完整藏文原文 · 德格版页 当前仅加载第 65 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
རོ་དང་མཚུངས། །ཅི་ཡི་སླད་དུ་དེང་འདིར་དགེ་སློང་སྡིག་ཅན་ལ། །སྙིང་རྗེས་དང་དུ་བླངས་ཏེ་ཆད་པས་མི་གཅོད་པར། །ཕྱིར་ཡང་ང་ལ་མཆོད་པ་བྱོས་ཞེས་སྐུལ་མཛད་ཅིང་། །བརྩེ་ལ་སྙིང་རྗེ་ཅན་གྱིས་ངན་སེམས་ཡོངས་སྤོངས་ལ། །དེ་ལ་བསྟི་སྟང་བཅས་ཏེ་བསྟན་པའི་
D239.065.0168a01.01ཆོས་མཉན་ན། །བསོད་ནམས་ཡེ་ཤེས་ཚོགས་ཐོབ་སྙིང་རྗེ་ཆེན་པོ་ཅན། །མངོན་ཤེས་འཇིག་རྟེན་སྐྱོང་བས་མདོ་སྡེ་གཞན་དག་ལ། །ཕྲ་ལ་ཟབ་པར་གྱུར་པའི་ཡང་དག་བྱང་ཆུབ་ལམ། །ཐེག་པ་ཆེན་པོ་དེ་ལ་ཁྱེད་ཀྱིས་དད་བྱས་ཤིང་། །ཐེག་པ་གཉིས་ཀྱིས་གྲོལ་བའི་ལམ་དེ་སྤོངས་
D239.065.0168a02.01ཞེས་གསུངས། །ཅི་ཡི་སླད་དུ་དེང་འདིར་ཐེག་པ་གསུམ་བཤད་དེ། །ཀུན་གྱིས་དེ་ལ་ཉན་ཅིང་མཆོད་པ་བགྱི་བར་སྐུལ། །དབང་པོ་སྟོབས་དང་བྱང་ཆུབ་དགེ་སྦྱོང་འབྲས་བུ་ཡང་། །མདོ་སྡེ་འདི་ལས་འབྱུང་གི་གཞན་དུ་གསུངས་པ་མེད། །དཔེ་མེད་འཕགས་པའི་ལམ་ནི་ཡན་ལག་བརྒྱད་
D239.065.0168a03.01པ་འདིར། །ཐེག་པ་རྣམ་གསུམ་ཀུན་ཀྱང་ལམ་དེར་འཇུག་བྱེད་དེ། །རྣམ་པར་གྲོལ་བར་འདོད་པས་བརྩོན་འགྲུས་རབ་བསྐྱེད་ན། །སོ་སོར་རེ་བ་བཞིན་དུ་བྱང་ཆུབ་འཐོབ་པར་འགྱུར། །འགྲོ་བ་ཀུན་གྱི་གཙོ་བོས་འདི་དག་རྣམ་དབྱེ་བ། །སྔ་ཕྱིར་བསྟན་པ་འདི་དག་མི་འགལ་བསྟན་
D239.065.0168a04.01པ་ན། །ལྷ་དང་མི་དང་བྱང་ཆུབ་སེམས་དཔའི་འཁོར་ཐམས་ཅད། །ཡང་དག་བདེན་པ་རྟོགས་ཤིང་རྣམ་གྲོལ་དགའ་བ་བསྐྱེད། །ཐེག་པ་ཆེན་པོ་བཤད་པས་གང་ལ་ཕན་འགྱུར་དང་། །ཐེག་པ་ཆེན་པོ་བཤད་པས་གང་ལ་གནོད་པར་འགྱུར། །ཉན་ཐོས་ཐེག་པས་རྣམ་པར་གྲོལ་བ་བཅུ་
D239.065.0168a05.01པོ་ཡིས། །བཤད་པ་ཐོས་ནས་གང་ལ་གནོད་དང་གང་ལ་ཕན་པར་འགྱུར། །གང་ཞིག་ཆོས་འདི་ཐོས་པས་གོང་ནས་གོང་དུ་འཕར། །གང་གིས་ཆོས་འདི་ཐོས་པས་ཕྱིར་ཞིང་ལྟུང་བར་འགྱུར། །ཇི་ལྟར་འདུས་བྱས་ཀུན་གྱི་སྐྱོན་གྱིས་སྐྱོ་བས་ན། །རྒ་དང་འཆི་བའི་རྒྱ་མཚོ་མྱུར་དུ་སྐེམས་པར་
D239.065.0168a06.01འགྱུར། །ཉིན་མཚན་དགེ་བ་རྣམས་ལ་ཤིན་ཏུ་བརྩོན་པ་ད་ག །དོན་མཆོག་གང་ལ་གནས་ཤིང་ཐེག་པ་གང་བགྲོད་པས། །ཤིན་ཏུ་ཡངས་ཤིང་ཟབ་པའི་ཆུ་བོ་བཞི་ལས་སྒྲོལ། །འཇིག་རྟེན་སྐྱོང་བས་རྣམ་པར་ཕྱེ་སྟེ་ཀུན་སྲུངས་ཤིག །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་
D239.065.0168a07.01