完整藏文原文 · 德格版页 当前仅加载第 65 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཐེག་པར་སེམས་བསྐྱེད་པ་ལས་ཕྱིར་མི་ལྡོག་པར་གྱུར་ཏོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་ནམ་འཚོའི་བར་དུ་དགེ་བ་བཅུའི་ལས་ཀྱི་ལམ་ལ་བདེ་བར་གནས་ནས་ཐེག་པ་ཆེན་པོར་སེམས་བསྐྱེད་ཅིང་བླ་ན་མེད་པ་ཡང་དག་པར་
D239.065.0240b01.01རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །གཞན་ཡང་སེམས་ཅན་ཚད་མེད་གྲངས་མེད་པ་དག་ནི་བཅོམ་ལྡན་འདས་ཀྱིས་བཤད་པ་ཐོས་ནས་འཇིག་རྟེན་གྱི་ཡང་དག་པར་ལྟ་བ་ཐོབ་པར་གྱུར་ཏེ། ཡང་དག་པར་ལྟ་བ་དེའི་དབང་གིས་ངན་སོང་དུ་འགྲོ་བའི་རྒྱུ་དང་། ཀུན་ནས་ཉོན་མོངས་པའི་
D239.065.0240b02.01ལས་དང་། ཉོན་མོངས་པ་ཐམས་ཅད་བྱང་ནས་མཐོ་རིས་སུ་འགྲོ་བའི་རྒྱུ་དང་། ཡང་དག་པའི་སྨོན་ལམ་དང་། དགེ་བའི་ལས་ཐམས་ཅད་སྐྱེ་ཞིང་འཕེལ་བར་འགྱུར་རོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་དཀོན་མཆོག་གསུམ་ལ་
D239.065.0240b03.01སྐྱབས་སུ་སོང་སྟེ། དགེ་བསྙེན་གྱི་སྡོམ་པ་བླངས་ནས་སངས་རྒྱས་མཆོད་པ་ལ་སྤྲོ་བ་དང་། ཆོས་ཐོས་པ་ལ་དགའ་བ་དང་། དགེ་འདུན་གྱི་གཡོག་བྱེད་པ་ལ་མོས་ཏེ། ཉིན་མཚན་དུ་འབད་པའི་བརྩོན་འགྲུས་ལ་སེམས་པར་ཚད་མེད་པར་གྱུར་ཏོ། །གཞན་ཡང་སེམས་ཅན་ཚད་མེད་གྲངས་
D239.065.0240b04.01མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་ལོག་པ་ལ་འབབ་པ་དང་། ལོག་པ་ལ་ཕྱོགས་པ་དང་། བློ་གྲོས་ངན་པ་དང་། ལས་ངན་པ་ཐམས་ཅད་ཡོངས་སུ་སྤངས་ཏེ། སངས་རྒྱས་ཀྱི་ཆོས་ལ་མི་འགྱུར་བའི་དད་པ་ཐོབ་ནས་ཁྱིམ་ན་གནས་པའི་ཆོས་ཡོངས་སུ་སྤངས་ཏེ་རྣམ་པར་དག་
D239.065.0240b05.01པས་རབ་ཏུ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ངས་སའི་སྙིང་པོའི་འཁོར་ལོ་བཅུ་པ་ཞེས་བྱ་བ་བརྡ་སྤྲོད་པ་ཆེན་པོ་ཆོས་ཀྱི་སྒོ་མོ་འདི། ཁྱོད་ཀྱི་ལག་ཏུ་གཏད་ཀྱིས་ཁྱོད་
D239.065.0240b06.01ཀྱིས་གཟུངས་སུ་ཟུང་ལ་ཤིན་ཏུ་རྒྱས་པར་གྱིས་ཤིག །སེམས་ཅན་གང་ཆོས་ཀྱི་རྣམ་གྲངས་འདི་ལ་ཀློག་གམ། འདོན་ཏམ། ཡིད་ལ་བྱེད་དམ། གཞན་ལ་ཡང་རྒྱ་ཆེར་འཆད་དམ། ཡང་དག་པའི་སྤྱད་པ་ལ་གནས་པ་དག་ལ་ཁྱོད་ཀྱིས་ཆོས་རྣམ་པ་འདི་བཅུས་བསྲུངས་ཏེ། ཡུན་རིང་
D239.065.0240b07.01