完整藏文原文 · 德格版页 当前仅加载第 65 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་མའི་སྡུག་བསྔལ་ལ་འཇིགས་པར་མི་ལྟ་བ། ཁྱིམ་གྱི་འདམ་དུ་བྱིང་བ། སྡིག་པ་མང་པོ་བྱེད་པ་དེ་དག་ལ་ནི་རྒྱལ་པོ་ཆེན་པོས་ཅི་རིགས་ཅི་འོས་སུ་ཆད་པ་རྣམ་པ་སྣ་ཚོགས་ཀྱིས་གཅོད་དེ། ཁ་ཅིག་ལ་ནི་ཚིག་ན་བས་སྤྱོས་ཤིང་བརྒྱད་པ་དག་བྱེད་དོ། །ཁ་ཅིག་
D239.065.0126a01.01ལ་ནི་རིན་པོ་ཆེ་དང་ནོར་རྫས་ལ་སོགས་པ་འཕྲོག་གོ། །ཁ་ཅིག་ལ་ནི་འཚོ་བའི་ཡོ་བྱད་དག་ཀྱང་འཕྲོག་གོ། །ཁ་ཅིག་ལ་ནི་ལྕག་གིས་གཞུ་བ་དང་བཙོན་རར་བཅུག་གོ། །ཁ་ཅིག་ལ་ནི་ཡན་ལག་དང་ཉིང་ལག་གཅོད་དོ། །ཁ་ཅིག་ལ་ནི་མགོ་དང་ལུས་ཀྱང་གཅོད་དེ་དེ་དག་ལ་སོགས་
D239.065.0126a02.01པ་ཆད་པ་རྣམ་པ་སྣ་ཚོགས་ཀྱིས་ཆད་པ་གཅོད་དོ། །རིགས་ཀྱི་བུ་དེ་ལྟར་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་རྒྱལ་པོའི་འཁོར་ལོ་གསུམ་པ་འདི་དང་ལྡན་ཏེ། འཁོར་ལོ་དེའི་དབང་གིས་བདག་གི་ཡུལ་རབ་ཏུ་བདེ་ཞིང་སྐྱིད་པས་ཕས་རྒོལ་བའི་དགྲ་
D239.065.0126a03.01ཐམས་ཅད་དང་། གྲོགས་པོ་ངན་པ་བཏུལ་ཅིང་ལུས་སྲུང་བའི་ནན་ཏན་མཁས་པས་ཚེ་ཡང་རིང་བར་འགྱུར་རོ། །རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་ཡང་དབང་པོ་ལ་ཤིན་ཏུ་མཁས་པའི་ཡེ་ཤེས་དང་ལྡན་པས་འཁོར་གང་བསོད་ནམས་དང་ཡེ་ཤེས་ཀྱི་ཚོགས་དང་། ཐབས་
D239.065.0126a04.01དང་ཤེས་རབ་ལས་རིང་དུ་གྱུར་པ། སྦྱིན་པ་དང་། དུལ་བ་དང་། ཞི་བ་ཡོངས་སུ་སྤངས་ཏེ་དྲན་པ་ཉམས་ནས་སེམས་འཁྲུགས་པར་གྱུར་པ་དག་ང་གང་ན་བ་དེར་འོངས་ཏེ་ང་ལ་སྐྱབས་སུ་འོངས་ནས་དེ་དག་གི་དབང་པོ་དང་། དད་པ་དང་། བག་ལ་ཉལ་བ་དང་། མོས་པ་ཤིན་ཏུ་མཁྱེན་པས་
D239.065.0126a05.01ཅི་དང་ཅིས་འདུལ་བ་བཞིན་དུ་ཆད་པས་གཅད་པའི་ཐབས་འདུལ་བ་ལ་སོགས་པའི་ཆོས་སྟོན་ཏོ། །སེམས་ཅན་གང་ང་རྒྱལ་གྱི་དབང་དུ་གྱུར་ཏེ། བསླབ་པ་མང་པོ་གཟུངས་སུ་མི་འཛིན་པ་དག་ལ་ནི་ངས་བསྟན་པའི་དམ་པའི་ཆོས་ཡུན་རིང་དུ་གནས་པར་བྱ་བའི་ཕྱིར་དངོས་པོ་འདི་
D239.065.0126a06.01དག་བྱེད་དུ་གཞུག་གོ། །ལ་ལར་ནི་དྲན་པར་བྱ་བའི་དམ་བཅའ་བས་ཆད་པས་གཅོད་དོ། །ལ་ལར་ནི་ཚིག་ན་བས་བསྡིགས་པ་དང་། གཤེ་བ་དང་། སྤྱོ་བས་གཅོད་དོ། །ལ་ལར་ནི་སྐད་ཅིག་དགར་ཞིང་སྨ་དབབ་པས་གཅོད་དོ། །ལ་ལར་ནི་ཕྱག་འཚལ་བ་དང་། མི་སྨྲ་བ་
D239.065.0126a07.01