完整藏文原文 · 德格版页 当前仅加载第 65 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
འབུལ་བ་དང་། ཉི་མའི་གུང་ལ་ཡང་རིན་པོ་ཆེ་སྣ་བདུན་གྱིས་འཛམ་བུའི་གླིང་ཡོངས་སུ་བཀང་སྟེ་སངས་རྒྱས་དང་དགེ་འདུན་ལ་འབུལ་བ་དང་། ཕྱི་དྲོའི་དུས་སུ་ཡང་རིན་པོ་ཆེ་སྣ་བདུན་གྱིས་འཛམ་བུའི་གླིང་ཡོངས་སུ་བཀང་སྟེ་སངས་རྒྱས་དང་དགེ་འདུན་ལ་འབུལ་
D239.065.0161a01.01བ་དང་། དེ་བཞིན་དུ་ཉིན་རེ་རེར་ཡང་རྒྱུན་མི་འཆད་པར་ལོ་བརྒྱ་སྟོང་གི་བར་དུ་སྦྱིན་པ་བྱིན་ན་གང་ཟག་དེའི་བསོད་ནམས་ཀྱི་ཚོགས་དེ་མང་བ་ཡིན་ནམ། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་གསོལ་པ། ཤིན་ཏུ་མང་ངོ་། །བཅོམ་ལྡན་འདས་ཤིན་ཏུ་མང་ངོ་། །
D239.065.0161a02.01བདེ་བར་གཤེགས་པ་གང་ཟག་དེའི་བསོད་ནམས་ཀྱི་ཚོགས་ནི་ཚད་མ་མཆིས། དཔག་ཏུ་མ་མཆིས་ཏེ། བརྗོད་པའམ། བརྩི་བའམ། བགྲང་བའམ། དཔེར་ཡང་མི་བཟོད་དེ། སངས་རྒྱས་ཉག་གཅིག་གིས་མཁྱེན་གྱི་གཞན་གྱིས་ནི་མ་ལགས་སོ། །བཅོམ་ལྡན་འདས་ཀྱིས་
D239.065.0161a03.01བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །དེ་དེ་བཞིན་ཏེ། ཁྱོད་ཀྱིས་སྨྲས་པ་དེ་བཞིན་ནོ། །གལ་ཏེ་རྒྱལ་རིགས་དགེ་བ་ནས་བྲམ་ཟེ་དགེ་བའི་བར་དུ་གང་ཞིག་སྡིག་པའི་འཁོར་ལོ་རྣམ་པ་བཅུ་པོ་བདག་ཀྱང་མི་སྤྱོད་ལ་ཕ་རོལ་པོ་གཞན་སྤྱོད་པ་དག་སྡིག་པའི་འཁོར་ལོ་བཅུ་སྤོང་
D239.065.0161a04.01བར་ཡང་གཞན་ལ་སྟོན་པའི་བསོད་ནམས་ཀྱི་ཕུང་པོ་ནི་བསོད་ནམས་ཀྱི་ཕུང་པོ་སྔ་མ་བས་ཚད་མེད། དཔག་ཏུ་མེད། བརྗོད་པར་རམ། བརྩི་བས་སམ། བགྲང་བས་སམ། དཔེར་ཡང་མི་བཟོད་པར་ཆེའོ། །རིགས་ཀྱི་བུ་གཞན་ཡང་འདི་ལྟ་སྟེ། གང་ཟག་མཐུ་ཆེན་པོ་དང་
D239.065.0161a05.01ལྡན་པ་གཅིག་འཇིག་རྟེན་དུ་མངོན་པར་བྱུང་སྟེ་ཕྱོགས་བཞིའི་དགེ་འདུན་གྱི་ཕྱིར་གཙུག་ལག་ཁང་དང་། གནས་ཁང་ཤིན་ཏུ་བཟང་ཞིང་ཡངས་པ་གླིང་བཞི་དང་མཉམ་པ་བརྩིགས་ནས་གནས་དེ་དག་ཀུན་ཏུ་ཁྲི་སྟན་དང་། ན་བཟའ་དང་། བསོད་སྙོམས་དང་། སྙུན་གྱི་རྐྱེན་སྨན་དང་།
D239.065.0161a06.01འཚོ་བའི་ཡོ་བྱད་ཐམས་ཅད་དང་ལྡན་པར་བཤམས་ཏེ་དེ་བཞིན་གཤེགས་པ་དང་། ཉན་ཐོས་དང་། བྱང་ཆུབ་སེམས་དཔའི་ཉེ་གནས་ཆེན་པོའི་འཁོར་ཐམས་ཅད་དེ་ན་བཞུགས་པ་ལ། བརྩོན་འགྲུས་སུ་དགེ་བའི་ཕྱོགས་རྣམ་པ་སྣ་ཚོགས་ལ་ནན་ཏན་བྱེད་ཅིང་ཉིན་མཚན་ལེ་ལོ་མེད་པར་
D239.065.0161a07.01