完整藏文原文 · 德格版页 当前仅加载第 65 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ནས་ཤ་ཟའི་དབང་པོ་འཁོར་དང་བཅས་པ་ཐམས་ཅད་ཀྱི་བར་དུ་འདུག་པ་ལས་ལངས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་ཐལ་མོ་སྦྱར་ནས་བསྟི་སྟང་དང་བཅས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
D239.065.0164a01.01མ་མཆིས་པའི་དུས་ལྔ་བརྒྱའི་ཐ་མ་ལ་སངས་རྒྱས་ཀྱི་ཞིང་འདིར་དམ་པའི་ཆོས་རབ་ཏུ་རྣམ་པར་འཇིག་ཏུ་ཉེ་བ་ན། གལ་ཏེ་རྒྱལ་རིགས་དགེ་བ་ནས་བྲམ་ཟེ་དགེ་བའི་བར་དུ་གང་སྡིག་པའི་འཁོར་ལོ་བཅུ་པོ་བདག་ཀྱང་ཡོངས་སུ་སྤངས་ལ་གཞན་ཡང་ཡོངས་སུ་སྤོངས་ཤིག་པར་གྲོས་འདེབས་པ་
D239.065.0164a02.01དང་། བདག་དང་གཞན་སྲུང་བ་ལ་མཁས་པ། འཇིག་རྟེན་སླད་མའི་བག་བགྱིད་པ་ལ་མཁས་པ། དམ་པའི་ཆོས་སྲུང་བ། དཀོན་མཆོག་གསུམ་གྱི་གདུང་འཚོབ་ཅིང་རྒྱུན་མི་འཆད་པར་རྒྱས་པར་བགྱིད་པ་ནས། མདོར་ན་བཅོམ་ལྡན་འདས་ཀྱིས་གསུངས་པ་ལྟར་གང་ཟག་དེ་དག་
D239.065.0164a03.01ལ་སོགས་པ་ཐེག་པ་གསུམ་གྱི་ཆོས་ལ་བསྟི་སྟང་དང་བཅས་པས་ཉན་ཅིང་འཛིན་ཏེ། ནམ་དུ་ཡང་མི་འཆབ་པ་དང་། ཐེག་པ་གསུམ་ལ་གནས་པའི་གང་ཟག་ལ་ཤིན་ཏུ་སྲུང་ཞིང་མཆོད་པ་བགྱིད་དེ་གནོད་པ་མི་བགྱིད་པ་དང་། དཀོན་མཆོག་གསུམ་གྱི་ནོར་རྫས་ལ་ཤིན་ཏུ་སྲུང་ཞིང་གོད་
D239.065.0164a04.01པར་མི་བགྱིད་པའི་རྒྱལ་རིགས་དགེ་བ་ནས་བྲམ་ཟེ་དགེ་བའི་བར་དུ་དེ་དག་ལ་བདག་ཅག་འཁོར་དང་བཅས་པས་བསྲུང་བ་དང་། བསྐྱབ་པ་དང་། ཆོས་རྣམ་པ་འདི་བཅུ་ཡང་སྐྱེ་ཞིང་འཕེལ་བར་བགྱིའོ། །བཅུ་གང་ཞེ་ན་ཚེ་རིང་བར་འགྱུར་བ་དང་། བགེགས་མེད་པ་སྐྱེ་ཞིང་འཕེལ་བ་དང་།
D239.065.0164a05.01ནད་མེད་པ་སྐྱེ་ཞིང་འཕེལ་བ་དང་། འཁོར་སྐྱེ་ཞིང་འཕེལ་བ་དང་། ནོར་དང་རིན་པོ་ཆེ་སྐྱེ་ཞིང་འཕེལ་བ་དང་། འཚོ་བའི་ཡོ་བྱད་སྐྱེ་ཞིང་འཕེལ་བ་དང་། གོ་འཕང་སྐྱེ་ཞིང་འཕེལ་བ་དང་། གྲགས་པ་སྐྱེ་ཞིང་འཕེལ་བ་དང་། དགེ་བའི་གྲོགས་པོ་སྐྱེ་ཞིང་འཕེལ་བ་དང་། ཤེས་རབ་
D239.065.0164a06.01སྐྱེ་ཞིང་འཕེལ་བ་སྟེ། བཙུན་པ་བཅོམ་ལྡན་འདས་གལ་ཏེ་རྒྱལ་རིགས་དགེ་བ་དང་བྲམ་ཟེ་དགེ་བའི་བར་དུ་སྡིག་པའི་འཁོར་ལོ་རྣམ་པ་བཅུ་པོ་ཡོངས་སུ་སྤོང་ཞིང་ཕ་རོལ་པོ་གཞན་ཡང་སྤོང་བར་གྲོས་འདེབས་ལ། ཡོན་ཏན་སྔར་སྨོས་པ་དང་ལྡན་ན་བདག་ཀྱང་སྲུང་ཞིང་སྐྱོབ་པ་དང་ཆོས་
D239.065.0164a07.01