完整藏文原文 · 德格版页 当前仅加载第 65 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གདུགས་ལ་སོགས་པ་ཕུལ་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་མཆོད་པ་བྱས་ནས་འདི་སྐད་ཅེས་སྨྲས་སོ། །བདག་ཅག་གིས་རྙེད་པ་རབ་ཏུ་རྙེད་དོ། །བཅོམ་ལྡན་འདས་ཀྱི་བྱིན་གྱི་རླབས་ཀྱིས་མངོན་སུམ་དུ་སྐྱེས་བུ་ཆེན་པོ་ཁྱོད་མཐོང་ནས་
D239.065.0105b01.01བསྟི་སྟང་དང་བཅས་ཏེ་མཆོད་པ་བྱས་པར་གྱུར་ཏོ་ཞེས་སྨྲའོ། །དེ་ནས་འཁོར་གྱི་དཀྱིལ་འཁོར་དེའི་ནང་ན་བྱང་ཆུབ་སེམས་དཔའ་སེམས་དཔའ་ཆེན་པོ་རིགས་པར་ཐེ་ཙོམ་འདྲི་ཞེས་བྱ་བ་ཞིག་འདུག་པ་སྟན་ལས་ལངས་ནས་གོས་ཚགས་བཅོས་ཏེ་ཕྲག་པ་གཡས་པ་ཕྱུང་ནས། བཅོམ་
D239.065.0105b02.01ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འདི་གང་ནས་མཆིས། གནས་པའི་
D239.065.0105b03.01སངས་རྒྱས་ཀྱི་ཞིང་འདི་ནས་ཇི་སྲིད་ཅིག་ན་མཆིས། ཡོན་ཏན་དང་དགེ་བའི་རྩ་བ་ཇི་ཙམ་ཞིག་དང་ལྡན་ན་བཅོམ་ལྡན་འདས་ཀྱིས་བསྟོད་པ་རྣམ་པ་སྣ་ཚོགས་ཀྱིས་བསྔགས་ལ་ཕྱིར་ཡང་བཅོམ་ལྡན་འདས་ཀྱི་ཡོན་ཏན་གྱི་རྒྱ་མཚོ་བསམ་གྱིས་མི་ཁྱབ་པ་ལ་མངོན་པར་བསྟོད་
D239.065.0105b04.01པར་གྱུར། བདག་ཅག་གིས་སྔོན་མ་མཐོང་བས་ངོ་མཚར་དུ་གྱུར་ན་བཅོམ་ལྡན་འདས་ཀྱིས་བདག་ཅག་ལ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཐོང་ཤིག །སྐྱེས་བུ་ཆེན་པོ་འདིའི་ཡོན་ཏན་དང་དགེ་བའི་རྩ་བ་ཇི་ཙམ་པ་དེ་འཇིག་རྟེན་དུ་
D239.065.0105b05.01བཅས་པ་ལྷ་དང་མིའི་འཁོར་ཐམས་ཅད་ཀྱིས་རྟོགས་པར་ནུས་པ་མ་ཡིན་ནོ། །གལ་ཏེ་དེ་བཞིན་གཤེགས་པས་སྐྱེས་བུ་ཆེན་པོ་དེའི་ཡོན་ཏན་དང་དགེ་བའི་རྩ་བ་རྒྱས་པར་བཤད་ན་འཇིག་རྟེན་དུ་བཅས་པ་ལྷ་དང་མི་ཐམས་ཅད་ཀྱི་མགོ་རྨོངས་ཏེ་ཡིད་མི་ཆེས་པར་འགྱུར་རོ། །དེ་ནས་
D239.065.0105b06.01བྱང་ཆུབ་སེམས་དཔའ་རིགས་པར་ཐེ་ཙོམ་འདྲི་བས་ཡང་། གསོལ་པ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལེགས་པར་ཤིན་ཏུ་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་ཕྱོགས་ཙམ་
D239.065.0105b07.01