完整藏文原文 · 德格版页 当前仅加载第 65 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་གིས་མཐར་ཕྱིན་པའི་རྣམ་པར་དག་པ་ཐོབ་ཀྱི་སྦྱིན་པ་དང་། ཚུལ་ཁྲིམས་ཀྱིས་མ་ཡིན་པ་ནས་ཤེས་རབ་ཀྱི་བར་དུ་མ་ཡིན་པར་འཛིན་ཏོ། །ལ་ལ་ནི་བསམ་གཏན་འབའ་ཞིག་གིས་མཐར་ཕྱིན་པའི་རྣམ་པར་དག་པ་ཐོབ་ཀྱི་སྦྱིན་པ་དང་། ཚུལ་ཁྲིམས་ཀྱིས་
D239.065.0173b01.01མ་ཡིན་པ་ནས་ཤེས་རབ་ཀྱི་བར་དུ་མ་ཡིན་པར་འཛིན་ཏོ། །ལ་ལ་ནི་ཤེས་རབ་འབའ་ཞིག་གིས་མཐར་ཕྱིན་པའི་རྣམ་པར་དག་པ་ཐོབ་ཀྱི། སྦྱིན་པ་དང་། ཚུལ་ཁྲིམས་ཀྱིས་མ་ཡིན་པ་ནས་བསམ་གཏན་གྱི་བར་དུ་མ་ཡིན་པར་འཛིན་ཏོ། །ལ་ལ་ནི་འཇིག་
D239.065.0173b02.01རྟེན་གྱི་བཟོ་རྩལ་རྣམ་པ་སྣ་ཚོགས་སྦྱངས་ཤིང་ཤེས་པས་མཐར་ཕྱིན་པའི་རྣམ་པར་དག་པ་ཐོབ་པར་འཛིན་ཏོ། །ལ་ལ་ནི་བྲག་ལས་མཆོང་བ་དང་། མེ་མ་མུར་དུ་མཆོང་བ་དང་། སྨྱུང་བ་ལ་སོགས་པའི་བརྟུལ་ཞུགས་ཀྱི་རྣམ་པ་མང་པོས་མཐར་ཕྱིན་པའི་རྣམ་
D239.065.0173b03.01པར་དག་པ་ཐོབ་པར་འཛིན་ཏེ་སྟོན་ཏོ། །རིགས་ཀྱི་བུ་དེ་ལྟར་ཚུལ་ཁྲིམས་ཉམས་པ་སྡིག་པ་སྤྱོད་པའི་དགེ་སློང་ཆོས་ཀྱི་སྣོད་མ་ཡིན་པ་དེས་{བརྫུན་,རྫུན་}རྣམ་པ་སྣ་ཚོགས་ཀྱིས་ཡང་དག་པའི་ཆོས་ཀྱི་སྣོད་ཀུན་བསླུས་ཏེ་སྐྱེ་བོ་མང་པོ་ལྟ་བ་ངན་པ་ལ་བལྟར་བཙུད་དོ། །དེ་ལྟར་
D239.065.0173b04.01དེ་དག་ཕྱིན་ཅི་ལོག་ཏུ་ངན་པར་ལྟ་བའི་དབང་གིས་རྒྱལ་རིགས་དགེ་བ་ནས་རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་ལ་སོགས་པ་དད་པ་ཡོངས་སུ་དག་པ་དག་མ་རུང་བར་བྱས་ནས་ཚུལ་ཁྲིམས་དང་། ཐོས་པ་དང་། སྦྱིན་པ་དང་། ཤེས་
D239.065.0173b05.01རབ་ཀྱང་ཉམས་པར་བྱས་ཏེ། རྒྱལ་རིགས་གདོལ་པ་ཅན་ནས་རྗེའུ་རིགས་གདོལ་པ་ཅན་གྱི་བར་དུ་ཐམས་ཅད་གདོལ་པ་ཅན་དུ་བསྒྱུར་བས་དེ་དག་ནི་ཆོས་ཀྱི་སྣོད་མ་ཡིན་ཏེ། ཚུལ་ཁྲིམས་ཉམས་པའི་དགེ་སློང་དང་། རྒྱལ་རིགས་གདོལ་པ་ཅན་ལ་སོགས་པ་
D239.065.0173b06.01སྟོན་པ་དང་སློབ་མར་བཅས་ཏེ། དགེ་བའི་རྩ་བ་བཅད་པས་མཚམས་མེད་པའི་སེམས་ཅན་དམྱལ་བའི་བར་དུ་ལྟུང་བར་འགྱུར་རོ། །རིགས་ཀྱི་བུ་ཇི་ལྟར་མི་རོ་བམ་ནས་རུལ་ཅིང་ཞིག་པ་ལས་འགྲོ་བ་ཐམས་ཅད་ཀྱི་ཡིད་དུ་མི་འོང་ཞིང་སྣར་མནམ་པ་རེག་མ་
D239.065.0173b07.01