完整藏文原文 · 德格版页 当前仅加载第 65 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དོན་དུ་འགྱུར་བར་བསྟན་པ་སོ་སོར་ཐར་པ་ལས་འགལ་བའོ། །གལ་ཏེ་ངས་བསྟན་པའི་སོ་སོར་ཐར་པ་ལས་འགལ་ན་དེ་ནི་བསམ་གཏན་དང་། ཏིང་ངེ་འཛིན་ཐམས་ཅད་ལ་ལྡོངས་ཤིང་འཐོམ་པར་འགྱུར་ཏེ། གཞོལ་ཞིང་འཇུག་མི་ནུས་པ་དང་། ཉོན་མོངས་
D239.065.0144a01.01པ་མང་པོས་དཀྲིས་ཤིང་གླགས་ཏེ་ཐེག་པ་གསུམ་གྱི་ཆོས་ཀྱི་སྣོད་ཀྱང་མ་ཡིན་པས་ངན་སོང་དུ་ལྟུང་ཞིང་སྡུག་བསྔལ་ཆེན་པོ་མྱོང་བར་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་གིས་ངས་བསྟན་པའི་སོ་སོར་ཐར་པ་ལས་རྩ་བ་བཞི་མ་ཉམས་ཏེ། ཡོངས་སུ་དག་ན་ང་ཡང་
D239.065.0144a02.01དེའི་སྟོན་པ་ཡིན་ལ། དེ་ཡང་ངའི་ཉན་ཐོས་ཡིན་པས་ངའི་གསུང་གི་རྗེས་སུ་འབྲང་བ། ངའི་ཆོས་ལ་བདེ་བར་གནས་པ། བྱ་བ་ཐམས་ཅད་ཀྱི་མཐར་ཕྱིན་པ་ཡིན་པས་གང་ཟག་དེ་ནི་ཚུལ་ཁྲིམས་ཀྱི་ཕུང་པོ་ལ་ཤིན་ཏུ་གནས་པས་ན་དགེ་བའི་ཆོས་ཐམས་ཅད་ལ་ལེགས་པར་གནས་པ་
D239.065.0144a03.01ཡིན་ནོ། །ཉན་ཐོས་ཀྱི་ཐེག་པ་ཕུན་སུམ་ཚོགས་པ་ལ་གནས་པ་ཡིན་ནོ། །རང་སངས་རྒྱས་ཀྱི་ཐེག་པ་ཕུན་སུམ་ཚོགས་པ་ལ་གནས་པ་ཡིན་ནོ། །ཐེག་པ་ཆེན་པོ་ཕུན་སུམ་ཚོགས་པ་ལ་གནས་པ་ཡིན་ནོ། །དེ་ཅིའི་ཕྱིར་ཞེ་ན། གལ་ཏེ་རང་བཞིན་གྱི་སྡིག་པའི་རྩ་བ་རྣམ་པ་བཞི་
D239.065.0144a04.01པོ་དེ་བསྲུངས་ན། དེ་ནི་ཟག་པ་དང་བཅས་པ་དང་། ཟག་པ་མེད་པའི་དགེ་བའི་ཆོས་ཐམས་ཅད་ཀྱི་རྒྱུ་མཆོག་དམ་པ་རྣམ་པར་གཞག་པ་ཡིན་ནོ། །དེ་བས་ན་ཆོས་རྣམ་པ་འདི་བཞི་སྲུང་བ་ནི་དགེ་བའི་ཆོས་ཐམས་ཅད་ཀྱི་རྩ་བ་ཞེས་བྱའོ། །འདི་ལྟ་སྟེ་ས་ཆེན་པོ་ལ་བརྟེན་ནས་རྩི་ཤིང་དང་།
D239.065.0144a05.01ལོ་ཏོག་དང་། ཤིང་གེལ་པ་དང་། ནགས་ཚལ་ལ་སོགས་པ་ཐམས་ཅད་སྐྱེའོ། །དེ་བཞིན་དུ་ཚུལ་ཁྲིམས་ཀྱི་རྩ་བ་བཞི་པོ་འདི་སྲུང་བ་ལ་བརྟེན་ནས། དགེ་བའི་ཆོས་ཐམས་ཅད་འཕེལ་ཞིང་སྐྱེ་བར་འགྱུར་རོ། །འདི་ལྟ་སྟེ་ས་ཆེན་པོ་ལ་བརྟེན་ནས་རི་ཐམས་ཅད་དང་། རི་ཁོར་
D239.065.0144a06.01ཡུག་དང་། རི་ཁོར་ཡུག་ཆེན་པོ་དང་། རི་རབ་རིའི་རྒྱལ་པོ་ལ་སོགས་པ་ཐམས་ཅད་བདེ་བར་གནས་སོ། །དེ་བཞིན་དུ་ཚུལ་ཁྲིམས་ཀྱི་རྩ་བ་བཞི་པོ་སྲུང་བ་ལ་བརྟེན་ནས་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བླ་ན་མེད་པའི་ཐེག་པ་ཆེན་པོ་བདེ་བར་གནས་པར་འགྱུར་རོ། །འདི་ལྟ་སྟེ།
D239.065.0144a07.01