完整藏文原文 · 德格版页 当前仅加载第 65 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །ལེགས་སོ། །ལེགས་སོ། །རིགས་ཀྱི་བུ་ཁྱོད་སྐྱེ་བོ་ཚད་མེད་པ་ལ་ཕན་པ་དང་། བདེ་བའི་དོན་གྱི་ཕྱིར་ལྷ་དང་། མི་དང་། ལྷ་མ་ཡིན་ལ་སོགས་པའི་དོན་ཆེན་པོའི་ཕྱིར་དེ་བཞིན་གཤེགས་པ་ལ། ཤིན་ཏུ་ཟབ་
D239.065.0168b01.01མོའི་དོན་འདི་དག་ཞུས་པ་ལེགས་སོ། །ཤིན་ཏུ་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཤིག་དང་། ངས་ཁྱོད་ལ་རྣམ་པར་ཕྱེ་སྟེ་བཤད་དོ་ཞེས་བཀའ་སྩལ་ནས། བྱང་ཆུབ་སེམས་དཔའ་རྡོ་རྗེའི་སྙིང་པོ་བཅོམ་ལྡན་འདས་ལ་སླར་ཉན་ཏོ། །བཅོམ་ལྡན་འདས་ཀྱིས་བཀའ་སྩལ་པ། རིགས་
D239.065.0168b02.01ཀྱི་བུ་གང་ཟག་རྣམ་པ་བཅུ་པོ་འདི་དག་ནི་འཁོར་བར་འཁོར་ཞིང་མི་ལུས་ཤིན་ཏུ་རྙེད་པར་དཀའོ། །གང་ཟག་རྣམ་པ་བཅུ་པོ་གང་ཞེ་ན། འདི་ལྟ་སྟེ། དགེ་བའི་རྩ་བ་མི་སྐྱེད་པ་དང་། བསོད་ནམས་ཀྱི་ལས་མི་བྱེད་པ་དང་། ཀུན་ནས་ཉོན་མོངས་པའི་ཉིང་མཚམས་སྦྱོར་བ་དང་། གྲོགས་
D239.065.0168b03.01པོ་སྡིག་པའི་རྗེས་སུ་སྤྱོད་པ་དང་། འཇིག་རྟེན་ཕྱི་མའི་སྡུག་བསྔལ་གྱི་འབྲས་བུ་ལ་འཇིགས་པར་མི་ལྟ་བ་དང་། འདོད་ཆགས་བདོ་བར་འགྱུར་བ་དང་། ཞེ་སྡང་བདོ་བར་འགྱུར་བ་དང་། གཏི་མུག་བདོ་བར་འགྱུར་བ་དང་། སེམས་མྱོས་ཤིང་འཁྲུག་པ་དང་། ལོག་པར་ལྟ་བའི་སྡིག་པ་
D239.065.0168b04.01ཅན་དུ་འཛིན་པ་སྟེ། གནས་ཤིང་སྤྱད་པར་མི་བྱ་བ་རྣམ་པ་བཅུ་པོ་འདིའི་རྒྱུས་སེམས་ཅན་དག་ཚུལ་ཁྲིམས་ཀྱི་རྩ་བ་འཇིག་ཅིང་ཚུལ་ཁྲིམས་ཉམས་པར་བྱེད་པས་ངན་སོང་དུ་ལྟུང་བར་འགྱུར་རོ། །གནས་ཤིང་སྤྱད་པར་མི་བྱ་བ་རྣམ་པ་བཅུ་པོ་གང་ཞེ་ན། འདི་ལྟ་སྟེ། ངའི་བསྟན་པ་ལ་རབ་ཏུ་བྱུང་
D239.065.0168b05.01བ་དག་ལ་ལ་ནི་ལྷག་པའི་སྤྱོད་པ་ཉམས་ལ་མོས་པ་མ་ཉམས་པ་ཡང་ཡོད། ལ་ལ་ནི་མོས་པ་ཉམས་ལ་ལྷག་པའི་སྤྱོད་པ་མ་ཉམས་པ་ཡང་ཡོད། ལ་ལ་ནི་ལྷག་པའི་སྤྱོད་པ་དང་། མོས་པ་གཉི་ག་ཉམས་པ་ཡང་ཡོད། ལ་ལ་ནི་ཚུལ་ཁྲིམས་ཉམས་ལ་ལྟ་བ་མ་ཉམས་པ་ཡང་ཡོད། ལ་ལ་ནི་ལྟ་
D239.065.0168b06.01བ་ཉམས་ལ་ཚུལ་ཁྲིམས་མ་ཉམས་པ་ཡང་ཡོད། ལ་ལ་ནི་ཚུལ་ཁྲིམས་དང་ལྟ་བ་གཉི་ག་ཉམས་པ་ཡང་ཡོད་དོ། །ལ་ལ་ནི་ལྷག་པའི་སྤྱོད་པ་དང་། མོས་པ་དང་། ཚུལ་ཁྲིམས་དང་། ལྟ་བ་མ་ཉམས་ཀྱང་སྡིག་པའི་གྲོགས་པོའི་དབང་དུ་གྱུར་ཏེ་གནས་ཤིང་སྤྱད་པར་མི་བྱ་བ་དག་བྱེད་པ་ཡང་
D239.065.0168b07.01