完整藏文原文 · 德格版页 当前仅加载第 65 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱལ་པོའི་བྱ་བ་སྒྲུབ་པ་དང་། རྒྱལ་པོའི་ལས་བྱེད་པ་དང་། རྒྱལ་ཚབ་བྱེད་པ་དང་། རྒྱལ་ཐབས་ཐོབ་ནས་དབང་དུ་གྱུར་ཏེ། བདེ་བའི་ལོངས་སྤྱོད་ཆེན་པོ་མྱོང་བ་དང་། གྲགས་པ་ཆེན་པོས་ཕྱོགས་ཀུན་དུ་གྲགས་པ་དང་། དངོས་པོ་དེ་དག་ལ་སོགས་
D239.065.0131a01.01པ་བསམས་ཏེ་དྲན་ནས། རྒྱལ་པོ་སྔ་མའི་ཆོས་ལུགས་ཡང་དག་པ་རྣམ་པར་བཞག་ནས་དེ་ན་གནས་པའི་སེམས་ཅན་ཐམས་ཅད་ལ་འཚོ་སྐྱོང་སྟེ། བདག་གི་སྲིད་འཛིན་ཅིང་ཕ་རོལ་མི་འཚེའོ། །རིགས་ཀྱི་བུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་
D239.065.0131a02.01ཆེན་པོ་དེ་ལྟར་རྒྱལ་པོའི་འཁོར་ལོ་བརྒྱད་པ་འདི་དང་ལྡན་ཏེ། འཁོར་ལོ་དེའི་དབང་གིས་བདག་གི་ཡུལ་རབ་ཏུ་བདེ་ཞིང་སྐྱིད་པ་དང་། ཕས་རྒོལ་བའི་དགྲ་དང་གྲོགས་པོ་ངན་པ་ཐམས་ཅད་བཏུལ་ཏེ། ལུས་བསྲུང་བའི་ནན་ཏན་ལ་མཁས་པས་ཚེ་ཡང་རིང་བར་འགྱུར་རོ། །རིགས་
D239.065.0131a03.01ཀྱི་བུ་དེ་ལྟར་དེ་བཞིན་དུ་དེ་བཞིན་གཤེགས་པ་ཡང་འཁོར་གྱི་དཀྱིལ་འཁོར་ན་བཞུགས་པའི་ཚེ་བདག་དང་ཕ་རོལ་པོ་གཞན་གྱི་སྔོན་གྱི་སྐྱེ་བ་ཚད་མེད་པ་སྙེད་ན་ཅི་བྱས་པའི་དངོས་པོ་ཀུན་དགོངས་སོ། །འདི་ལྟ་སྟེ། སྐྱེ་བ་གཅིག་དང་། སྐྱེ་བ་གཉིས་དང་། སྐྱེ་བ་གསུམ་ནས་སྐྱེ་བ་
D239.065.0131a04.01ཚད་མེད་པ་བརྒྱ་སྟོང་གི་བར་གྱི་ཅི་བྱས་པའི་དངོས་པོ་ཀུན་དགོངས་སོ། །དེ་བཞིན་དུ་བསྐལ་པ་འགྲུབ་པ་དགོངས་པ་ནས་བསྐལ་པ་འཇིག་པ་ཡང་དགོངས་སོ། །བསྐལ་པ་ཚད་མེད་པ་འགྲུབ་པ་དང་། བསྐལ་པ་ཚད་མེད་པ་འཇིག་པའི་བར་དུ་ཐམས་ཅད་དགོངས་ཏེ། འདི་ནི་སྔོན་
D239.065.0131a05.01འདས་པའི་དུས་ན་ཆེ་གེ་མོ་ཞིག་ན་འདུག་འདུག་སྟེ་རིགས་ནི་འདི་ཞེས་བྱའོ། །མིང་ནི་འདི་ཞེས་བྱའོ། །རུས་ནི་འདི་ཞེས་བྱའོ། །ཁ་ཟས་ནི་འདི་ཟ་ཟའོ། །བདེ་བ་དང་སྡུག་བསྔལ་ཡང་འདི་དག་མྱོང་ངོ་། །ཚེ་ནི་འདི་སྙེད་ཅིག་གོ། །འདི་སྙེད་ཀྱི་བར་དུ་འདུག་འདུག་གོ། །ཚེའི་
D239.065.0131a06.01མཐར་ཐུག་པ་ན་ཆེ་གེ་མོ་ཞིག་ཏུ་ཚེ་འཕོས་ནས་འདི་དག་ཏུ་སྐྱེས་སོ། །འདི་དག་ཏུ་ཚེ་འཕོས་ནས་ཆེ་གེ་མོ་ཞིག་ཏུ་སྐྱེས་པ་ལ་སོགས་པ་དངོས་པོ་ཚད་མེད་དཔག་ཏུ་མེད་པ་ཀུན་དགོངས་པས་སེམས་ཅན་གྱི་དབང་པོ་སོ་སོ་ཇི་ལྟ་བ་བཞིན་དུ་དམ་པའི་ཆོས་སྟོན་ཏེ། ཕན་པ་དང་
D239.065.0131a07.01