完整藏文原文 · 德格版页 当前仅加载第 65 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད། ལ་ལ་ནི་དགེ་བའི་བཤེས་གཉེན་ལ་རྟེན་པའི་དབང་དུ་གྱུར་ཀྱང་གླེན་པའི་རང་བཞིན་ཅན་ལུག་བཞིན་དུ་ལྐུགས་པ་ལས་ཀྱི་དངོས་པོའི་བྱེ་བྲག་ཀྱང་མི་ཕྱེད་ལ། དགེ་བའི་བཤེས་གཉེན་གྱིས་དགེ་བ་དང་མི་དགེ་བའི་ཆོས་བསྟན་པ་ཐོས་ཀྱང་མི་གོ་མི་འཛིན་མི་ཤེས་ཏེ། དེའི་རྒྱུ་
D239.065.0169a01.01དེའི་རྐྱེན་གྱིས་གནས་ཤིང་སྤྱད་པར་མི་བྱ་བ་དག་བྱེད་དེ། ནོར་དང་། རིན་པོ་ཆེ་དང་། འཚོ་བའི་ཡོ་བྱད་རྣམ་པ་སྣ་ཚོགས་ཀྱིས་མི་སྐྱོ་བར་ཀུན་ཏུ་ཚོལ་བའི་རྒྱུས་སེམས་འཁྲུགས་པས་གནས་ཤིང་སྤྱད་པར་མི་བྱ་བ་དག་བྱེད་པའི་འདུས་བྱས་ཀྱི་ནད་མང་པོས་གཟིར་ཅིང་གདུངས་པའི་འཇིག་རྟེན་
D239.065.0169a02.01པའི་ལྷ་རྗེད་པ་དང་། སྔགས་ལ་སོགས་པ་བྱེད་པ་དེའི་རྒྱུ་དེའི་རྐྱེན་གྱིས་གནས་པ་དང་སྤྱད་པར་མི་བྱ་བ་དག་བྱེད་དོ། །འདི་ལྟར་གནས་པ་དང་སྤྱད་པར་མི་བྱ་བ་རྣམ་པ་བཅུ་པོའི་རྒྱུས་སེམས་ཅན་དག་ཚུལ་ཁྲིམས་ཀྱི་རྩ་བ་ཉམས་ཤིང་མཐོང་བའི་ཆོས་ལ་འཕགས་པའི་སྣོད་དུ་མ་གྱུར་པ། ཚུལ་
D239.065.0169a03.01ཁྲིམས་ཉམས་པའི་ཕྱིར་ངན་སོང་དུ་ལྟུང་བར་འགྱུར་རོ། །རིགས་ཀྱི་བུ་གང་ཟག་གང་ལྷག་པའི་སྤྱོད་པ་ཉམས་ཀྱང་མོས་པ་མ་ཉམས་པ་དག་གནས་པ་དང་། སྤྱད་པར་མི་བྱ་བ་གང་ཡང་རུང་བ་རྣམ་པ་གཅིག་གི་རྒྱུས་རྩ་བའི་སྡིག་གཅིག་ཉམས་པ་ལས་དེ་ཤིན་ཏུ་འཇིགས་སྐྲག་སྟེ་འཛེམ་པ་དང་།
D239.065.0169a04.01ངོ་ཚ་བས་ཕྱིན་ཆད་ཀྱང་གང་ཡང་མི་བྱེད་པར་སྡིག་པ་སྤངས་ན་དེ་བཞིན་གཤེགས་པས་དེ་ལ་ཕན་གདགས་པའི་ཕྱིར་ལམ་སུན་འབྱིན་པའི་དགེ་སྦྱོང་ཞེས་གསུངས་སོ། །དེ་ཅིའི་ཕྱིར་ཞེ་ན། དེ་ལྟ་བུའི་སྡིག་པ་ཆེན་པོའི་ལས་བྱས་ཀྱང་འཕྲལ་དུ་མི་འཆབ་པར་འཐོལ་ཏེ། འཛེམ་པ་དང་ངོ་
D239.065.0169a05.01ཚབས་འགྱོད་ཚངས་བྱས་ན། དེས་དེ་ལྟར་འཛེམ་པ་དང་ངོ་ཚ་བས་སོ་སོར་བཤགས་པས་སྡིག་པ་བྱང་བའི་ཕྱིར་ཕྱིན་ཅད་བྱེད་པའི་རྒྱུན་གཅོད་པར་འགྱུར་རོ། །དེས་དགེ་སྦྱོང་གི་ལས་དང་ཆོ་གར་བྱ་བ་ཐམས་ཅད་ཀྱི་ནང་དུ་མི་ཆུད་ལ། བསྐྲད་པར་བྱ་ཞིང་དགེ་སྦྱོང་གི་འཚོ་བའི་ཡོ་བྱད་ཐམས་ཅད་ལ་
D239.065.0169a06.01ཡང་སྤྱོད་དུ་མི་དབང་མོད་ཀྱི། གང་ཟག་དེ་ནི་ཐེག་པ་གསུམ་གྱི་ཆོས་ཀྱི་སྣོད་དུ་འགྱུར་བས། དེ་བཞིན་གཤེགས་པས་ཐུགས་བརྩེ་བའི་ཕྱིར་དེ་ལ་བར་བར་ནི་ཉན་ཐོས་ཀྱི་ཐེག་པའི་ཆོས་ཀྱང་འཆད་དོ། །བར་བར་ནི་རང་སངས་རྒྱས་ཀྱི་ཐེག་པའི་ཆོས་ཀྱང་འཆད་དོ། །བར་བར་ནི་དེ་ལ་བླ་ན་མེད་པའི་
D239.065.0169a07.01