完整藏文原文 · 德格版页 当前仅加载第 65 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་པ་དེ་དག་ཀྱང་རྒྱལ་རིགས་གདོལ་པ་ཅན་ནས་བྲམ་ཟེ་གདོལ་པ་ཅན་གྱི་བར་དུ་དེ་དག་ལ་སྟེན་པར་དགའ་ཞིང་བཀུར་སྟི་དང་རིམ་གྲོ་བྱེད་དེ་དེའི་ངག་ཉན་ཏོ། །གལ་ཏེ་གང་ཟག་འགའ་ཞིག་ངའི་བསྟན་པ་ལ་རབ་ཏུ་བྱུང་ནས་ཚུལ་ཁྲིམས་དང་ཡོན་ཏན་དུ་ལྡན་པ། སློབ་པ་དང་མི་སློབ་པ་
D239.065.0148b01.01ལ་ནན་ཏན་བྱེད་པ་ནས་འབྲས་བུའི་མཐར་ཕྱིན་གྱི་བར་དུ་གྱུར་པ་ལ། རྒྱལ་རིགས་གདོལ་པ་ཅན་ནས་བྲམ་ཟེ་གདོལ་པ་ཅན་གྱི་བར་དུ་དེ་དག་གིས་དེ་ལ་ཕྲག་དོག་བྱེད་དེ། བསྙེན་བཀུར་དང་། བསྟི་སྟང་དང་། རིམ་གྲོ་དང་། མཆོད་པ་མི་བྱེད་ཅིང་སླར་ངག་ཉན་པར་ཡང་མི་བྱེད་དོ། །
D239.065.0148b02.01རིགས་ཀྱི་བུ་འདི་ལྟ་སྟེ། མི་ལ་ལ་ཞིག་རིན་པོ་ཆེའི་གླིང་དུ་ཕྱིན་པ་ལས་རིན་པོ་ཆེ་ཨིན་དྲ་ནཱི་ལ་དང་། མ་ཧ་ནཱི་ལ་དང་། གསེར་དང་། དངུལ་དང་། མུ་ཏིག་དང་། པད་མ་རཱ་ག་དང་། བཻ་དཱུརྱ་དང་། རིན་ཐང་མེད་པའི་རིན་པོ་ཆེ་རྣམ་པ་སྣ་ཚོགས་བོར་ནས་ནོར་བུ་མཆིང་བུ་ལེན་པ་
D239.065.0148b03.01ལྟར་དེ་བཞིན་དུ་མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་གདོལ་པ་ཅན་ནས་བྲམ་ཟེ་གདོལ་པ་ཅན་གྱི་བར་དུ་ཡང་དེ་དང་འདྲ་སྟེ། ངས་བསྟན་པའི་དམ་པའི་ཆོས་ཀྱི་རིན་པོ་ཆེའི་གླིང་དུ་ཕྱིན་ནས་ཚུལ་ཁྲིམས་དང་ཡོན་ཏན་དུ་ལྡན་པ། དོན་དམ་པ་ལ་དགའ་བ། འཛེམ་
D239.065.0148b04.01པ་དང་ངོ་ཚ་བར་ལྡན་པ། སློབ་པ་དང་མི་སློབ་པའི་གང་ཟག་དང་། ཕ་རོལ་ཏུ་ཕྱིན་པ་དྲུག་ལ་ནན་ཏན་བྱེད་པ་ལ་བརྩོན་པའི་སོ་སོའི་སྐྱེ་བོ་དགེ་བའི་ཡོན་ཏན་དང་ལྡན་པ། འཕགས་པའི་འཁོར་སྤངས་ནས་ཚུལ་ཁྲིམས་ཉམས་པ། སྡིག་པ་མང་པོ་སྤྱོད་པ། ངོ་ཚ་བ་མེད་པ་དང་
D239.065.0148b05.01འཛེམ་པ་མེད་པ། ཚིག་བརླང་ཞིང་རྩུབ་པ། ལུས་དང་སེམས་ང་རྒྱལ་གྱིས་དྲེགས་པ། རྣམ་པར་དཀར་བའི་ཆོས་དང་བྲལ་བ། བྱམས་པའི་སེམས་མེད་པ། སྙིང་རྗེ་མེད་པ། སྡིག་པའི་དགེ་སློང་དག་ལ་བསོད་ནམས་ཀྱི་ཞིང་དུ་འཛིན་ཅིང་བཀུར་སྟི་དང་རིམ་གྲོ་དང་། མཆོད་པ་བྱེད་
D239.065.0148b06.01དེ་དེའི་ངག་ཉན་ཏོ། །དེ་ལྟར་སྡིག་པ་ཅན་དེ་དག་ནི་སློབ་དཔོན་དང་སློབ་མར་བཅས་ཏེ་གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །རིགས་ཀྱི་བུ་སྡིག་པའི་འཁོར་ལོ་རྣམ་པ་བཅུ་ཡོད་དེ། མ་འོངས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་
D239.065.0148b07.01