དབང་གིས་སོ་སོའི་སྐྱེ་བོ་ཅི་དང་ཅི་ལ་མོས་པ་དང་། ཅི་ལ་ཕྱོགས་པ་དང་། ཅི་ལ་དགའ་བ་ཀུན་མཁྱེན་པས་ཅི་དང་ཅིས་འདུལ་བ་བཞིན་དུ་ཕན་པ་དང་བདེ་བའི་དོན་གྱིས་འཇིགས་པ་མེད་པ་ལ་བདེ་བར་བཀོད་དོ། །འཇིགས་པ་མེད་པས་ང་ནི་དྲང་སྲོང་ཆེན་པོའི་གནས་སུ་བཞུགས་
D239.065.0127b06.01ཏེ་སངས་རྒྱས་ཀྱི་འཁོར་ལོ་བསྐོར་ནས་ལྷ་དང་བདུད་དུ་བཅས་པའི་མུ་སྟེགས་ཅན་ལོག་པར་སྨྲ་བ་ཐམས་ཅད་བཏུལ་ཏེ་འཁོར་མང་པོའི་ནང་དུ་སེང་གེའི་སྒྲ་བསྒྲགས་སོ་ཞེས་གསུངས་སོ། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་
D239.065.0127b07.01