完整藏文原文 · 德格版页 当前仅加载第 65 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཆོས་བཞིན་དུ་བསྟན་ཅིང་བཅོས་ཀྱང་ཉན་དུ་མི་བཏུབ་པའི་དགེ་སློང་དེ་ལ་ཇི་ལྟར་ཆད་པས་གཅད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གནས་བརྟན་སྡེ་སྣོད་གསུམ་འཛིན་པས་དགེ་འདུན་ལ་དད་པ་དྲིས་ཏེ། རྒྱལ་པོ་དང་། བློན་པོ་ཆེན་པོ་ལ་
D239.065.0146b01.01མཐུ་བཙལ་བའི་ཕོ་ཉ་ཐོང་ལ་གདོད་ཆོས་བཞིན་དུ་ཆད་པས་ཆོད་ཅིག །ཨུ་པ་ལིས་ཡང་གསོལ་པ། བཅོམ་ལྡན་འདས་གལ་ཏེ་སྡིག་པ་བགྱིད་པའི་དགེ་སློང་དེ་ནོར་དབྱིག་གི་མཐུ་དང་། མང་དུ་ཐོས་པའི་མཐུ་དང་། སྨྲ་བཤགས་ཀྱི་མཐུ་དང་། ཐབས་རྣམ་པ་སྣ་ཚོགས་
D239.065.0146b02.01ཀྱིས་རྒྱལ་པོ་དང་། བློན་པོ་ཡང་དགའ་བར་བགྱིས་ཏེ། ཐམས་ཅད་ཆོས་མ་ལགས་པ་བགྱིད་པ། ཚུལ་ཁྲིམས་ཉམས་པའི་དགེ་སློང་གི་གྲོགས་བགྱིད་དེ། ཚུལ་ཁྲིམས་ངན་པ་ཙམ་གྱི་དགེ་སློང་དེ་དག་སྡིག་པ་ཉམ་རངས་སུ་བགྱིད་དུ་སྩལ་ནས། ཆོས་བཞིན་དུ་
D239.065.0146b03.01ཆད་པས་གཅད་དུ་ཡང་མི་སྟེར་ན། དེའི་ཚེ་དེ་ལ་དགེ་འདུན་གྱིས་ཇི་ལྟར་བགྱི། བཅོམ་ལྡན་འདས་ཀྱིས་ཨུ་པ་ལི་ལ་བཀའ་སྩལ་པ། གལ་ཏེ་དགེ་སློང་དེ་མི་གནས་པ་དང་མི་བྱ་བ་ལ་བརྟེན་ཏེ། དགེ་འདུན་གྱི་ནང་དུ་གནས་ནས་སྡིག་པ་ཆེན་པོ་མངོན་སུམ་དུ་མི་སྣང་ན།
D239.065.0146b04.01དེའི་ཚེ་དགེ་འདུན་གྱིས་སྐད་ཅིག་གཞག་གོ། །གལ་ཏེ་དགེ་སློང་དེ་མི་གནས་པ་དང་མི་བྱ་བའི་སྡིག་པ་ཆེན་པོ་མངོན་སུམ་དུ་སྣང་བཞིན་དུ་དགེ་འདུན་གྱི་ནང་ན་གནས་ན། དེའི་ཚེ་དགེ་འདུན་དག་དད་པ་དྲིས་ཏེ། ཆོས་བཞིན་དུ་བསྐྲད་དེ་སངས་རྒྱས་ཀྱི་ཆོས་ལས་ཕྱིར་དབྱུང་ངོ་། །
D239.065.0146b05.01ཨུ་པ་ལི་འདི་ལྟ་སྟེ། ནས་ཀྱི་ཞིང་གི་ནང་ན་ནས་ལ་གནོད་པ་སྐྱེས་པ་ཡང་མྱུ་གུ་དང་། སྡོང་བུ་དང་། ཚིགས་ནས་དང་འདྲ་ཡང་། ནས་བཟང་པོ་སྨེ་བར་བྱེད་དེ། ནས་ལ་གནོད་པ་དེ་སྙེ་མ་མ་བྱུང་བ་ན་ནས་ཀྱི་བདག་པོས་སྐད་ཅིག་འཇོག་གོ། །སྙེ་མ་བྱུང་མ་ཐག་པ་ན་ནས་ཀྱི་
D239.065.0146b06.01བདག་པོས་ནས་བཟང་པོ་སྨེ་བར་བྱེད་དོ་སྙམ་བསམས་ནས་རྩ་ཐོན་དུ་ཕྱུང་སྟེ་ཞིང་དེའི་ཕྱི་རོལ་དུ་འདོར་རོ། །དེ་བཞིན་དུ་མི་གནས་པ་དང་། མི་བྱ་བའི་དགེ་སློང་ཚུལ་ཁྲིམས་ཉམས་པ་དེ་ཁྱིམ་པ་དང་མཐུ་རྣམ་པ་མང་པོ་སྙེམས་ཏེ། དགེ་འདུན་གྱི་ནང་ན་གནས་པ་སྤྱོད་
D239.065.0146b07.01