完整藏文原文 · 德格版页 当前仅加载第 65 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་དང་། བྱང་ཆུབ་སེམས་དཔའི་ཐུགས་རྗེའི་མཐུས་ཡོངས་སུ་བཟུང་བའི་སློབ་མ་རྣམས་ལ་སྨོད་པ་དང་། སྨ་འབེབས་པ་དང་། ནན་གྱིས་ཆད་པས་གཅོད་པ་ལ་སོགས་པ་བྱེད་པའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་
D239.065.0177a01.01ཀྱིས་ཐུགས་རྗེ་ཆེན་པོའི་ཤུགས་ཀྱིས་ཡོངས་སུ་བཟུང་བའི་ཆོས་ཤིན་ཏུ་ཟབ་མོ་ལ་ཡང་འཕྱ་ཞིང་སྐུར་ཏེ་མ་རུང་བར་བྱེད་དོ། །དུས་གསུམ་གྱི་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་ཐམས་ཅད་ཀྱིས་ཡོངས་སུ་བཟུང་བའི་ཐེག་པ་རྣམ་པ་གསུམ་
D239.065.0177a02.01གྱི་དམ་པའི་ཆོས་ཀྱི་བར་ཆད་དང་བགེགས་བྱེད་དེ་ཡོངས་སུ་རྒྱས་པར་མི་བྱེད་དོ། །དེ་ལྟར་རྒྱལ་རིགས་གདོལ་པ་ཅན་ནས་རྗེའུ་རིགས་དང་། དམངས་རིགས་གདོལ་པ་ཅན་གྱི་བར་དུ་གླེན་ཞིང་གཏི་མུག་གི་རང་བཞིན་ཅན་དང་། ང་རྒྱལ་གྱིས་མངོན་པར་ཟིན་པ་དེ་ནི་
D239.065.0177a03.01ཐེག་པ་ཆེན་པོ་པའོ་ཞེས་ཁས་འཆེ་བ་དེ་དག་ཉན་ཐོས་དང་། རང་སངས་རྒྱས་ཀྱི་ཐེག་པའི་སྣོད་དུ་ཡང་མ་གྱུར་ན་བླ་ན་མེད་པ་ཐེག་པ་ཆེན་པོའི་ཆོས་ཀྱི་སྣོད་དུ་གྱུར་པ་ལྟ་ཅི་སྨོས་ཏེ། ཁེ་དང་གྲགས་པ་དང་། བཀུར་སྟི་དང་། མཆོད་པ་འདོད་པའི་ཕྱིར་འཇིག་རྟེན་པ་གླེན་
D239.065.0177a04.01ཞིང་གཏི་མུག་ཅན་ཐམས་ཅད་བསླུས་ནས་བདག་ནི་ཐེག་པ་ཆེན་པོ་པའོ་ཞེས་ཟེར་ཏེ། དེ་བཞིན་གཤེགས་པའི་ཐེག་པ་གཉིས་ཀྱི་དམ་པའི་ཆོས་ལ་འཕྱ་ཞིང་སྐུར་པ་འདེབས་སོ། །དེ་ལྟར་གང་ཟག་གླེན་ཞིང་གཏི་མུག་ཅན་གཡོ་དང་སྒྱུས་འཚོ་ཞིང་ང་རྒྱལ་གྱིས་
D239.065.0177a05.01མངོན་པར་ཟིན་པ་སེར་སྣ་དང་། ཕྲག་དོག་དང་། འདོད་ཆགས་ཀྱིས་ཀུན་ནས་བསླངས་པས་དེའི་རྒྱུ་དེའི་རྐྱེན་གྱིས་ངའི་ཆོས་ཀྱི་མིག་མ་རུང་བ་དང་མྱུར་དུ་མེད་པར་བྱས་སོ། །དེས་ནི་དུས་གསུམ་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱི་དམ་ཚིག་ལས་
D239.065.0177a06.01འགལ་བའི་ཁ་ན་མ་ཐོ་བ་ཆེན་པོ་བྱེད་པ་ཡིན་ནོ། །དུས་གསུམ་གྱི་བྱང་ཆུབ་སེམས་དཔའ་ཐམས་ཅད་ཀྱི་དམ་ཚིག་ལས་འགལ་བའི་ཁ་ན་མ་ཐོ་བ་ཆེན་པོ་བྱས་པ་ཡིན་ནོ། །དུས་གསུམ་གྱི་ཉན་ཐོས་ཐམས་ཅད་ཀྱི་དམ་ཚིག་ལས་འགལ་བའི་ཁ་ན་མ་ཐོ་བ་ཆེན་
D239.065.0177a07.01