完整藏文原文 · 德格版页 当前仅加载第 65 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
རང་བྱང་ཆུབ། །དེ་ཡང་བྱང་ཆུབ་མཆོག་གི་སྣོད་མ་ཡིན། །ལ་ལ་ཡེ་ཤེས་མཆོག་ལ་བཀོད་འོས་པ། །དེ་བས་མོས་པ་བཞིན་དུ་ཐེག་གསུམ་ཤོད། །སྦྱངས་པའི་ཡོན་ཏན་ཙམ་གྱིས་གྲོལ་འདོད་པ། །ཐེག་ཆེན་བཤད་པ་ཐོས་ན་ངན་སོང་ལྟུང་། །བད་ཀན་ནད་ལ་འོ་མ་འཐུང་བཅུག་
D239.065.0191b01.01བཞིན། །དེ་ཕྱིར་དུག་ཏུ་འགྱུར་གྱི་ནད་མི་སེལ། །དེ་བཞིན་སྣོད་མིན་ཉན་ཐོས་ཐེག་པ་དག །ཐེག་ཆེན་བཤད་པ་ཐོས་ན་རྨོངས་འགྱུར་ཞིང་། །ཆད་པར་སྨྲ་ལ་ངན་སོང་ལྟུང་འགྱུར་བས། །དེ་བས་དབང་པོ་བརྟགས་ཏེ་ཆོས་བསྟན་ཏོ། །ཤིན་ཏུ་རྒྱས་པ་ཆེན་པོའི་མདོ་སའི་སྙིང་པོའི་
D239.065.0191b02.01འཁོར་ལོ་བཅུ་པ་ཞེས་བྱ་བ་ལས་གནས་པ་དང་སྤྱད་པའི་ལེའུ་སྟེ་བཞི་པའོ།། །།དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་དེ་དག་གསུངས་པ་ན་འཁོར་གྱི་དཀྱིལ་འཁོར་དེའི་ནང་ན་སེམས་ཅན་ཚད་མེད་པ་བརྒྱ་སྟོང་སྙེད་སྔོན་ཆོས་ཐོས་པ་ལས་ཡིད་
D239.065.0191b03.01གོལ་ཏེ་སྟོང་པ་ཡིན་པར་གོ་ནས་རྒྱུ་དང་འབྲས་བུ་མེད་པར་ལྟ་ཞིང་དགེ་བའི་རྩ་བ་ཡོངས་སུ་བཅད་ནས་ངན་སོང་དུ་ལྟུང་བར་འགྱུར་བ་དག་མདོ་སྡེ་འདི་བཤད་པ་ཐོས་ནས་ཕྱིར་ཡང་ཡང་དག་པའི་ལྟ་བ་དང་ལྡན་པར་གྱུར་ཏོ། །དེ་ནས་དེ་དག་འདུག་པ་ལས་ལངས་ཏེ། བཅོམ་ལྡན་འདས་ཀྱི་སྤྱན་སྔར་
D239.065.0191b04.01ཤིན་ཏུ་འཛེམ་པ་བསྐྱེད་དེ། སོ་སོར་བཤགས་པ་བྱ་བའི་ཕྱིར་ཐལ་མོ་སྦྱར་བ་བཏུད་དེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་སྔོན་ཉན་ཐོས་ཀྱི་ཐེག་པའི་རིགས་སུ་དགེ་བའི་རྩ་བ་བསྐྱེད་པ་ལས་ཉན་ཐོས་ཀྱི་ཐེག་
D239.065.0191b05.01པ་དེ་ཡང་ཡོངས་སུ་མ་སྨིན་པར་རང་སངས་རྒྱས་ཀྱི་ཐེག་པའི་ཆོས་ཐོས་སོ། །དེ་ལའང་རྨོངས་ཤིང་མངོན་དུ་མ་གྱུར་པས་སྟོང་པར་ལྟ་ཞིང་རྒྱུ་དང་འབྲས་བུ་ཡང་མེད་པར་འཛིན་ཏོ། །དེའི་རྒྱུ་དེའི་རྐྱེན་གྱིས་ལུས་དང་། ངག་དང་། ཡིད་ཀྱི་སྒོ་ནས་སྡིག་པ་མི་དགེ་བའི་ལས་ཚད་མེད་པ་བགྱིས་
D239.065.0191b06.01པས་ངན་སོང་དག་ཏུ་ལྟུང་བར་འགྱུར་བ་ལས་དེང་བཅོམ་ལྡན་འདས་ཀྱི་སྤྱན་སྔར་མདོ་སྡེ་འདི་བཤད་པ་ཐོས་ནས་སླར་ཡང་ཡང་དག་པའི་ལྟ་བ་རྙེད་དེ་ཤིན་ཏུ་འཛེམ་པ་དང་། ངོ་ཚ་བའི་སེམས་ཀྱིས་སོ་སོར་བཤགས་ཏེ་མ་བཅབས་པས་དེ་དག་ཡོངས་སུ་བྱང་བར་གྱུར་ཅིག །དེང་སླན་ཆད་ཇི་སྙེད་སྒྲིབ་
D239.065.0191b07.01