完整藏文原文 · 德格版页 当前仅加载第 65 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བྱང་བ་དང་། སླན་ཆད་མི་བགྱིད་པར་རྗེས་སུ་གཟུང་དུ་གསོལ། བདག་ཅག་མ་འོངས་པ་ན་ངན་སོང་གི་སྡུག་བསྔལ་མྱོང་བར་འགྱུར་བ་ལས་བཅོམ་ལྡན་འདས་ཀྱི་ཐུགས་རྗེས་བསྐྱབ་ཏུ་གསོལ། བདག་ཅག་བཅོམ་ལྡན་འདས་ཀྱི་བྱིན་གྱི་རླབས་ཀྱི་མཐུས་མྱ་ངན་ལས་འདའ་བའི་
D239.065.0196a01.01བདེ་བ་མྱུར་དུ་ཐོབ་པ་དང་། གཞན་ཡང་ཏིང་ངེ་འཛིན་གྱི་སྒོའི་ཡོན་ཏན་གྱི་ཁྱད་པར་ཐོབ་པར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ཉན་ཐོས་དང་བྱང་ཆུབ་སེམས་དཔའི་འཁོར་དེ་དག་ལ་བཀའ་སྩལ་པ། ལེགས་སོ་ལེགས་སོ། །ཁྱེད་འདི་ལྟར་ཤིན་ཏུ་འཛེམ་པ་དང་བཅས་པས་སོ་སོར་
D239.065.0196a02.01བཤགས་པ་ལེགས་སོ། །ཡོངས་སུ་མ་ཉམས་པའི་སྐྱེས་བུ་དམ་པ་གཉིས་ཡོད་དེ། གཅིག་ནི་རང་བཞིན་གྱིས་རྣམ་པར་དག་ཅིང་། ཐོག་མ་ནས་ཉེས་པ་མི་བྱེད་པའོ། །གཅིག་ནི་ཉེས་པ་བྱས་སུ་ཟིན་ཀྱང་འཛེམ་པ་དང་བཅས་པས་སོ་སོར་འཆགས་པ་སྟེ། སྐྱེས་བུ་འདི་གཉིས་ནི་ངའི་
D239.065.0196a03.01བསྟན་པ་ལ་ཤིན་ཏུ་འདུན་པ་རྣམ་པར་དག་པ་ཞེས་བྱའོ། །རིགས་ཀྱི་བུ་འདི་ལྟར་སངས་རྒྱས་ཀྱི་བསྟན་པ་ལ་རབ་ཏུ་བྱུང་བའི་ཉེ་གནས་ལ་གནོད་པ་བྱས་པའི་སྡིག་པའི་གནན་གོང་དུ་བཤད་པའི་མཚམས་མེད་པ་དང་། ཉེ་བའི་སྡིག་པ་ནི་མིང་ཙམ་དུ་ཟད་དེ། སྡིག་པ་ཞེས་ཀྱང་མི་བྱའོ། །
D239.065.0196a04.01སངས་རྒྱས་ཀྱི་ཉེ་གནས་རབ་ཏུ་བྱུང་བ་ལ་གནོད་པ་བྱས་ན་དེའི་སྡིག་པ་ནི་གོང་དུ་བཤད་པའི་མཚམས་མེད་པ་ལྔའི་སྡིག་པ་ལས་ཚད་མེད་གྲངས་མེད་པས་ལྷག་པར་ཆེའོ། །དེ་ཅིའི་ཕྱིར་ཞེ་ན། དགེ་སློང་གང་ཚུལ་ཁྲིམས་ཉམས་ཏེ་སྡིག་པ་བྱེད་ཀྱང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཚད་མེད་
D239.065.0196a05.01པ་སྙེད་ལ་མྱ་ངན་ལས་འདའ་བ་ཕྱིན་ཅི་མ་ལོག་པའི་ལམ་སྟོན་ནུས་སོ། །སེམས་ཅན་མང་པོ་ལ་ཡོན་ཏན་ཆེན་པོའི་རིན་པོ་ཆེའི་གཏེར་དུ་འགྱུར་བ་ནས་དེ་བཞིན་དུ་ཇི་ལྟར་རྒྱས་པར་བཤད་པ་བཞིན་ནོ། །ཚུལ་ཁྲིམས་སྲུང་ཞིང་དགེ་བའི་ཆོས་སྤྱོད་པ་ལྟ་ཅི་སྨོས། དེ་བས་ན་གང་གིས་
D239.065.0196a06.01སངས་རྒྱས་ཀྱི་བསྟན་པ་ལ་རབ་ཏུ་བྱུང་བའི་སློབ་མ་ལ་འཚེ་བ་དང་། གནོད་པ་བྱས་ན་དེ་ནི་དཀོན་མཆོག་གསུམ་གྱི་གདུང་གཅོད་པ་ཡིན་པར་ཤེས་པར་བྱའོ། །དེ་ནི་སེམས་ཅན་ཐམས་ཅད་ཀྱི་ཆོས་ཀྱི་མིག་བཅར་བ་ཡིན་ནོ། །དེ་ནི་ངས་སྔོན་ཤིན་ཏུ་དཀའ་བ་སྤྱད་ནས་རྙེད་པའི་དམ་པའི་ཆོས་
D239.065.0196a07.01