完整藏文原文 · 德格版页 当前仅加载第 65 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པ་སྔོན་འདས་པའི་དུས་ན་སངས་རྒྱས་རྗེས་སུ་དྲན་པ་ལ་གོམས་པ་དག་དེང་འདིར་བཅོམ་ལྡན་འདས་ཀྱིས་སངས་རྒྱས་རྗེས་སུ་དྲན་པ་ལ་ནན་ཏན་བྱ་བའི་སྦྱོར་བ་བཤད་པ་ཐོས་ནས་སངས་རྒྱས་རྗེས་སུ་དྲན་པའི་ཏིང་ངེ་འཛིན་གྱི་སྒོ་མོ་ཐམས་ཅད་ཐོབ་བོ། །གཞན་ཡང་སེམས་ཅན་
D239.065.0240a01.01ཚད་མེད་གྲངས་མེད་པ་རྣམས་ཆོས་འདི་ཐོས་ནས་ཏིང་ངེ་འཛིན་གྱི་འཚོ་བ་མེ་ཏོག་གི་ཕྲེང་བ་ཞེས་བྱ་བའི་གཟུངས་ཀྱི་སྒོ་མོ་ཐམས་ཅད་ཐོབ་བོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་དཔའ་བར་འགྲོ་བ་གློག་གི་འོད་ལ་རྟེན་པ་ཞེས་བྱ་བའི་
D239.065.0240a02.01གཟུངས་ཀྱི་སྒོ་མོ་ཐམས་ཅད་ཐོབ་བོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་ཆོས་ལ་སྒྱུར་བ་འོད་སྣང་བ་ལས་རྟེན་པར་བྱེད་པ་རྗེས་སུ་འཐུན་པའི་བཟོད་པ་ཐམས་ཅད་ཐོབ་བོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་
D239.065.0240a03.01འདས་ཀྱིས་བཤད་པ་ཐོས་ནས་རྡུལ་དང་དྲི་མ་དང་བྲལ་ཏེ་ཆོས་ལ་ཆོས་ཀྱི་མིག་རྣམ་པར་དག་པ་སྐྱེས་ཏེ་རྒྱུན་དུ་ཞུགས་པའི་འབྲས་བུ་ཐོབ་བོ། །གཞན་ཡང་སེམས་ཅན་ཚད་མེད་གྲངས་མེད་པ་དག་ནི་བཅོམ་ལྡན་འདས་ཀྱིས་བཤད་པ་ཐོས་ནས་ལན་ཅིག་ཕྱིར་ལྡོག་པའི་འབྲས་བུ་ཐོབ་བོ། །གཞན་ཡང་
D239.065.0240a04.01སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་ཕྱིར་མི་ལྡོག་པའི་འབྲས་བུ་ཐོབ་བོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་མཆོག་གི་དགྲ་བཅོམ་པའི་འབྲས་བུ་ཐོབ་བོ། །གཞན་ཡང་སེམས་ཅན་ཚད་
D239.065.0240a05.01མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་ཁམས་གསུམ་གྱི་བཙོན་ར་ནས་འབྱུང་བར་རྩོམ་པས་བཅོམ་ལྡན་འདས་ལ་རྟེན་ཅིང་རབ་ཏུ་བྱུང་ནས་ཡང་དག་པའི་ཆོས་ལ་ཞུགས་པར་གྱུར་ཏོ། །གཞན་ཡང་སེམས་ཅན་ཚད་མེད་གྲངས་མེད་པ་དག་ན་མ་འཚོའི་བར་དུ་དགེ་བ་
D239.065.0240a06.01བཅུའི་ལས་ཀྱི་ལམ་ལ་བདེ་བར་གནས་ཤིང་ཉན་ཐོས་ཀྱི་ཐེག་པར་སེམས་བསྐྱེད་པས་ཕྱིར་མི་ལྡོག་པར་གྱུར་ཏོ། །གཞན་ཡང་སེམས་ཅན་ཚད་མེད་གྲངས་མེད་པ་དག་བཅོམ་ལྡན་འདས་ཀྱིས་བཤད་པ་ཐོས་ནས་ནམ་འཚོའི་བར་དུ་དགེ་བ་བཅུའི་ལས་ཀྱི་ལམ་ལ་བདེ་བར་གནས་ནས། རང་སངས་
D239.065.0240a07.01