完整藏文原文 · 德格版页 当前仅加载第 65 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སྦྱོང་གི་བདག་པོར་མ་གྱུར་ཅིག །སློབ་དཔོན་དང་བླ་མར་མ་གྱུར་ཅིག །ཁྱིམ་པའི་ལུས་སུ་མ་གྱུར་ཅིག །ཞལ་ཆེ་གཅོད་པའི་དབང་པོར་མ་གྱུར་ཅིག །ཕྱུག་པ་དང་བཙན་པའི་བདག་པོར་མ་གྱུར་ཅིག །བདག་ཅག་ཆོས་ཀྱི་བཟོད་པ་མ་ཐོབ་པར་དེ་ལྟ་བུའི་གནས་སུ་སྐྱེས་ན་དེ་ཉིད་སངས་
D239.065.0198b01.01རྒྱས་ཀྱི་བསྟན་པ་ལ་མི་དགེ་བའི་རྒྱུར་འགྱུར་བ་ཞེས་བྱ་སྟེ། ཁ་ན་མ་ཐོ་བའི་སྡིག་པ་ཆེན་པོ་བྱེད་པས། བཅོམ་ལྡན་འདས་ཀྱིས་གསུངས་པའི་དམ་པའི་ཆོས་ལ་འཕྱ་ཞིང་སྐུར་པ་ཞེས་བགྱིའོ། །སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་ལ་འཚེ་ཞིང་གནོད་པ་བགྱིད་པའོ། །སེམས་ཅན་མང་
D239.065.0198b02.01པོའི་ཆོས་ཀྱི་མིག་འབྱིན་པའོ། །དཀོན་མཆོག་གསུམ་གྱི་གདུང་རྒྱུན་གཅོད་པའོ། །སེམས་ཅན་ཚད་མེད་པ་ལ་གནོད་པ་དང་འཚེ་བ་བགྱིད་པའོ། །དེའི་དབང་གིས་གདོན་མི་འཚལ་བར་མཚམས་མེད་པའི་སེམས་ཅན་དམྱལ་བར་ལྟུང་སྟེ། ངན་སོང་དུ་འཁོར་བ་ལས་ཐར་པའི་དུས་མ་
D239.065.0198b03.01མཆིས་སོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་སྨོན་ལམ་འདི་དག་བྱིན་གྱིས་བརླབ་པར་གསོལ། དེའི་ཚེ་འཁོར་གྱི་དཀྱིལ་འཁོར་དེར་འདུས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་དང་། མི་མ་ཡིན་ལ་སོགས་པ་ཐམས་ཅད་སྟན་ལས་ལངས་ཏེ།
D239.065.0198b04.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་མཆི་མ་བླགས་ཏེ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་ཐོག་མ་མ་མཆིས་པ་ནས་འཁོར་བར་འཁོར་ཞིང་གླེན་པ་དང་། མི་ཤེས་པ་དང་། ང་རྒྱལ་གྱི་
D239.065.0198b05.01དབང་གིས་མི་དགེ་བའི་ལས་ཐམས་ཅད་བསྐྱེད་དེ། ལུས་ཀྱི་ལས་མི་དགེ་བ་དང་། ངག་གི་ལས་མི་དགེ་བ་དང་། ཡིད་ཀྱི་ལས་མི་དགེ་བ་བདག་གིས་བགྱིས་པ་དང་། གཞན་བགྱིད་དུ་སྩལ་བ་དང་། མཐོང་བ་དང་ཐོས་པ་ལ་རྗེས་སུ་ཡི་རང་བའི་སྡིག་པ་དེ་དག་ཐམས་ཅད་དེང་བཅོམ་
D239.065.0198b06.01ལྡན་འདས་ཀྱི་སྤྱན་སྔར་ཤིན་ཏུ་འཛེམ་པ་དང་། མི་འཆབ་པའི་སེམས་ཀྱིས་སོ་སོར་བཤགས་པས་སླན་ཆད་མི་བགྱིད་པར་ཡོངས་སུ་བསྲུང་བ་དང་། མ་མཆིས་པའི་དུས་ཀྱི་སྒྲིབ་པར་འགྱུར་བའི་སྡིག་པ་བྱང་བར་གྱུར་ཅིག །དེ་བཞིན་དུ་ལན་ཅིག །ལན་གཉིས། ལན་གསུམ་གྱི་བར་
D239.065.0198b07.01