完整藏文原文 · 德格版页 当前仅加载第 65 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
མང་པོ་ཀུན་ལ་ཡེ་ཤེས་ནམ་མཁའ་བཞིན། །དཔག་ཏུ་མེད་པའི་སངས་རྒྱས་ཞིང་རྣམས་ཀྱི། །སྐྱེ་བོ་མང་པོའི་མུན་པའི་ཚོགས་ཀྱང་བཅོམ། །ཞིང་རྣམས་ཇི་བཞིན་ཏིང་འཛིན་དེར་འཇུག་ཅིང་། །བསམ་གཏན་བཞི་པོ་ལ་ཡང་རྒྱུན་དུ་འཇུག །ཏིང་ངེ་འཛིན་དུ་ཞུགས་ནས་སེམས་ཅན་
D239.065.0117b01.01གྱི། །ཉོན་མོངས་པ་ཡི་གདུང་བ་རབ་ཏུ་སེལ། །སོ་སོའི་སྐྱེ་བོ་སྔོན་གྱི་སྡིག་པའི་ལས། །མཚོན་དང་ནད་དང་མུ་གེས་འཇིགས་པ་དང་། །རྣམ་པ་མང་པོས་འཚེ་ཞིང་གསོད་གྱུར་པ། །དེ་དག་ཀུན་ནས་རྣམ་པར་གྲོལ་བར་བྱེད། །སེམས་ཅན་ཉེ་བར་ལེན་པའི་ཕུང་པོ་ལྔ། །སྡུག་བསྔལ་
D239.065.0117b02.01མང་པོས་འཚེ་ཞིང་གདུངས་གྱུར་པ། །ས་ཡི་སྙིང་པོ་དེ་ལ་སྐྱབས་གསོལ་ན། །སྲིད་པའི་སྡུག་བསྔལ་ཐམས་ཅད་ཞི་བར་འགྱུར། །སེམས་ཅན་སྡུག་བསྔལ་འཁོར་ལོ་རབ་བསྐོར་ཏེ། །གཅིག་གིས་གཅིག་ལ་འཚེ་ཞིང་གནོད་གྱུར་པ། །ས་ཡི་སྙིང་པོ་དེ་ལ་སྐྱབས་གསོལ་ན། །བཟོད་
D239.065.0117b03.01ཅིང་བྱམས་པའི་སེམས་ལ་གནས་པར་འགྱུར། །བཅུ་གསུམ་རྐྱེན་གྱིས་རབ་འཇིགས་སྐྲག་བྱེད་ཅིང་། །ཚོལ་བ་མི་རྙེད་རྐྱེན་གྱིས་སྡུག་པ་དག །ས་ཡི་སྙིང་པོ་དེ་ལ་སྐྱབས་གསོལ་ན། །འཇིགས་པ་མེད་ལ་བདེ་བར་གནས་པར་འགྱུར། །བསོད་ནམས་བྱེད་ལ་མོས་ཤིང་དྲན་པ་དང་། །
D239.065.0117b04.01ཚུལ་ཁྲིམས་མང་ཐོས་ཤེས་རབ་འདོད་པ་དག །ས་ཡི་སྙིང་པོ་དེ་ལ་སྐྱབས་གསོལ་ན། །རེ་བ་བཞིན་དུ་ཐམས་ཅད་རྫོགས་པར་འགྱུར། །ཡོན་ཏན་སོ་སོར་སྨོས་པའི་བཟོད་རྩལ་དང་། །སྨན་དང་ས་བོན་ཚོགས་ལ་མོས་པ་དག །ས་ཡི་སྙིང་པོ་དེ་ལ་སྐྱབས་གསོལ་ན། །རེ་བ་
D239.065.0117b05.01ཀུན་དང་ལྡན་ཞིང་རྫོགས་པར་འགྱུར། །ལོ་ཐོག་རྩི་ཤིང་ལེགས་པར་འདོད་པ་དང་། །ཁྱེའུ་དང་བུ་མོ་གོས་དང་བྲན་ཁོལ་ཕྱིར། །ས་ཡི་སྙིང་པོ་དེ་ལ་སྐྱབས་གསོལ་ན། །རེ་བ་བཞིན་དུ་ཐམས་ཅད་རྫོགས་པར་འགྱུར། །ཡོན་ཏན་མང་པོ་ཀུན་དང་ལྡན་པས་ན། །ས་ཆེན་འདི་ཡང་
D239.065.0117b06.01མི་གཏོང་རབ་ཏུ་འཛིན། །དེ་ཡི་རྐྱེན་གྱིས་སྨན་དང་ལོ་ཐོག་རྣམས། །སྣུམ་ཞིང་འཇམ་ལ་རོ་དང་ལྡན་པར་འགྱུར། །ཉོན་མོངས་མང་པོས་བསྒྲིབས་པར་གྱུར་ནས་སུ། །མི་དགེ་བཅུ་ཡི་ལས་ལ་མོས་པ་དག །ས་ཡི་སྙིང་པོ་དེ་ལ་སྐྱབས་གསོལ་ན། །མི་དགེ་ཉོན་མོངས་ཐམས་ཅད་
D239.065.0117b07.01