完整藏文原文 · 德格版页 当前仅加载第 65 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོག་སྨིན་པར་བྱེད་པའང་དགེ་བར་གསུངས། །སངས་རྒྱས་ཀུན་གྱིས་དགེ་བར་གསུངས་པ་འདི། །དེ་བཞིན་གཤེགས་པ་ཀུན་གྱིས་བྱིན་བརླབས་པ། །དགེ་བར་གསུངས་འདིས་བྱང་ཆུབ་སེམས་དཔའི་རྣམས། །བྱིན་གྱིས་རློབ་མཛད་རྗེས་སུ་ཡི་རང་ངོ་། །བཅོམ་ལྡན་འདས་དེ་ལྟར་མེ་དང་ཆུ་དང་
D239.065.0115b01.01ལྡན་པ་དང་། བཀྲ་ཤིས་ཀྱི་འོད་སྣང་བ་དང་། ཐོས་པ་འཛིན་པའི་རིག་སྔགས་ཆེན་པོ་གཟུངས་ཀྱི་ཚིག་འདི་ནི་བདག་གིས་འདས་པའི་སངས་རྒྱས་བཅོམ་ལྡན་འདས་ཆུ་ཀླུང་གང་གཱའི་བྱེ་མ་སྙེད་ལ་བསྙེན་བཀུར་བགྱིས་པས་ཐོས་སོ། །གཟུངས་འདི་ནི་རྣམ་པར་དཀར་བའི་ཆོས་ཐམས་ཅད་འཕེལ་
D239.065.0115b02.01ཞིང་སྐྱེ་བར་བགྱིད་པ་ནས་དེ་བཞིན་དུ་རྒྱས་པའི་ལོངས་སྤྱོད་པའི་ཡོ་བྱད་ཐམས་ཅད་ཀྱི་བར་དུ་འཕེལ་ཞིང་སྐྱེ་བར་བགྱིད་དོ། །བཙུན་པ་བཅོམ་ལྡན་འདས་གཟུངས་འདིས་ནི་ཆུ་བོ་བཞི་ལས་སྒྲོལ་བར་བྱེད་དོ། །བཅོམ་ལྡན་འདས་ཀྱི་ཉེ་གནས་སུ་གྱུར་པ་དགེ་སློང་དང་། དགེ་སློང་མ་དང་།
D239.065.0115b03.01དགེ་བསྙེན་དང་། དགེ་བསྙེན་མ་ལ་སོགས་པའི་དམིགས་པ་འཕེལ་བར་བགྱིད་པ་ནས། དེ་བཞིན་དུ་རྒྱས་པར་འཚོ་བའི་ཡོ་བྱད་ཐམས་ཅད་ཀྱི་བར་དུ་འཕེལ་ཞིང་སྐྱེ་བར་བགྱིད་དོ། །གཟུངས་འདི་ནི་བཅོམ་ལྡན་འདས་ཀྱིས་འཕགས་པའི་གསུང་རབ་བདུད་རྩི་ལྟ་བུ་ཡོངས་སུ་རྒྱས་པ་དང་།
D239.065.0115b04.01ཡུན་དུ་གནས་ཤིང་ཁམས་གསུམ་གྱི་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དུ་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་ཐོས་པ་འཛིན་པའི་རིགས་སྔགས་ཆེན་པོ་དང་། གཟུངས་ཀྱི་ཚིག་འདི་སྨྲས་པ་ན། རི་ཁ་ལ་ཏེ་ཡ་རབ་ཏུ་གཡོས་ནས་
D239.065.0115b05.01ལྷའི་རོལ་མོ་བྱེ་བ་ཁྲག་ཁྲིག་ཀྱང་མ་དཀྲོལ་བར་རང་འཁྲོལ་ཏེ། ལྷའི་སྤོས་དང་། མེ་ཏོག་དང་། རིན་པོ་ཆེ་ཚད་མེད་པ་རྣམ་པ་སྣ་ཚོགས་ཆར་བཞིན་དུ་བབས་ནས་དེའི་ཚེ་འཁོར་མང་པོ་དེ་དག་ཐམས་ཅད་ཀྱང་ངོ་མཚར་རྨད་དུ་གྱུར་ཏོ། །དེའི་ཚེ་ན་འཁོར་གྱི་དཀྱིལ་འཁོར་དེ་ན་ལྷ་མོ་
D239.065.0115b06.01བཀྲ་ཤིས་ཆེན་མོ་དང་། དཔལ་ལྡན་ལྷ་མོ་ཆེན་མོ་དང་། མཆོད་དབྱངས་ལྷ་མོ་ཆེན་མོ་དང་། བརྟན་པ་ལྷ་མོ་ཆེན་མོ་དང་། ཆུ་ཅན་ལྷ་མོ་ཆེན་མོ་དང་། འོད་ཆེན་ལྷ་མོ་ཆེན་མོ་ལ་སོགས་པ་ལྷ་མོ་འབྱུང་བ་ཆེན་པོ་བཞི་ལ་དབང་དུ་གྱུར་པ་སྟོང་ཕྲག་{བཅྭ་,བཅོ་}བརྒྱད་འདུག་པ་ལས་ལངས་ནས།
D239.065.0115b07.01