完整藏文原文 · 德格版页 当前仅加载第 65 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ལ། གཞན་ཡང་བྱེད་དུ་འཇུག་ཅིང་མཐོང་བ་དང་ཐོས་པའི་རྗེས་སུ་ཡི་རང་བ་ལས་བྱུང་བ་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་དང་། ཆོས་ཀྱི་སྒྲིབ་པ་དང་། ཆུང་མའི་སྒྲིབ་པས་བསྒྲིབས་པར་གྱུར་ཏོ། །འདི་ལྟར་འདོད་པས་ལོག་པར་གཡེམ་པ་
D239.065.0208a01.01ཡོངས་སུ་སྤངས་པའི་འཁོར་ལོས་ལྷག་མ་མ་ལུས་པར་བཅོམ་པས་རྣམ་པར་སྨིན་པའི་འབྲས་བུ་མི་ལེན་ཏེ། ལུས་འདི་ཉིད་ལ་ཡང་ལྷ་དང་མི་ལ་སོགས་པ་ཀུན་དགའ་ཞིང་ཡིད་དུ་འོང་བས་དོགས་པ་མི་སྐྱེ་བ་དང་། ལུས་དང་སེམས་རབ་ཏུ་བདེ་བ་དང་། ཆུང་མ་ལྷོད་པ་དང་
D239.065.0208a02.01བཅས་པ་མ་ཡིན་པར་འགྱུར་རོ། །འཆི་འཕོ་བའི་དུས་བྱེད་པ་ན་ཡང་ལུས་དང་སེམས་ལ་སྡུག་བསྔལ་གྱིས་མི་གདུངས་ཤིང་ཡིད་དུ་འོང་བའི་བུ་དང་། ཆུང་མ་དང་། འཁོར་ཐམས་ཅད་ཀྱིས་ཡོངས་སུ་བསྐོར་བས་འཆི་འཕོ་བའི་དུས་བྱེད་པར་འགྱུར་གྱི། ཤིན་ཏུ་འཇིགས་པའི་
D239.065.0208a03.01གཤིན་རྗེའི་ཕོ་ཉ་ནི་མཐོང་བར་མི་འགྱུར་རོ། །གཞན་ཡང་ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་ནམས་ཀྱི་ཞིང་ཡང་དག་པ་དང་ཕྲད་དེ། ལུས་དང་སེམས་རབ་ཏུ་དགའ་བ་དང་། དེ་ལ་བཀུར་སྟི་དང་བཅས་པས་
D239.065.0208a04.01དེ་ལ་ཤིན་ཏུ་དད་པ་སྐྱེ་བར་འགྱུར་རོ། །ཚེ་འཕོས་ནས་ཀྱང་ཕྱིར་མིའི་ནང་དུ་སྐྱེས་ཏེ། དབང་པོ་ཡོངས་སུ་རྫོགས་ཤིང་ཡན་ལག་དང་ལྡན་པ་དང་། གང་ནས་གང་དུ་སྐྱེས་པར་འཁོར་ཕུན་སུམ་ཚོགས་པ་དང་། བྱད་གཟུགས་བཟང་བ་དང་། ཡིད་གཞུངས་པ་དང་། རབ་ཏུ་
D239.065.0208a05.01བདེ་ཞིང་སྐྱིད་པ་དང་། ཕྱིར་ཡང་ཤིན་ཏུ་ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་ནམས་ཀྱི་ཞིང་ཡང་དག་པ་དང་ཕྲད་དེ། དེའི་རྗེས་སུ་སློབ་ཅིང་འདོད་པས་ལོག་པར་གཡེམ་པ་ཡོངས་སུ་སྤོང་བ་དང་། སྡིག་པ་
D239.065.0208a06.01མི་དགེ་བའི་ཆོས་ཐམས་ཅད་ཡོངས་སུ་སྤོང་བ་དང་། དགེ་བའི་ཆོས་ཁྱད་པར་ཅན་ཐམས་ཅད་ཡོངས་སུ་རྫོགས་པ་དང་། ཐེག་པ་ཆེན་པོའི་ཆོས་ཀྱི་རྣམ་གྲངས་ཐམས་ཅད་ཚོལ་བ་དང་། བྱང་ཆུབ་སེམས་དཔའི་སྨོན་ལམ་དང་སྤྱོད་པ་ཐམས་ཅད་ལ་རིམ་གྱིས་
D239.065.0208a07.01