完整藏文原文 · 德格版页 当前仅加载第 65 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ལ་སོགས་པ་ཐམས་ཅད་རྒྱས་པར་སྐྱེ་ཞིང་། རྩི་ཤིང་དང་། ལོ་ཏོག་ལ་སོགས་པའི་མེ་ཏོག་དང་། འབྲས་བུ་ཡང་སྨིན་ཅིང་གྲུང་བ་དང་། མངར་བ་དང་། སྣུམ་པ་དང་། དྲི་ཞིམ་པར་བྱེད་དོ། །གནས་གང་དག་ན་སེམས་ཅན་གང་དག་འདོད་ཆགས་དང་། ཞེ་སྡང་དང་། གཏི་མུག་ལ་
D239.065.0112b01.01སོགས་པ་དྲག་ལ་རྣོ་བས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། {བརྫུན་,རྫུན་}དུ་སྨྲ་བ་དང་། ངག་རྩུབ་པོར་སྨྲ་བ་དང་། ཕྲ་མ་བྱེད་པ་དང་། ཚིག་ཀྱལ་པར་སྨྲ་བ་དང་། འདོད་ཆགས་ཅན་དང་། ཞེ་སྡང་ཅན་དང་། ལོག་པར་ལྟ་བ་དང་། མི་
D239.065.0112b02.01དགེ་བ་བཅུའི་ལས་ཀྱི་ལམ་མངོན་དུ་སྤྱོད་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན་ཉོན་མོངས་པ་ཐམས་ཅད་ཞི་ཞིང་མི་དགེ་བ་བཅུ་དང་ཡོངས་སུ་བྲལ་ཏེ་དགེ་བ་
D239.065.0112b03.01བཅུའི་ལས་ཀྱི་ལམ་དང་ལྡན་ཞིང་སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བ་དང་། ཕན་པ་དང་། བདེ་བའི་སེམས་སྐྱེ་བར་འགྱུར་རོ། །དེ་ལྟར་རིགས་ཀྱི་བུ་འདི་ནི་དེ་ལྟ་བུའི་ཡོན་ཏན་དམ་པ་དང་། ཏིང་ངེ་འཛིན་དང་། མཐུ་དང་། གཟི་བརྗིད་ཀྱི་ཤུགས་དང་། ཤིན་ཏུ་
D239.065.0112b04.01བརྩོན་པའི་ཏིང་ངེ་འཛིན་གྱིས་སྐད་ཅིག་ཐང་ཅིག་ཏུ་སངས་རྒྱས་ཀྱི་ཞིང་ཚད་མེད་གྲངས་མེད་པར་ཕྱིན་ཅིང་། སངས་རྒྱས་ཀྱི་ཞིང་དེ་རེ་རེར་ཡང་སྐད་ཅིག་ཐང་ཅིག་གིས་སེམས་ཅན་སྣོད་དུ་གྱུར་པ། ཚད་མེད་གྲངས་མེད་པ་གང་གཱའི་ཀླུང་གི་བྱེ་མ་སྙེད་སྡུག་བསྔལ་ལས་བསྒྲལ་ནས་
D239.065.0112b05.01བདེ་བ་ཐོབ་པར་བྱས་ཏེ་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །དེ་ལྟར་རིགས་ཀྱི་བུ་དེ་ནི་དེ་ལྟ་བུའི་ཡོན་ཏན་དང་། སྨོན་ལམ་བརྟན་པ་དང་། ཤིན་ཏུ་འབད་པའི་བརྩོན་འགྲུས་བསམ་གྱིས་མི་ཁྱབ་པ་དང་ལྡན་ཏེ།
D239.065.0112b06.01སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕྱོགས་བཅུའི་འཇིག་རྟེན་གྱི་ཁམས་སུ་ཁ་ཅིག་ལ་ནི་ཚངས་པ་ཆེན་པོའི་རྒྱལ་པོའི་ལུས་སུ་སྟོན་ཏེ། སེམས་ཅན་རྣམས་ཅིས་འདུལ་བའི་ཆོས་སྟོན་ཏོ། །ཁ་ཅིག་ལ་ནི་དབང་ཕྱུག་ཆེན་པོའི་ལྷའི་ལུས་སུ་སྟོན་ཏོ། །ཁ་ཅིག་ལ་ནི་འདོད་
D239.065.0112b07.01