完整藏文原文 · 德格版页 当前仅加载第 65 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེ་བཞིན་དུ་འགྲོ་བ་དང་འོང་བ་རྗེས་སུ་དྲན་པས་གཟུང་བར་བསམ་གཏན་དག་ལ་ཞུགས་པ་ནི་ཡང་དག་པའི་ཆོས་དོན་དམ་པ་ལ་གནས་པའི་སེམས་ཅན་ཞེས་བྱའོ། །བསམ་གཏན་ཡང་དག་པ་ཇི་ལྟ་བ་བཞིན་དུ་བསྒོམ་པ་ཞེས་བྱའོ། །དུས་གསུམ་གྱི་སངས་རྒྱས་བཅོམ་ལྡན་འདས་
D239.065.0124b01.01ལ་ཡང་དག་པར་མཆོད་པ་ཞེས་བྱའོ། །སངས་རྒྱས་ཐམས་ཅད་ཀྱི་ཐུགས་ལས་བྱུང་བའི་སྲས་ཐམས་ཅད་ཀྱི་གསུང་ལས་སྐྱེས་པ། ཆོས་ཀྱིས་གྲུབ་པ། ཆོས་ཀྱིས་བཏུལ་བ་ཞེས་བྱའོ། །བྱང་ཆུབ་སེམས་དཔའ་ལ་ལས་དེ་ལྟར་བསྒོམས་པ་ལས་བགས་ཀྱིས་ཕྱིར་ནུར་ན་ཡང་ཟག་པ་
D239.065.0124b02.01ཟད་པའི་དགྲ་བཅོམ་པར་གྱུར་པ་ནས་མངོན་པར་ཤེས་པ་དྲུག་དང་ལྡན་པར་འགྱུར་རོ། །བྱང་ཆུབ་སེམས་དཔའ་ལ་ལ་དེ་ལྟར་བསྒོམས་པས་གོང་ནས་གོང་དུ་འཕར་བ་ནི་ཡོན་ཏན་ཐམས་ཅད་ཡོངས་སུ་རྫོགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོར་གྱུར་པ་ནས་སངས་རྒྱས་
D239.065.0124b03.01ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དང་། རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་ཡོངས་སུ་རྫོགས་པར་འགྱུར་ཏེ། རིང་པོ་མི་ཐོགས་པར་བླ་ན་མེད་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །རིགས་ཀྱི་བུ་ངས་རྣམ་པ་དེ་སྙེད་ཀྱི་ལས་དང་། ཆོས་དང་།
D239.065.0124b04.01ཚོར་བ་དང་། རྒྱུ་དང་། འབྲས་བུ་དང་། རྣམ་པར་སྨིན་པ་ལ་ཡེ་ཤེས་ཀྱིས་དུས་གསུམ་གྱི་སངས་རྒྱས་ཀྱི་ཆོས་ལ་བརྟགས་ན་སེམས་ཅན་དག་ཏིང་ངེ་འཛིན་བསྒོམ་པའི་ལས་ཀྱི་འཁོར་ལོ་བཅུ་རྣམ་པར་བཞག་ལ་སྒོམ་དུ་འཛུད་དོ། །རིགས་ཀྱི་བུ་དེ་དག་ནི་དེ་བཞིན་གཤེགས་
D239.065.0124b05.01པའི་ཏིང་ངེ་འཛིན་སྒོམ་པའི་ལས་ཀྱི་འཁོར་ལོ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་དེ་བཞིན་གཤེགས་པའི་ཁ་ཏོན་གོམས་པའི་ལས་ཀྱི་འཁོར་ལོ་ཞེ་ན། གང་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། རིགས་ཀྱི་བུའམ། རིགས་
D239.065.0124b06.01ཀྱི་བུ་མོ་དགེ་བའི་རྩ་བ་ཆུང་ཞིང་སྲབ་པ་དང་། ཀུན་རྫོབ་ཀྱི་བདེན་པ་ལ་གནས་པ་དབང་པོ་ཡོངས་སུ་མ་སྨིན་པ་དག་ལ་ངས་ཁ་ཏོན་གོམས་པར་བྱ་བ་ལ་བཙུད་དེ། སྲོད་དང་ཐོ་རངས་ལ་ལེ་ལོ་མེད་པར་ཤིན་ཏུ་བརྩོན་འགྲུས་རྩོམ་པ་དང་། སེམས་ཅན་གང་བླ་ན་མེད་པའི་ཡེ་
D239.065.0124b07.01